လွင်ႈဢုပ်ႇဢူဝ်းၵၼ်

 ဢုပ်ႇဢူဝ်းၵၼ်ဢၼ်ဝႃႈၼႆႉ ဢမ်ႇၸႂ်ႈဢၼ်ငၢႆႈ၊ ၵူႈၵေႃႉၵူႈမီးတၢင်းႁၼ်ထိုင်ႁင်းၽႂ်ႁင်းမၼ်း၊ ပေႃးတၢင်းႁၼ်ထိုင်ဢမ်ႇမိူၼ်ၵၼ်ၼႆၸိုင် ၵူၼ်းႁဝ်းၼႆႉ ၵူဝ်တၢင်းႁၼ်ထိုင်ပိူၼ်ႈ မႃးပေႉပုၼ်ႈ တၢင်းႁၼ်ထိုင်ႁဝ်း၊ ၸႂ်ၵူဝ်ဢၼ်ဝႃႈၼၼ်ႉ ဢွၵ်ႇမႃးၵမ်းလဵဝ်ယဝ်ႉ။

 ပေႃးၸႂ်ၵူဝ်ဢွၵ်ႇမႃးၼႆ ဝူၼ်ႉၽိတ်းၵမ်းလဵဝ် ၊ ဢၼ်ထွမ်ႇပိူၼ်ႈၵေႃႈဢမ်ႇထွမ်ႇလီလီယဝ်ႉ၊  ထွမ်ႇၵေႃႈ ဢမ်ႇထွမ်ႇႁႂ်ႈေပႃးပွင်ႇၸႂ်၊ ၵုမ်ႇဝူၼ်ႉၼႂ်းၸႂ်ဝႃႈ" ၵဝ်တေလၢတ်ႈႁႂ်ႈပႄႉမၼ်းၸိူင်ႉႁိုဝ်၊ တေႁႂ်ႈတၢင်း ႁၼ်ထိုင်မၼ်းၼႆႉဢမ်ႇလမ်ႇလွင်ႈ၊ တေႁဵတ်းၸိူင်ႉႁိုဝ် ယႃႇႁႂ်ႈပိူၼ်ႈယွမ်းႁပ်ႉမၼ်း၊ လႄႈ ႁႂ်ႈပိူၼ်ႈ ယွမ်းႁပ်ႉၸဝ်ႈၵဝ်ႇ" ၵုမ်ႇဝူၼ်ႉဢၼ်ၼႆႉ တႃႇတူဝ်မၼ်းၵူၺ်း ဢမ်ႇဝူၼ်ႉတႃႇတင်းသွင်ၽၢႆႇ၊ ၵွပ်ႈပိူဝ်ႈ ၼၼ်လႄႈ ၵူၼ်းၵေႃႉၼႆႉ ဢမ်ႇပဵၼ်ၽူႈဢွၼ်ႁူဝ်လႆႈ ။

 မိူဝ်ႈဢုပ်ႇၵၼ်ဢၼ်ဝႃႈၼႆႉ ထွမ်ႇတူၺ်း

တၢင်းႁၼ်ထိုင်ပိူၼ်ႈမီးၸိူင်ႉႁိုဝ်၊ မၼ်းလီတႃႇတင်းသွင်ပႃႈ သွင်ၽၢႆႇၸူိင်ႉႁိုဝ်၊ တၢင်းႁၼ်ထိုင်ဢၼ်ႁဝ်းမီးၼႆႉလူး မၼ်းလီတႃႇၶဝ်လႄႈ လီတႃႇႁဝ်းၸူိင်ႉႁိုဝ်၊ ဝူၼ်ႉၶဝ် ဝူၼ်ႉႁဝ်း၊ လီၶဝ် လီႁဝ်း၊ လီတေႃႇလီမႃးႁူမ်ႈၵၼ်ၵွၼ်ႇ မၼ်းၸင်ႇတေလီလိူဝ်ၵဝ်ႇ။

#ၸဝ်ႈၶူးလူင် Prof. Dr.ၶမ်းမၢႆ ꩪမ်မသႃမိ ၽူႈၵေႃႇတင်ႈ ၸၼ်ႉၸွမ်ပုတ်ႉထမိူင်းတႆး ဝဵင်းတူၼ်ႈတီး ။