တေႁဵတ်းႁိုဝ် ႁႂ်ႈတိူဝ်းမီး လွင်ႈယုမ်ႇယမ်ၼိူဝ်တူဝ်ၸဝ်ႈၵဝ်ႇ ?

How to have more confidence in you ?

တေႁဵတ်းႁိုဝ် ႁႂ်ႈတိူဝ်းမီး လွင်ႈယုမ်ႇယမ်ၼိူဝ်တူဝ်ၵဝ်ႇ ? ၼႆၶႃႈဢေႃႈ။                                                                       ၵွပ်ႈသင်ၼႆ  ၵွပ်ႈပိူဝ်ႈမၼ်း လမ်ႇလွင်ႈ ပိူင်ယႂ်ႇ ဢမ်ႇႁူႉဢမ်ႇပဵၼ် တွၼ်ႈတႃႇၵူၼ်းႁဝ်း ၵေႃႉဢၼ်ၶႂ်ႈ ဢွင်ႇမၢင်ႇ ၶိုၼ်ႈယႂ်ႇ မႂ်ႇသုင်ၶဝ် ဢၼ်ၼိုင်ႈ ၼႆၵေႃႈ ဝႃႈလႆႈၶႃႈယဝ်ႉ ။ ဢေႃႈၸိူင်ႉၼႆ ၸူဝ်ႈၶႃႈပႆႇလၢတ်ႈၼႆႉ ၶႃႈၶႂ်ႈယွၼ်းလၢတ်ႈၼႄ လွင်ႈတူဝ်ၶႃႈႁဝ်းဢိတ်းၼိုင်ႈ - မိူဝ်ႈပူၼ်ႉမႃး 6 ပီမွၵ်ႈၼႆႉ တၢမ်တူဝ်ၶႃႈႁဝ်းၵေႃႈ တိုၼ်းဝႃႈ ဢမ်ႇယၢမ်ႈမီးလွင်ႈ ယုမ်ႇယမ်ၼိူဝ်တူဝ်ၸဝ်ႈၵဝ်ႇမႃး ၵေႃႉၼိုင်ႈ။

ယူႇတီႈဢၼ် ဢမ်ႇမီးလွင်ႈ ယုမ်ႇယမ်ၼိူဝ်တူဝ်ၸဝ်ႈၵဝ်ႇၼႆ့သေ ၶႃႈလႆႈႁွတ်ႈၵႂႃႇ  ၼွၵ်ႈမိူင်း တီႈမိူင်း ဢေႃးသတျေးရီးယႃး။     ႁဵတ်းၼႆသေ ၶႃႈၵႂႃႇႁွတ်ႈထိုင် တီႈၼွၵ်ႈမိူင်း ၽိူဝ်ႇၶႃႈၵႂႃႇႁွတ်ႈထိုင်တီႈၼၼ်ႈလႆႈၵႂႃႇႁၼ်ၵူၼ်းၼွၵ်ႈမိူင်းၶဝ်၊ ꩮႆႈသွၼ်လိၵ်ႈၸွမ်းၵူၼ်းၼွၵ်ႈမိူင်းၶဝ်၊ ယူႇၸိူင်ႉၼၼ်    ယွၼ်ႉႁၼ်ပိူၼ်ႈ ၵတ်ႉၶႅၼ်ႇလိၵ်ႈ လိူဝ်သေၸဝ်ႈၵဝ်ႇ၊ယွၼ်ႉႁၼ်ပိူၼ်ႈ ႁတ်းႁတ်းႁၢၼ်ႁၢၼ် မီးလွင်ႈယုမ်ႇယမ်ၼိူဝ်တူဝ်ၸဝ်ႈၵဝ်ႇ    ႁင်းၽႂ်မၼ်းလႄႈ ယူႇယူႇၵေႃႈ ၶႃႈၵူဝ်မႃး ၸႂ်လဵၵ်ႉမႃးသေ ဢမ်ႇမီးႁႅင်းၸႂ် ဢမ်ႇယုမ်ႇယမ်ၼိူဝ်တူဝ်ၶႃႈၶိုၼ်း။ 

ဝႃႈၼၼ်သေတႃႉ - မိူဝ်ႈလဵဝ်ၶႃႈၶိုၼ်းမႃးတႅၵ်ႈၼိူင်းၵၼ်တူၺ်း ၼႂ်းၶၢဝ်းတၢင်းႁူၵ်းပီ ဢၼ်ပူၼ်ႉမႃး မိူဝ်ႈၼၼ်ႉလႄႈမိူဝ်ႈၼႆႉ ဢမ်ႇငၢႆးၵၼ်သေဢိတ်းယဝ်ႉၶႃႈ ပိူင်ႈမႃးယူႇတင်းၼမ် မီးလွင်ႈယုမ်ႇယမ်ၼိူဝ်တူဝ်ၸဝ်ႈၵဝ်ႇမႃးသေၵဝ်ႇတႄႉတႄႉ ။

မိူဝ်ႈလဵဝ်ၼႆႉ  ယွၼ်ႉၶႃႈမီးလွင်ႈယုမ်ႇယမ် ၼိူဝ်တူဝ်ၸဝ်ႈၵဝ်ႇ မႃးယဝ်ႉလႄႈ ၽွင်းမိူဝ်ႈၶႃႈ ထႆႇငဝ်းတူင်ႉ( LIVE Video ) လူင်းၼိူဝ် ၾဵတ်ႉပုၵ်ႉယူႇၸိူင်ႉၼႆၼႆႉ ၶႃႈမၼ်ႈၸႂ်ၶႃႈဝႆႉဝႃႈ - ဢၼ်ၶႃႈထႆႇငဝ်းတူင်ႉ (LIVE Video)လူင်းယူႇၼႆႉ ယွၼ်ႉၶႃႈလၢတ်ႈလွင်ႈလီ ၽေတၢင်းႁူႉၶႃႈ ပၼ်ပိူၼ်ႈၵူၺ်းလႄႈ ၽႂ်ၶႂ်ႈဝႃႈ ၸိူင်ႉႁိုဝ်ဝႃႈ ၽႂ်ၶႂ်ႈသႄႉ ၸိူင်ႉႁိုဝ်သႄႉ ပိူၼ်ႈၶႂ်ႈၼႄး ၸိူင်ႉႁိုဝ်ၼႄး တေဢမ်ႇသူၼ်ၸႂ် ဝႃႈၼႆသေ  ၶႃႈၸွင်ႇႁတ်းလၢတ်ႈမႃးယူႇတေႃႇထိုင်ဝၼ်းမိူဝ်ႈၼႆႉၶႃႈယဝ်ႉ။

ၵွပ်ႈၼၼ် ၶႃႈႁဵတ်းၸိူင်ႉႁိုဝ်သေလႄႈယူႇမႃးႁႂ်ႈပေႃးမီးလွင်ႈယုမ်ႇယမ် ၼိူဝ်တူဝ်ၵဝ်ႇၼႆၶႃႈႁဝ်းတေလၢတ်ႈၼႄၵႂႃႇ ၵမ်းတွၼ်ႈတွၼ်ႈ ။

(1) Eliminate  all negative people.

        ၵူၼ်းၸိူဝ်းဢၼ် ဢမ်ႇမေႃႁၼ်လီၼိူဝ်ႁဝ်း၊ ဢၼ်ဢမ်ႇလၢတ်ႈလွင်ႈလီႁဝ်း ၸိူဝ်းဢၼ် တေႁဵတ်းႁႂ်ႈႁဝ်း ဢမ်ႇမီးလွင်ႈယုမ်ႇယမ် ၼိူဝ်တူဝ်ႁဝ်းၶိုၼ်းၼၼ်ႉ ႁႂ်ႈဝႄႈၵႆၵႆ။

    ယွၼ်ႉသင်လႃႇပေႃးၼႆ -ၵွပ်ႈပိူဝ်ႈၶဝ် ဢမ်ႇႁၼ်လီၼိူဝ်ႁဝ်း ဢမ်ႇလၢတ်ႈလွင်ႈလီႁဝ်းလႄႈ ပေႃးဝႃႈၵႂႃႇလၢတ်ႈတေႃႇၶဝ် ၵႂႃႇလဵၼ်ႈၵေႃႉၶဝ်ၼႆ ၶႅၼ်းတေၼႃႇမႃးလိူဝ်ၵဝ်ႇ တေမေႃၸႂ်လဵၵ်ႉမႃးလိူဝ်ၵဝ်ႇၵွၼ်ႇယဝ်ႉ။

2.Dress  for succes.    ႁႂ်ႈမေႃၼုင်ႈဝႆ သိူဝ်ႈၶူဝ်းႁဝ်းလီလီ 

ၼုင်ႈဝႆ ႁႂ်ႈပေႃးလီယဵမ်ႈလီတူၺ်း ၼုင်ႈဝႆ ႁႂ်ႈပေႃးၶႅမ်ႉၶႅမ်ႉလႅပ်ႈလႅပ်ႈ။  တီႈၼႆႈ ၶႃႈၶႂ်ႈဝႃႈ ႁႂ်ႈၼုင်ႈသိူဝ်ႈၶူဝ်း ဢၼ်ၵႃႈယႂ်ႇၶၼ်လူင်ၸိူင်ႉၼၼ်တႄႉ ဢမ်ႇၸႂ်ႈ၊ ၶႂ်ႈပဵၼ်သိူဝ်ႈၶူဝ်းၸႃႉလီ ၸႃႉၺၢမ်ႉဢမ်ႇဝႃႈ ၊ဢၼ်ၵဝ်ႇဢၼ်မႂ်ႇဢမ်ႇဝႃႈ ။  ပဵၼ်မဵဝ်းလႂ်ၵေႃႈလီ ၶတ်းၸႂ်ႁႂ်ႈမေႃၼုင်ႈဝႆ ၶႅမ်ႉၶႅမ်ႉလႅပ်ႈလႅပ်ႈ လီယဵမ်ႈလီတူၺ်း။

ယွၼ်ႉသင်ၼႆ -  ၽွင်းႁဝ်းၼုင်ႈဝႆႉ သိူဝ်ႈၶူဝ်းႁဝ်း ဢမ်ႇၶႅမ်ႉ ဢမ်ႇလႅပ်ႈၸိူင်ႉၼၼ်ၼၼ်ႉ လိူၵ်ႈဢမ်ႇလေႇ ၵႂႃႇၺႃးၵေႃႉဢၼ်ႁဝ်း ၼပ်ႉယမ် ၽူႈယႂ်ႇၵူၼ်းလူင်မိူၼ်ၼင်ႇ သြႃႇ/ၶူးသွၼ်ႁဝ်း၊  ဢမ်ႇၼၼ်ၵႂႃႇၺႃး ၸုၵဝ်ႇႁဝ်း ၸွမ်းတၢင်းၼႆ ၼႂ်းၸႂ်ႁဝ်းတေပဵၼ်ႁိုဝ်ဝႆႉ? မိူၼ်ၼင်ႇ ဢမ်ႇႁၢၼ်ႉၸႂ်ၼိူဝ်တူဝ်ၸဝ်ႈၵဝ်ႇမႃးဝႆႉ ဢမ်ႇၸႂ်ႈႁ? မိူၼ်ၼင်ႇ ဢမ်ႇယုမ်ႇယမ်တူဝ်ၸဝ်ႈၵဝ်ႇဝႆႉ ဢမ်ႇၸႂ်ႈႁ? ။

ယွၼ်ႉၼၼ်လႄႈ ပေႃးဝႃႈႁဝ်းၼုင်ႈဝႆႉ ၶႅမ်ႉၶႅမ်ႉ လႅပ်ႈလႅပ်ႈၼႆ ၶႂ်ႈႁၼ်ၽႂ်ႁၼ် ၶႂ်ႈထူပ်းၽႂ်ထူပ်း  ထူပ်းလႆႈလီလီ လၢတ်ႈတေႃႇလႆႈႁတ်းႁတ်းယူႇ။     မၢင်ပွၵ်ႈမၢင်လႂ် ၽွင်းႁဝ်း ဢမ်ႇလႆႈၼုင်ႈဝႆဝႆႉ လီလီၼၼ်ႉ ယွၼ်ႉႁဝ်းၵဵင်ၸႂ်လႄႈတေဢမ်ႇႁတ်းထူပ်း ဢမ်ႇႁတ်းလၢတ်ႈတေႃႇသေ တေႁႃလၢႆးပၢႆႈ ယူႇယဝ်ႉ ။

3.Doing Exercise.

ႁဵတ်းၽိုၵ်းသၼ်း/သၢၼ်း ဢွၵ်ႇဢဵၼ်ႁႅင်း လဵၼ်ႈဢဵၼ်ႁႅင်းပၼ်ၵူႈဝၼ်း။

ၸိူင်ႉႁိုဝ်လႄႈဝႃႈၼၼ်ၼႆ - ၵမ်ႈၽွင်ႈ ပေႃးပဵၼ်ၵူၼ်းၸၢႆးၵေႃႈ တေထၢင်ႇဝႃႈ မင်ႈမင်ႈ သင်ႈသင်ႈ၊ ပေႃးပဵၼ်ၼၢင်းယိင်းၵေႃႈ တေထၢင်ႇဝႃႈ ႁႂ်ႈမၼ်း ၼႂ်းတူဝ်ႁဝ်းတူၵ်းၼႆ  ၼႆႉဢၼ်လဵဝ်ၵူၺ်းဢမ်ႇၸႂ်ႈ ။ ပေႃးႁဝ်ၽိုၵ်းသၢၼ်း ႁဵတ်းပၢႆးယူႇလီ ဢွၵ်ႇဢဵၼ်ႁႅင်းပၼ်ၼႆ ဢွၵ်းဢေႃႁဝ်းၵေႃႈ တေတိူဝ်းၸိုၼ်ႈပၢင်ႇမႃးလိူဝ်ၵဝ်ႇသေမီးၽွၼ်းလီမၼ်းတင်းၼမ်တင်းလၢႆယဝ်ႉ ။        ယွၼ်ႉၼၼ်လႄႈ တေပဵၼ်ဢၼ်ၵမ်ႉၸွႆႈထႅမ် တွၼ်ႈတႃႇ ႁႂ်ႈႁဝ်းပေႃးတေတိူဝ်းမီးလွင်ႈယုမ်ႇယမ်ၼိူဝ်တူဝ်ၸဝ်ႈၵဝ်ႇမႃးယူႇ။

4.helping Others.    ႁႂ်ႈမေႃၸွႆႈထႅမ်ပိူၼ်ႈ ။

ၵဵဝ်ႇလူၺ်ႈလွင်ႈသင်ၵေႃႈလီ ၵႃႈၼင်ႇႁဝ်းပွင်ပဵၼ်လႆႈၼၼ်ႉ ၼမ်ၼမ်ဢေႇဢေႇဢမ်ႇဝႃႈ ႁႂ်ႈမေႃၸွႆႈထႅမ်ပိူၼ်ႈ ၸွႆႈထႅမ် ၵေႃႉဢၼ်လူဝ်ႇတၢင်းၸွႆႈထႅမ် ၸွႆႈထႅမ်ၵူၼ်းႁိမ်းႁွမ်းႁဝ်း ၸွႆႈထႅမ်ဢူၺ်းၵေႃႉႁဝ်း ၸွႆႈထႅမ်ၵေႃႉဢၼ် ဢမ်ႇတဵမ်ထူၼ်ႈတၢၼ်ႇႁဝ်း တေႇၵႂႃႇၸိူဝ်းၼၼ်ႉ ။ ၵွပ်ႈသင်ၼႆ ပေႃးႁဝ်းၸွႆႈထႅမ်ပိူၼ်ႈၵႂႃႇ ၵမ်းဢိတ်းဢိတ်း ႁဵတ်းၼၼ်ၼႆ ႁဝ်းတေဝူၼ်ႉၼႂ်းၸႂ်ႁဝ်းဝႃႈ- ဢေႃး  ၵဝ်ၼႆႉပဵၼ်ၵေႃႉဢၼ် ၶဝ်ႈတၢင်းတိုဝ်းယူႇၵေႃႉၼိုင်ႈၼႆသေတေမီးလွင်ႈယုမ်ႇယမ် ၼိူဝ်တူဝ်ၸဝ်ႈၵဝ်ႇမႃးယူႇယဝ်ႉ။

5.Reading.     ႁႂ်ႈလူလိၵ်ႈၼမ်ၼမ်

( ဢူးတၢၼ်ႉ ၊ ၽူႈမၢႆၵဝ်ႇ ငဝ်ႈငုၼ်းလုမ်းၸိူဝ်ႉၸၢတ်ႈလုမ်ႈၾႃႉ)ယၢမ်ႈလၢတ်ႈဝႆႉဝႃႈ - ၵူၼ်းလူလိၵ်ႈၶဝ် ဢမ်ႇၶိုၼ်ႈယႂ်ႇၵူႈၵေႃႉသေတႃႉ၊ၵူၼ်းဢၼ်ၶိုၼ်ႈယႂ်ႇၶဝ် ၵူႈၵေႃႉတႄႉ တိုၼ်းယၢမ်ႈလူလိၵ်ႈမႃး ၼႆယဝ်ႉ။

မိူၼ်ၼၼ်ၼင်ႇၵဝ်ႇ တွၼ်ႈတႃႇတေႁႂ်ႈပေႃးမီးလွင်ႈယုမ်ႇယမ်ၼိူဝ်တူဝ်ၸဝ်ႈၵဝ်ႇထႅင်ႈဢၼ်ၼိုင်ႈၼႆႉ ႁဝ်းလူဝ်ႇလူလိၵ်ႈၼမ်ၼမ်။ ဢွၵ်းဢေႃႁဝ်းၼႆႉႁဝ်းတေလႆႈဢဝ်တၢင်းႁူႉတၢင်းႁၼ် ဢၼ်မီးၼႂ်းပပ်ႉလိၵ်ႈၸိူဝ်းၼၼ်ႉ လဵင်ႉပၼ်မၼ်းၼမ်ၼမ်ယဝ်ႉ။ ပေႃႈႁဝ်းလူလိၵ်ႈၼမ်မႃးၼႆ တၢင်းႁူႉႁဝ်းၵေႃႈတေၼမ်မႃး ႁဝ်းတေႁဵတ်းသင် ?ဢၼ်လႂ်လီ ဢၼ်လႂ်ဢမ်ႇလီ ၼႆ ႁဝ်းတေမေႃတႅပ်းတတ်း၊ ႁတ်းတႅပ်းတတ်း ၸိုဝ်ႈၸိုဝ်ႈ ၸႂ်ႈၸႂ်ႈမႃးယူႇယဝ်ႉ။

တီႈဢၼ်လၢတ်ႈမႃးၸိူဝ်းၼႆႉယုမ်ႇယမ်ဝႃႈ တေမီးၽွၼ်းလီတႃႇ ဢူၺ်းၵေႃႉႁဝ်းၶဝ်တၢင်းသဵင်ႈယူႇ 

#ယေႃၶမ်း ပိၼ်ႇတႅမ်ႈ

 #Phyo_Phyo_Aung  #Chance