တီႇမူဝ်ႇၶရေႇၸီႇ ၶႂ်ႈႁႂ်ႈတႄႇတီႈ ႁူင်းႁဵၼ်းၸၼ်ႉဢွၼ်

 

ၽိင်ႈယၢမ်ႈ ဢၼ်ႁူင်းႁဵၼ်းလုၵ်ႈဢွၼ်ႇ တီႈမိူင်းၼေႃႇဝူၺ်ႇ ၶဝ်ၽိုၵ်းသွၼ်ပၼ်လုၵ်ႈဢွၼ်ႇ

တၢင်းယၢမ်ႈ ဢၼ်ႁူင်းႁဵၼ်းလုၵ်ႈဢွၼ်ႇ တီႈမိူင်းၼေႃႇဝူၺ်ႇ သွၼ်ပၼ်

ၼင်ႇႁိုဝ်လုၵ်ႈဢွၼ်ႇပေႃးတေမေႃယၢင်ႈၸွမ်းလွၵ်းလၢႆး တီႇမူဝ်ၶရေၸီႇ ဢၼ်ၸႅတ်ႈၸၢင်ႇၸၢင်ႇၼၼ်ႉ ၸင်ႇထွၼ်ဢဝ်လွၵ်းၵၢၼ်ႁဵတ်းသၢင်ႈႁူင်းႁဵၼ်း ၸၼ်ႉဢွၼ်ၼေႃႇဝေး လႄႈလွၵ်းလၢႆးတူဝ်ထူပ်းမေႃသွၼ်ၶဝ်သေႁူမ်ႈၵၼ်ဝႆႉ။

ၼင်ႇထုင်းၵႂၢမ်းမီးဝႆႉဝႃႈ "ငဝ်ႈလၢႆးၵေႃႈပၢႆလၢင်ႇ" ၼႆၼၼ်ႉ ၸွမ်းၼင်ႇႁဝ်းၶႂ်ႈလႆႈၶႂ်ႈပဵၼ် ၼင်ႇလွၵ်းလၢႆးတီႇမူဝ်ႇၶရေႇသီႇၼၼ်ႉ ႁဝ်းထုၵ်ႇလီ လုမ်းလႃးတူၺ်းထိုင်လုၵ်ႈဢွၼ်ႇႁႂ်ႈလီထိသုတ်းၵွၼ်ႇ ဝၼ်းၼႃႈမႃးၶဝ်ၸင်ႇပဵၼ်မႃႈလႆႈဢိူဝ်ႈ။

ယႃႇပေထၢင်ႇလဵၵ်ႉလုၵ်ႈဢွၼ်ႇ ပေႃးလုၵ်ႈဢွၼ်ႇဝၼ်းမိူဝ်ႈၼႆႉလီၵွၼ်ႇ ၸင်ႇၸၢင်ႈပဵၼ်မႃးၵူၼ်းလူင်ၽူႈဢွၼ်ႁူဝ်လီဝၼ်းမိူဝ်းၼႃႈၼင်ႇၼၼ်ယဝ်ႉ သင်ဢမ်ႇတိုတ်ႉၸၼ်ပၼ်ႁႅင်းၶဝ်ၸိုင် သွၼ်ၵမ်ႉမၼ်းပွင်ႇလႄႈလႃႇဢဝ်ၵမ်ႉမၼ်းပဵၼ်ၶဝ်ၵေႃႈတေပဵၼ်ၵူၼ်းၼႃႇလိူဝ်ဢၼ်သူသွၼ်ၼၼ်ႉၵေႃႈၸၢင်ႈပဵၼ်လႆႈ။

ၼင်ႇႁိုဝ်ၼမ်ႉၸႂ်လုၵ်ႈဢွၼ်ႇပေႃးတေမေႃၵႄႇထူၼ်ႈမႃးၼႂ်ႈလွင်ႈတီႇမူဝ်ၶရေႇသီႇ ဢၼ်ၸႅတ်ႈၸၢင်ႇၼၼ်ႉတေလႆႈလုမ်းလႃႈတူၺ်ႈထိုင်ပူၵ်းပွင်ႇၼင်ႇႁိုဝ် ၸွမ်းၼင်ႇၽူႈတႅမ်ႈလိၵ်ႈႁႃႁွမ်လဵပ်ႈႁဵၼ်းတီႈမိူင်းၼေႃႇဝေးသေ ထုတ်ႇတႅမ်ႈပဵၼ်ပပ်ႉဝႆႉယဝ်ႉ။

ပပ်ႉၼၼ်ႉပဵၼ်တွၼ်ႈတႃႈၽူႈၸိူဝ်းသူင်မိုတ်ႈ လွင်ႈတီႈမၶရေႇသီႇၼၼ်ႉ ဢၼ်မီးၸိုဝ်ႈဝႃႈ တီႇမူဝ်ႇၶရေႇၸီႇ ၶႂ်ႈႁႂ်ႈတႄႇတီႈ ႁူင်းႁဵၼ်းၸၼ်ႉဢွၼ် (ဒီမိုကရေစီကို မူကြိုကျောင်းက စချင်တယ်)ၼႆၼၼ်ႉသေ ထွၼ်ဢဝ်မႃးၶၢဝ်ႉၶၢဝ်ႉၼႄပေႃႈမႄႈၶူးမေႃသွၼ် ပူႇၶိင်းဢူဢၢဝ်ၸဝ်ႈႁဝ်းၶဝ်ၼင်ႇၼႆ

1. သွၼ်ႁႂ်ႈမေႃယူႇ တွၼ်ႈၽႂ်တွၼ်ႈမၼ်း ၵေႃႉလဵၵ်ႉႁႂ်ႈမေႃၼပ်ႉယမ်ၵေႃႉယႂ်ႇ၊ ၵေႃႉယႂ်ႇ ႁႂ်ႈမေႃသင်ႇသွၼ်/ဢီးလူၵေႃႉလဵၵ်ႉ။

2. သွၼ်ပၼ်ႁႂ်ႈမေႃၸွပ်ႇၸၢမ်းလဵပ်ႈႁဵၼ်းဢဝ်တူဝ်ထူပ်းႁင်းၵူၺ်း ဢမ်ႇႁႂ်ႈယုမ်ႇပိူၼ်ႈငႆၢႈ ဢမ်ႇႁႂ်ႈပၼ်ၶေႃႈတွပ်ႇ “ဢေႃႈၶႃႈ” ဢၼ်ဝႃႈၼၼ်ႉငႆၢႈငႆၢႈ။

3. ဢဝ်လႆၢးလွင်ႈတူင်ႉၼိုင်သေပိူင်ပိူင် မိူၼ်ၼင်ႇ ၶႆႈဢပုမ်ႇ၊ ႁွင်ႉၵႂၢမ်း၊ ထွမ်ႇၵႂၢမ်းဢၼ်ၵိုင်ႇငၢမ်ႇလုၵ်ႈဢွၼ်ႇ၊ လဵၼ်ႈတေႃႇ၊ ၸၼ်ႁၢင်ႈၸိူဝ်းၼႆႉသေ ထႅမ်ၼမ်ႉၵတ်ႉ။

4. ၼင်ႇႁိုဝ်လုၵ်ႈဢွၼ်ႇ တေမေႃၵပ်းသိုပ်ႇၶဝ်ႈဢွၵ်ႇၵၼ်၊ ၸွႆႈထႅမ်ၵၼ်လႆႈငႆၢႈၼၼ်ႉ သွၼ်ပၼ်လႆၢးၵပ်းသိုပ်ႇတူဝ်၊ မိူဝ်ႈထူပ်းၵၼ် ႁႂ်ႈမေႃတူင်ႉတၵ်ႉဝႃႈ “ႁႆၢး” ၼင်ႇၵႂၢမ်းတႆးႁဝ်းဝႃႈ “မႂ်ႇသုင်ၶႃႈ”ၼႆသေ ပေႃးထိုင်ၶၢဝ်းလူင်းႁဵၼ်း ႁႂ်ႈမေႃ သူင်ႇသင်ဝႃႈ “မိူဝ်ႈၽုၵ်ႈၸင်ႇၶိုၼ်းထူပ်းၵၼ်” သွၼ်ပၼ်ပႃး ႁႂ်ႈမေႃၼွမ်းတၢင်းၽိတ်း မိူဝ်ႈလုၵ်ႈဢွၼ်ႇၵေႃႉၼိုင်ႈ လႆႈပူၼ်ႉလိူဝ်ဝႃႈ “ၼွမ်းၽိတ်းၼႃ” ၼႆႉပဵၼ်တၢင်းၽိတ်းၶႃႈၵူၺ်းတႄႇၵႂႃႇ။

5. သွၼ်ပၼ်လုၵ်ႈဢွၼ်ႇ ႁႂ်ႈမေႃၽွမ်ႉသဵင်ပဵင်းပၢၵ်ႇၵၼ် ပေႃးၵေႃႉၼိုင်ႈလႆႈၸႂ်မဵဝ်းၼိုင်ႈ ထႅင်ႈၵေႃႉၼိုင်ႈသမ်ႉ လႆႈၸႂ်ထႅင်ႈမဵဝ်းၼိုင်ႈၸိုင် ၼင်ႇႁိုဝ်တေမေႃယွၼ်ႇယၢၼ်းပၼ်ၵၼ်ၼၼ်ႉ ဝႆႉၸႂ်ယၢဝ်းယၢဝ်းသပ်းလႅင်း ၼႄ ႁႂ်ႈလုၵ်ႈဢွၼ်ႇပေႃးပွင်ႇၸႂ်။

6. သွၼ်ပၼ် ႁႂ်ႈမေႃပိုင်ႈဢိင်တူဝ်ၵဝ်ႇ ႁႂ်ႈပႄႉတူဝ် မေႃႁဵတ်းၵိၼ်ႁင်းၵူၺ်း လၢင်ႉႁင်းၵူၺ်း မေႃဢဝ်ပုၼ်ႈ ၽွၼ်းႁင်းၵူၺ်း။

7. သွၼ်ပၼ် ႁႂ်ႈမေႃၶွမ်ႈသၢၼ်ၶတ်း လွင်ႈလူလႆၢပႄႉၵိၼ်ၵၼ် ႁႂ်ႈမေႃႁူႉၸၵ်းမႆၢမီႈ ဢုပၻေႇ။

8. သွၼ်ပၼ် လွင်ႈလီၵူဝ် ႁႂ်ႈပဵၼ်လွင်ႈလီၶႆႈၶူဝ် မိူၼ်ၼင်ႇၽီၽဵတ်ႇ ႁဵတ်းႁၢင်ႈမၼ်းသေ ဢဝ်လဵၼ်ႈၸိူင်း။

9. ၵူၼ်းလူင်ၸိူဝ်းပဵၼ် ပေႃႈမႄႈၵေႃႈ ဢမ်ႇႁႂ်ႈပၼ် ၵႂၢမ်းမၼ်ႈငႆၢႈ ဢမ်ႇႁႂ်ႈလၢတ်ႈလိတ်ႈတီႈႁင်းလုၵ်ႈဢွၼ်ႇ ပေႃးလၢတ်ႈတႄႉၵေႃႈ ႁဵတ်းၸွမ်းတေႉ။ လၢတ်ႈဝႃႈတေသိုဝ်ႉပၼ် ဢၼ်ၼၼ်ႉ ဢၼ်ၼႆႉၼႆၵေႃႈ သိုဝ်ႉပၼ်တေႉ။ ဢမ်ႇၸႂ်ႈတူတ်းႁႂ်ႈမႃၸႂ်လီၼင်ႇၵႂၢမ်းတႆးဝႃႈ။

10. ဢမ်ႇႁႂ်ႈမေႃလႅၼ် ပေႃးလႅၼ်မႅၼ်ႈၸိုင် ႁႂ်ႈဢွၵ်ႇပၢၵ်ႇၼႃႈၵူၼ်းၼမ် ယွမ်းႁပ်ႉတူဝ် ယိုၼ်တၢင်းၽိတ်း။

ၸဵမ်တၢင်းၼမ်လၢႆၸိူဝ်းၼႆႉၵဵပ်းထွၼ်မႃးတီႈ ၼႂ်းပပ်ႉဢၼ်မီးၸိုဝ်ႈဝႃႈ - တီႇမူဝ်ႇၶရေႇၸီႇၼႆႉ ၶႂ်ႈႁႂ်ႈတႄႇမႃးၸဵမ်တီႈ ႁူင်းႁဵၼ်းၸၼ်ႉဢွၼ် ၼၼ်ႉပိၼ်ႇတွၼ်ႈပၼ်ပိုၼ်ႉႁူႉဢူၺ်းၵေႃႉၶဝ်ယူႇဢေႃႈ။

သင်ဝႃႈထုၵ်ႇမႅၼ်ႈၸႂ်ယူႇၸိုင် သိုပ်ႇသူင်ႇယိုၼ်ပၼ်ဢူၺ်းၵေႃႉပီႈၼွင်ႉလူၵႂႃႇလႄႈ။

ပိၼ်ႇတႅမ်ႈ- ၸဝ်ႈၶူးဢေႃးၽႃႇသ မိူင်းၶိူဝ်း သီႇပေႃႉ >>> Facebook

#ShanBooks #Preschool #ႁူင်းႁဵၼ်းၸၼ်ႉဢွၼ် #မူကြိုကျောင်း #Norway #ၽိင်ႈယၢမ်ႈ #Democracy
#တီႇမူဝ်ႇၶရေၸီႇ #ဒီမိုကရေစီ #Students