လွၼ်ႉမွၼ်းၵႂၢမ်း

 

ပၢႆးဝူၼ်ႉလီလီၼႆႉ လုၵ်ႉမႃးတီႈၼမ်ႉၸႂ်ဝူၼ်ႉပုၼ်ႈတႃႇၵူၼ်းတင်းၼမ် ၵူၼ်းဢမ်ႇဝူၼ်ႉတႃႇၵူၼ်းတင်းၼမ်လႆႈ ၵုမ်ႇဝူၼ်ႉတႃႇသုၼ်ႇတူဝ်ၶဝ်ၼႆႉ ဢမ်ႇပဵၼ်ၽူႈဢွၼ်ႁူဝ်ပိူၼ်ႈလႆႈ

ၽိုၵ်းႁႂ်ႈမီးၼမ်ႉၸႂ်ပုၼ်ႈၵူၼ်းၼမ် ယႃႇပေ ၶႄႉၵၼ် ၶႄႉၵၼ်ၼႆႉတေႁဵတ်းႁႂ်ႈႁဝ်း ၸင်းၵၼ် ဢမ်ႇတူၺ်းၼႃႈၵၼ်လႆႈ ၶႄႉၵၼ်ၼႆႉ ၸင်ႇမီးတၢင်းၶတ်းၸႂ် ၼႆသေတႃႉ လႆႈဢၼ်လီ ၵူၺ်းၵႃႈမၼ်းမီးပႃးဢၼ်ၸႃႉ ယွၼ်ႉလွင်ႈၸႃႉလႄႈတေဢမ်ႇတူၺ်းၼႃႈၵၼ်လႆႈ ယွၼ်ႉပိူဝ်ႈပဵၼ်ၵူၼ်းၶႄႉၵၼ်။

ပေႃးၼၼ်ႉ လိူဝ်သေၶႄႉၵၼ် ‌ႁႅင်းၸႂ်သမ်ႉတေဢဝ်တီႈလႂ်မႃးလႃႇ ႁႂ်ႈမေႃဝူၼ်ႉသွၼ်ႇပုၼ်ႈတႃႇၵူၼ်းတင်းၼမ် ဝူၼ်ႉတေႃႇၵူၼ်းမိူင်းႁဝ်းဢၼ်လႆႈတုၵ်ႉယၢၵ်ႈၶၢၼ်ၸႂ်ၸိူဝ်းၼၼ်ႉ ႁႂ်ႈပေႃးမီးၼမ်ႉၵတ်ႉလၢႆၽၢႆႇလၢႆတၢင်းလီလီသေယဝ်ႉ ႁႂ်ႈပေႃးၸၢင်ႈမေႃမႃးၸွႆႈၸုင်ၸၼ်ၵူၼ်းမိူင်းႁဝ်းၶိုၼ်ႈယႂ်ႇသုင် မုၼ်းလႅင်းၵႂႃႇလႆႈယႃႇပေႁႂ်ႈလႆႈၼႃႈလဵၵ်ႉ တႃၼွႆႉ ဝူၼ်ႉလွင်ႈၶဝ်ၸိူဝ်းၼၼ်ႉသေဢီးလူၶဝ် ယႃႇပေၵႂႃႇၸႂ်လမ်ၶဝ်။