တၢင်းယၢမ်ႈလီ 8 ၶေႃႈ

 

 ဢၼ်ထုၵ်ႇလီႁဵတ်းဝၼ်းမိူဝ်ႈၼႆႉ တၢင်းယၢမ်ႈဢၼ်တေႁဵတ်းႁႂ်ႈႁဝ်းၶိုၼ်ႈယႂ်ႇ

1. ႁႂ်ႈပဵၼ်ၵူၼ်းၵေႃႉဢၼ်တူင်ႉတိုၼ်ႇလႅတ်းသႅဝ်း။ ႁႂ်ႈပဵၼ်ၵူၼ်း ၵေႃႉဢၼ်ဢမ်ႇၵူဝ်ၵၢၼ် ၵေႃႉဢၼ်ႁတ်းတႃႉပိူၼ်ႈ။ ပေႃးၵပ်းၵၢႆႇလူၺ်ႈလွင်ႈၼႃႈၵၢၼ်သင်မႃးၵေႃႈ ႁႂ်ႈပဵၼ်ၵူၼ်း ၵေႃႉဢၼ်ငွၵ်းႁူဝ်ၵူၺ်း ၊ ယႂ်ႇႁႂ်ႈ ပဵၼ်ၵူၼ်းၵေႃႉဢၼ်ၶွၼ်းဝႆႁူဝ်။

2. ပေပႂ်ႉသၢႆငၢႆမိူဝ်ႈတဵမ်ထူၼ်ႈ။ 

ယွၼ်ႉဝႃႈ တေဢမ်ႇလႆႈသေပွၵ်ႈၼၼ်ႉယဝ်ႉ။သွၼ်ႇဝႃႈ ၶၢဝ်းတၢင်းၼႃႈ တိုၼ်းတေမီး လွင်ႈႁေႉႁၢမ်ႈ၊လွင်ႈယႃႉၵဝ်း ၊ လွင်ႈယၢပ်ႇၽိုတ်ႇတင်းၼမ် ၼႆသေ ၶတ်းၸႂ်ႄၵႈလိတ်ႈသိုဝ်ႈၼႃႈတၼ်းတႃဢဝ်ႄလႈ။

3. ဢွၵ်ႇပၢႆးဝူၼ်ႉလၢႆလၢႆၵူၺ်းတႄႉတိုၼ်းဢမ်ႇၶိုၼ်ႈယႂ်ႇလႆႈ။ တင်းၺၢၼ်ႇပၢႆးဝူၼ်ႉ လႄႈ တူဝ်ထူပ်း မႃးႁူမ်ႈၵၼ်ၵွၼ်ႇၸင်ႇတေၶိုပ်ႈၼႃႈ ၶိုၼ်ႈယႂ်ႇလႆႈၼၼ်ႉယဝ်ႉ။

4. မွတ်ႇႁၢႆၸႂ်ၵူဝ်ၼၼ်ႉသေတူင်ႉၼိုင်သၢင်ႈႁႂ်ႈလွင်ႈယုမ်ႇယမ်တိူဝ်းၶိုၼ်ႈမႃးလႄႈ။

ၸဝ်ႈၵဝ်ႇၵူဝ်သင် ...? ၼႆၼၼ်ႉ ၶိုၼ်းဝူၼ်ႉထတ်းသၢင်ႈတူၺ်းၸိုင် ၸႂ်ၵူဝ်ၸဝ်ႈၵဝ်ႇၼၼ်ႉ တေႁၢႆလၢႆမႃးလႆႈယူႇ။ ၸၢမ်းႁဵတ်းတူၺ်းလႄႈ။

5. ၶတ်းၸႂ်တူင်ႉတိုၼ်ႇတိုၵ်းသူၼ်းၸႂ်ၸဝ်ႈၵဝ်ႇႁႂ်ႈမိူၼ်ၼင်ႇၶိူင်ႈၸၢၵ်ႈလႄႈ။ ပေပႂ်ႉ ႁႂ်ႈၸႂ်ၸဝ်ႈၵဝ်ႇတူင်ႉတိုၼ်ႇ။  တူင်ႉၼိုင်ပၼ်ႄလႈ။တိုၵ်းသူၼ်းပၼ်ဢဝ်လႄႈ။  ႁႅင်းၸႂ်ၸဝ်ႈၵဝ်ႇ တေၶိုၼ်ႈမႃးႁင်းမၼ်းလႆႈယူႇ။( မိူၼ်ၼင်ႇ ၽူႈတႅမ်ႈလိၵ်ႈၶဝ် မၢင်ပွၵ်ႈမၢင်လႂ် တႃႇတႅမ်ႈလိၵ်ႈ ဝူၼ်ႉဢမ်ႇဢွၵ်ႇၼႆသေတႃႉ ပေႃးတေႇတႅမ်ႈမႃးၵေႃႈ ဢွၵ်ႇမႃးၵမ်းလွႆးလွႆးၼၼ်ႉလူး)

6.  ယိပ်းၵမ်ၶေႃႈဢၼ်ဝႃႈ "တေႃႈလဵဝ်ၼႆႉၵမ်းလဵဝ်"ၼႆၼၼ်ႉလႄႈ။

ၵၢၼ်ဢၼ်ႁဝ်းတေႁဵတ်းၼၼ်ႉ ပေႃးတေၵုမ်ႇၶၢႆႉဝၼ်းၶၢႆႉၶိုၼ်းၶၢႆႉပီႊၶၢႆႉလိူၼ်ယူႇၼႆတႄႉတိုၼ်းတေဢမ်ႇပဵၼ်ၵၢၼ်လႆႈ။

ၶတ်းၸႂ်ႁႂ်ႈပဵၼ် ၵေႃႉဢၼ်လုၵ်ႉႁဵတ်းတေႃႈလဵဝ်ႄလႈ။( ၶႂ်ႈဝႃႈ ၵၢၼ်ဢၼ်ၸဝ်ႈၵဝ်ႇႁဵတ်းပဵၼ်လႆႈယူႇၼၼ်ႉပေၵုမ်ႇၸၼ်ၶၢဝ်းယၢမ်းမၼ်း ၼႆယဝ်ႉ )

7.  တေႇႁဵတ်းၵၢၼ်ယႃႇႁႂ်ႈၵိုတ်းၶမ်ၶိုတ်းပႅတ်ႈ။ ႁဵတ်းသၢင်ႇႁၢင်ႈသေ ပေႁႂ်ႈၶၢဝ်းယၢမ်းမူတ်းသဵင်ႈၵႂႃႇပႅတ်ႈလႄႈ။ ႁဵတ်းၵၢၼ်သင်ၵေႃႈ ႁႂ်ႈတဵမ်ၶိင်ႇတဵမ်ၶၢဝ်း။ ဝႆႉၶၢဝ်းယၢမ်းမၼ်းသေ ႁဵတ်းႁႂ်ႈတဵမ်ထူၼ်ႈၸွမ်းလႄႈ။

8.  ၶတ်းၸႂ်ႁႂ်ႈဢဝ်လႆႈလွင်ႈၶူင်သၢင်ႈမႂ်ႇမႂ်ႇ။

ႁႂ်ႈပဵၼ်ၵူၼ်း ၵေႃႉဢၼ်ႁတ်းၸုၼ်ႉႁဵတ်း။  ပေႃးမီးသုၼ်ႇလႆႈတိုဝ်ႉတၢင်း ၶတ်းၸႂ်လႅၼ်ႈဢဝ်ပႃႈၼႃႈပိူၼ်ႈ။  ႁႂ်ႈပဵၼ်ၵူၼ်းၵေႃႉဢၼ်သူင်ႁဵတ်းၵၢၼ်ၸေႇတၼႃႇ။  ၵၢၼ်ဢၼ်ၸဝ်ႈၵဝ်ႇႁဵတ်းၼၼ်ႉ ဝႆႉတၢင်းယိူင်းဢၢၼ်း လႄႈ သႂ်ႇႁႅင်းတူဝ် ႁႅင်းၸႂ် ႁႅင်းၺၢၼ်ႇသေ ၶတ်းၸႂ်ႁဵတ်းၼေၼမ်ႉၼေတူဝ် ႁႂ်ႈလႆႈၵႂႃႇလႄႈ။

ၼပ်ႉယမ်ယႂ်ႇၼမ်ၵူႈၵေႃႉသေ ........

          ပိၼ်ႇတႅမ်ႈ ... မႆႉသၢင်းၶမ်း