ဢမ်ႇထုၵ်ႇလီလူင်လိုမ်းလွၼ်ႉမွၼ်းၵႂၢမ်းၸိူဝ်းၼႆႉ

 

        _______________________________

သြႃႇလုင်းၸၢႆးဢွင်ႇထုၼ်း သင်ႇၸိူဝ်းသူႁဝ်း

❝ တႆးယႃႇပေၼႄးၵၼ် မႄးၵၼ်ၵူၺ်းလႃႈ❞  

❝ တႃလိၵ်ႈယႃႇႁႂ်ႈမွတ်ႇ ၶိူဝ်းတႆးယႃႇႁႂ်ႈတၢႆ ❞

❝ တႆးၵူႈၵေႃႉ တႆးၵူႈတီႈ ႁႂ်ႈႁူႉမေႃလိၵ်ႈတႆးတႆးၵူႈၵေႃႉ တႆးၵူႈတီႈ ႁႂ်ႈႁူႉပွင်ႇပိုၼ်းတႆးတႆႁႂ်ႈႁူႉ တႆးၵူႈတီႈ ႁႂ်ႈႁူႉထိုင်မိူင်းတႆး။

❝ လွင်ႈတၢင်းသွင်ဢၼ် ၵွပ်ႈသင်လႄႈတႆးဢမ်ႇၶိုၼ်ႈယႂ်ႇလႆႈ 1)ပိူၼ်ႈမႃးၼဵၵ်းတႆး 2)တႆးၼင်ႇၵၼ်ၶိုၼ်းၼဵၵ်းၵၼ်ၶိုၼ်း ❞

❝ လွႆသုင်တၢၼ်ႇႁိုဝ်ၵေႃႈ မီးတႂ်ႈၽႃႇတိၼ်တႆးမႃးၼမ်ႉလိုၵ်ႉၵႃႈႁိုဝ်ၵေႃႈမီးတႂ်ႈတွင်ႉႁိူဝ်းတႆးမႃး❞

❝ ၶေႃႈၵႂၢမ်းတူဝ်လိၵ်ႈၼႆႉ လႆႈလဵင်ႉဢဝ် ၵူၼ်းၼႆႉ လႆႈၸပ်ႉတွင်ႉသိပ်းလိူၼ်သေ ၵိူတ်ႇမႃး ၶေႃႈၵႂၢမ်းဢၼ်ဝႃႈၼႆႉ တႃႇၵိူတ်ႇမႃးသိပ်းလိူၼ်ဢမ်ႇၵႃးလၢႆပီမိူင်းၵေႃႈတင်းဢမ်ႇလၢမ်းလႆႈ ❞

❝ ၼမ်ႉၵတ်ႉတႆးၼႆႉ ဢမ်ႇၸၢင်ႈၶႆႈႁႂ်ႈပေႃးယဝ်ႉလႆႈမိူၼ်ၼင်ႇမႂ်မႆႉ ၵိင်ႇမႆႉ ႁၵ်ႉမႆႉ ဢၼ်တႆးဢမ်ႇၵိၼ်ဢမ်ႇမီး ❞

❝ တႆးၼႆႉၶႅၼ်ႇတေႉယူႇ ၵႂႃႇယူႇတင်းလႂ်ၵေႃႈဢမ်ႇတူၵ်းတႅမ်ႇ ၶႂ်ႈပၢမ်ႉသတိဝႃႈ ၼမ်ႉၸႂ်ဢၼ်ႁဵတ်းၵၢၼ်မၢၵ်ႈမီး လႄႈ ၼမ်ႉၸႂ်ဢၼ် ႁဵတ်းၵၢၼ်လိၵ်ႈလၢႆး ၽိင်ႈငႄႈၼႆႉ ဢဝ်သႂ်ႇၼႂ်းယႃႇၸူႇသေၸင်ႈတူၺ်းလႄႈ တေလႆႈၽဵင်ႇၵၼ်ဝႆႉယဝ်ႉ❞

 ❝ ပေႃးဢဝ်ၵႂၢမ်းမေႃယႃၶဝ်ဝႃႈ ပေႃးၸၢမ်းတူၺ်းလိၵ်ႈတႆးၼႆႉ တေလႆႈဝႃႈ တေလႆႈၶဝ်ႈၵွမ်ႇတေလႆ တေလႆႈၶဝ်ႈၼႂ်းၶုမ်ယဝ်ႉ❞

❝ တႆးၽိတ်းမႃးတီႈလႂ် လူဝ်ႇတူၺ်းၶိုၼ်းတၢင်းၽိတ်းႁဝ်း ❞

❝ယႃႇပႂ်ႉပိူၼ်ႈ​​တေမႃးႁဵတ်းပၼ်ႁဝ်း ႁဝ်းႁဵတ်း ပၼ်တႃႇတႆးၵူႈ​​ၵေႃႉလႄႈ ​​တေဢမ်ႇတုၵ်ႉၶၵႂႃႇတိၵ်း ❞

❝ႁဝ်းပႆတၢင်းၽိတ်းမႃးမီး4000 ႁဵင်ပီႊယဝ်ႉ။ ​​

ႁဝ်းတေမႃးၶတ်းၸႂ်ႁဵတ်းဢဝ် ပီႊၼိုင်ႈသွင်ပီႊ

20 ပီႊ 50 ပီႊၵႂႃႇၵူၺ်း ဢမ်ႇလႆႈ၊ လူဝ်ႇႁဵတ်းၶတ်းၸႂ်ႁဵတ်းၵႃႇလၢႆႈပၢၵ်ႇပီႊၵွၼ်ႇ ၸင်ႇၸၢင်ႈသၸင်ႇၸၢင်ႈသၢႆ ❞

 ❝ ၵူၼ်းတႃမွတ်ႇၶိုၼ်းၸုင်ၵူၼ်းတႃမွတ်ႇၼႆႉ

ဢမ်ႇႁွတ်ႈယိူင်းမၢႆ ၸၢင်ႈဢွၼ်တုၵ်ႉၶၵူၺ်းဢိူဝ်ႈ ❞

❝ တႆးၼႆႉဢမ်ႇဢိုပ်းသင် လိူဝ်​​သေဢိုပ်းၵူၼ်းဢွၼ်ႁူဝ်တႆး ၶႂ်ႈငၢႆးမိူၼ်လိင်းဢမ်ႇမီးၵိင်ႇမႆႉယိပ်းတႃႇသိုပ်ႇၵႂႃႇၼၼ်ႉယဝ်ႉ ❞

❝ ယႃႇ​​ပေဝႆႉမဝ်မၢင် ​​ပေႃးဝႆႉမဝ်မၢင် ႁဝ်းၸၢင်ႈႁၢႆဢိူဝ်ႈ ​​​​​ပေႃးလိၵ်ႈႁၢႆ​​ၵေႃႈ ၶိူဝ်းႁၢႆ ႁႂ်ႈသွၼ်​​မေႃၵူႈ​​ၵေႃႉ​​ၵေႃႉ ပဵၼ်တႆး ဢမ်ႇ​​မေႃလိၵ်ႈတႆးၼႆႉ ယႃႇႁႂ်ႈပဵၼ်လႃးလႃး ❞

❝ ပေႃႈမႄႈၵဵပ်းၼႆႉ ဢမ်ႇမိူၼ်​​ပေႃႈမႄႈတႄႉႁဝ်း 

ၵွပ်ႈ​​ၸေႇတၼႃႇဢမ်ႇမိူၼ်ၵၼ်ၼၼ်ႉယဝ်ႉ❞

❝ ပိူၼ်ႈလွမ်ႉႁဝ်းဝႆႉၼႆႉ ယႃႇၵူဝ်၊ လူဝ်ႇ​​မေႃႁႃဢဝ် ပၺ်ႇၺႃႇတၢင်းႁူႉပိူၼ်ႈဢိူဝ်ႈ ဢၼ်ႁဝ်းလူဝ်ႇႁူႉ ၼႆႉမီးၼမ်​​တေႉ​​တေႉ❞

 ❝ ပေႃႈမႄႈပူႇမွၼ်ႇၸီႉၼႄပၼ်ႁဝ်းဝႆႉ လွႆငိုၼ်းၶမ်းၸိုၼ်းသႅင် ၶူဝ်းၶွင်မီးၵႃႈၶၼ်ၸိူဝ်းၼၼ်ႉ ​​တေႃႈလဵဝ်မူတ်းယဝ်ႉ ဢၼ်ဢမ်ႇမူတ်းတႄႉ ၵိုတ်းၶီႈၵူၺ်းယဝ်ႉ ❞

❝ ႁဝ်းဢဝ်သႅင်ႇၶဝ်ႈသွႆးသိမ်းမိူင်းပိူၼ်ႈဢိူဝ်ႈ

မိူင်းဢၼ်ဢမ်ႇမီးသႅင်ႇတႆးၼၼ်ႉ ဢမ်ႇမီး ❞

❝ ႁဝ်းဢွၼ်ၵၼ်သွၼ်​​မေႃလိၵ်ႈတႆးၵူၺ်း​​ၵေႃႈ 

မိူၼ်​​တေမႃးၶႂ်ႈႁဵၼ်း​​မေႃလိၵ်ႈတႆးယဝ်ႉ လိၵ်ႈတႆး

​​ၵေႃႈ​​တေၶိုတ်းၵမ်ႇၾႃႇ ​​ပေႃးႁဝ်းဢွၼ်ၵၼ်သွၼ်ႁူႉ ပႆႇ​​မေႃ​​ၵေႃႈ ၼင်ႇႁိုဝ်​​တေ​​မေႃ ႁဵၼ်းႁူႉသွၼ်ဢဝ်ၵၼ်လႄႈ ❞

❝ လိၵ်ႈတႆးဢမ်ႇၶိုတ်းၵမ်ႇၾႃႇၼႆႉ ၵွပ်ႈႁဝ်းဢမ်ႇ​​

မေႃဝႆႉၵႃႈၶၼ်လိၵ်ႈတႆးႁဝ်း ၵွပ်ႈႁဝ်းဢမ်ႇ​​မေႃလိၵ်ႈတႆး ၸင်ႇဢမ်ႇ​​မေႃဝႆႉၵႃႈၶၼ်တူဝ်ၸဝ်ႈၵဝ်ႇ ​❞

❝ လိၵ်ႈတႆးၼႆႉ ပဵၼ်ငဝ်ႈႁၢၵ်ႈ တႃႇ​​တေႁဵၼ်းႁူႉ​​မေႃဢဝ်လိၵ်ႈတၢင်ႇၸိူဝ်း​၊ ပေႃးပဵၼ်တႆး ပႆႇ​​မေႃလိၵ်ႈတႆးၼႆႉႁဵၼ်းႁူႉလိၵ်ႈလႂ်​​ၵေႃႈ တိုၼ်းပႆႇထိုင်တီႈလႃးလႃး❞

❝ ၵမ်ႉၼမ်တႆးႁဝ်း ဢမ်ႇ​​မေႃဝႆႉၵႃႈၶၼ်ယုၵ်ႉယွင်ႈၽူႈ​​မေႃလိၵ်ႈတႆး ၶူး​​မေႃလိၵ်ႈတႆးႁဝ်း၊ ၸ​​ရေးတႆးႁဝ်းလီ​​ၶေႃးၶူမ်ၸွမ်းၼႃႇ ​​ပေႃးဢမ်ႇမီးမႃႇသႃႇႁႅၼ်းသွမ်း​​​​​ၵေႃႈ ဢမ်ႇမီးတီႈတိုဝ်းမၼ်း ႁဝ်းဢမ်ႇ​​မေႃတႅပ်းတတ်းပၼ်ၵႃႈၶၼ်ၶဝ်။ ၵူၼ်းႁူႉ​​မေႃလိၵ်ႈတႆးၼႆႉ ၵမ်ႉၼမ်ၸၢင်ႈတၢႆၽၢၼ်ယၢၵ်ႈၼမ်​​တေႉ​​တေႉ ဢၼ်ၼႆႉတႆးလူဝ်ႇ​​မေႃႁူႉထိုင် ၵႃႈၶၼ်ၵူၼ်းႁူႉတႆးႁဝ်းၶဝ် ❞

❝  ယႃႇ​​ပေ​​သေႉၵၼ် ​​မေႃမူၼ်ႉ​​မေးၵၼ် လႄႈ တီႈလႂ်ဢမ်ႇလီ​​ၵေႃႈ လူဝ်ႇႁူႉ ​​ပေႃးတူၺ်းတီႈလႂ် ဢမ်ႇလီ​​ၵေႃႈယႃႇၸွမ်း ​​မေႃလိူၵ်ႈသဵၼ်ႈတၢင်းပႆလႄႈ ၽူႈဢွၼ်ႁူဝ်​​ၵေႃႉလႂ် ၵူၼ်း​​ၵေႃႉလႂ်ဢွၼ်လႅတ်းသႅဝ်း ဢွၼ်တုၵ်ႉၶၼႆ​​​ႁူႉထိုင် လႄႈ ​​ပေႃးမီးတၢင်းႁူႉ​​ၵေႃႈ ၽႂ်ဢမ်ႇၸၢင်ႈလႅၼ်ႁဝ်းယဝ်ႉ။ ၼင်ႇႁိုဝ်​​တေမီးတၢင်းႁူႉၼၼ်ႉ လူဝ်ႇ​​မေႃႁဵၼ်းသွၼ် လိၵ်ႈတႆး လိၵ်ႈတႆး လိၵ်ႈတႆးၼႆႉယဝ်ႉ❞

#သင်ဝႃႈၵိုတ်းထႅင်ႈလွၼ်ႉမွၼ်းဢၼ်ဢမ်ႇပႆႇၶဝ်ႈပႃးၸိူဝ်းၼၼ်ႉ ၼင်ႇဢူၺ်းၵေႃႉၽူႈလူလိၵ်ႈယၢမ်ႈမၢႆတွင်းဝႆႉမီးယူႇၸိုင်ၸွႆႈထႅမ်သိုပ်ႇၽၢၵ်ႇဝႆႉပၼ်ပႃႈတႂ်ႈၼႂ်း_Comment_ၼႆႉၵႂႃႇလႄႈ။

#သင်ႁၼ်ဝႃႈမီးၽွၼ်းလီပုၼ်ႈၽူႈလူလိၵ်ႈၸိုင်သိုပ်ႇပိုၼ်ၽႄႈထိုင်ဢူၺ်းၵေႃႉႁူႉႁၼ်ၵႂႃႇသေၵမ်း Share 

•••••••••••••••••••••••••••••••••••••••••••••••

ၵဵပ်းႁွမ်တႅမ်ႈ- ​​ၸဝ်ႈပၼ်ႇတိတ { တိုင်ၵဵင်းလိူၼ် }