ပိုတ်ႇၸႂ်တူၺ်းႁၼ် လွင်ႈတၢင်းၼႂ်းၸူဝ်ႈပၢၼ်

📖 ပိုတ်ႇၸႂ်တူၺ်းႁၼ် လွင်ႈတၢင်းၼႂ်းၸူဝ်ႈပၢၼ် 

 📖 လွၵ်းလၢႆးၽႃႈဝၢင်းတၢင်းတုၵ်ႉ ၼႂ်းလွင်ႈသုၵ်ႉ

📌ငဝ်ႈတိုၼ်းဢၼ်မီးၸိုဝ်ႈဝႃႈ

The Things You Can See Only When You Slow Down 

-----------------------------

📌မၢၼ်ႊပိၼ်ဝႆႉၸိုဝ်ႈပပ်ႉဝႃႈ

ငြိမ်းချမ်းမှုကို ရှာဖွေခြင်း

✍️ မူၺ်သီၶၢဝ်

📃 ၼႃႈလိၵ်ႈ 188

" ၸႂ်ႁဝ်းၼၼ်ႉသင်ဝႃႈ ယွမ်းလွင်ႈႁၢဝ်ႉႁႅင်းဝႆးမၼ်းလူင်းၼႆၸိုင် လွင်ႈၵတ်းယဵၼ်​​ၵေႃႈ ​​တေၽူတ်း​​ပေႃႇဢွၵ်ႇမႃးႁင်းၵွႆးမၼ်းၵူၺ်း "

ပပ်ႉၼႆႉ ပဵၼ်ပပ်ႉဢၼ်ၽူႈတႅမ်ႈလိၵ်ႈ မုၼ်ၸဝ်ႈ​​  ႁေမၢၼ်ႇသူႇၼမ်ႇ (Haemin Sunim) ပဵၼ် ၸိၼ်ႇပုတ်ႉထၽႃႇသႃႇ တႅမ်ႈဢွၵ်ႇဝႆႉၼၼ်ႉ မူၺ်သီၶၢဝ်ၶိုၼ်းပိၼ်ႇပဵၼ်ၽႃႇသႃႇတႆးမႃးပၼ်ၼႂ်းပီႊ 2021 ဝႆႉ။

  လုၵ်ႉဢဝ်တီႈပပ်ႉငဝ်ႈတိုၼ်း​​သေ ၵူၼ်းၶိူဝ်းၸိူဝ်းဢၼ်မႃးပိၼ်ႇပဵၼ်ၽႃႇသႃႇၽႂ်မၼ်းၵႂႃ မီးတင်းၼမ် ၽႃႇသႃႇမွၵ်ႈ 30 ၽႃႇသႃလိူဝ်လိူဝ်ယဝ်ႉ ပပ်ႉၼႆႉၶၢႆႈလႆႈလီထိုင် သၢမ်လၢၼ်ႉလိူဝ်​​သေပဵၼ်ပပ်ႉဢၼ်ၶဝ်ႈပႃး ၼႂ်းပပ်ႉလိၵ်ႈဢၼ်ၶၢႆလီထိသုတ်းပပ်ႉၼိုင်ႈလႄႈ ပဵၼ်ပပ်ႉဢၼ်ၸိုဝ်ႈသဵင်ယႂ်ႇၼႂ်းလုမ်ႈၾႃႉဝႆႉယူႇ။

ၼႂ်းပပ်ႉၼႆႉ ​​တေမီးယူႇဝႆႉ (8)တွၼ်ႈ လုၵ်ႉဢဝ်တီႈၸဵင်ႇလၢႆလၢႆတၢင်း​​သေ ဢၼ်ထူပ်းၺႃးၼႂ်းၸူဝ်ႈပၢၼ်ၵူၼ်းႁဝ်း​​သေ တႅမ်ႈဝႆႉပဵၼ်ၶၵ်ႉပဵၼ်တွၼ်ႈဝႆႉ လွင်ႈဢၼ်ၶဝ်ႈပႃးဝႆႉၼႂ်းပပ်ႉၼႆႉ ​​တေမီး လွင်ႈတၢင်းႁၵ်ႉ၊ လွင်ႈမိုတ်ႈၵိုဝ်းၸမ်ၸႂ်ၸိူဝ်းၼႆႉ ပႃးၸဵမ်လွင်ႈၵၢၼ်ငၢၼ်း လႄႈ ႁဵတ်းႁႂ်ႈႁႅင်းၸႂ်ၵႅၼ်ႇၶႅင်ၸိူဝ်းၼႆႉ​​ၵေႃႈၶဝ်ႈပႃးဝႆႉ။  သင်ၸိူဝ်ႉဝႃႈ ၼႂ်းဝၼ်းၼႃႈႁဝ်းၼၼ်ႉ မီးလွင်ႈဢမ်ႇတႅတ်ႈၼႅတ်ႈတႅတ်ႈ​​တေႃးၼႅၼ်ႈၼႃယူႇ၊ ဢမ်ႇႁူႉဝႃႈၸဝ်ႈၵဝ်ႇသူင်ၸႂ်ပႃးဝႃႇသၼႃႇသင်ၸိူဝ်းၼႆႉၸိုင် ၼင်ႇႁိုဝ်​​ပေႃး​​တေတိူဝ်းႁူႉဝႃႇသၼႃႇၸဝ်ႈၵဝ်ႇမႃး  သင်ၶႂ်ႈထူပ်းႁၼ်း​​ပႃးသဵၼ်ႈတၢင်းမၼ်း​​ပေႃးၼႆၸိုင် ၶႂ်ႈဝႃႈ ပပ်ႉၼႆႉ​​တေၸီႉ​​ၼေပၼ်လွၵ်းလၢႆးမၼ်းယူႇ။

ၼႂ်းၼိုင်ႈတွၼ်ႈၼၼ်ႉ ဢဝ်ႁဵတ်းပဵၼ် ဢႅတ်ႉ​​သေးၼိုင်ႈပုၵ်ႈ​​သေတႅမ်ႈဝႆႉလႄႈ ႁဵတ်းႁႂ်ႈမၢႆတွင်းလႆႈငၢႆႈငၢႆႈ​​သေဢမ်ႇၵႃး လွင်ႈတၢင်းမၼ်း​​ၵေႃႈပွတ်းပွတ်း​​သေ ၸီႉ​​ၼေပၼ်တွၼ်ႈ​​တေသိုပ်ႇမၼ်းယူႇဝႆႉ  ၼႂ်းၵႃႈပွတ်းပွတ်းၼၼ်ႉ ယိူင်းၸူးထိုင်ၽူႈလူလိၵ်ႈ​​သေတႅမ်ႈဝႆႉလႄႈ သင်ဝႃႈမိူဝ်ႈသူလႆႈထူပ်းၺႃးလွင်ႈယၢပ်ႇၽိုတ်ႇၸႂ်သုၵ်ႉမႃႈၼၼ်ႉ ႁႂ်ႈသူၶဝ်​​ပေႃးတွင်းလႆႈ​​ငၢႆႈငၢႆႈ ဢဝ် ႁဵတ်းပဵၼ်ႁႅင်းၸႂ်တႃႇ​​တေႃႇသူႈလႆႈၼၼ်ႉယဝ်ႉ။

ၼင်ႇႁိုဝ်ၵၢၼ်ပၵ်းၸႂ်သူ​​တေတိူဝ်းလီ ၊ တႃႇႁႂ်ႈ​​မေႃမၢတ်ႈၸႂ်ထမ်း တြႃး ပႃးလႄႈ သႂ်ႇပႃးဝႆႉတႃႇတွင်းပႃးၸွမ်းထႅင်ႈယူႇ။ ၽူႈလူလိၵ်ႈမၢင်ၸိူဝ်းၶဝ်​​တေလူၵႂႃႇဝႆးဝႆး မိူၼ်ၼင်ႇလူၸိူင်း ဝတ်ႉထု ဢပုမ်ႇ ၸိူဝ်းၼၼ်ႉယူႇ။  ၵူၺ်းၵႃႈ ယူႇတီႈၽူႈတႅမ်ႈလိၵ်ႈၶႂ်ႈပၼ်လွင်ႈႁၼ်ထိုင်တႄႉ​​ၵေႃႈ မိူဝ်ႈလူပပ်ႉၼႆႉၼၼ်ႉႁႂ်ႈပၼ်ၶၢဝ်းယၢမ်းလႆႈလီလီလႄႈ လူလွႆးလွႆး ဝႃႈၵူၼ်းတႅမ်ႈမၼ်းၶႂ်ႈၽၢၵ်ႇတွၼ်ႈသင်တွၼ်ႈတႃႇၵူၼ်းလူ​​တေႉ​​တေႉၼႆ​​သေလူၵွၼ်ႇၸင်ႇ​​တေလႆႈဢမ်ႇသုမ်းၶၢဝ်းယၢမ်းလၢႆၵမ်း။ ​​ပေႃးလူယဝ်ႉၵႂႃႇၼိုင်ႈတွၼ်ႈၸိုင် ႁႂ်ႈပၼ်ၶၢဝ်းယၢမ်းၶိုၼ်းဝူၼ်ႉတူၺ်းလွင်ႈတၢင်းၼႂ်းတွၼ်ႈဢၼ်ယဝ်ႉၵႂႃႇၼၼ်ႉယဝ်ႉ ၸင်ႇၵွႆႈၶိုၼ်းသိုပ်ႇလူၵႂႃႇထႅင်ႈတွၼ်ႈမႂ်ႇမႂ်ႇၼႆ ၶႂ်ႈသင်ႇလၢတ်ႈၸိူင်ႉၼႆ😍

✨လၢတ်ႈလွင်ႈပပ်ႉလိၵ်ႈတႆး

ပပ်ႉလိၵ်ႈၼႆႉ ​​တေလႆႈဝႃႈငိၼ်းၸူမ်းၶွပ်ႈၸႂ်ထိုင် မူၺ်သီၶၢဝ် ​​တေႉယူႇ တီႈပိၼ်ႇမႃးပၼ်ႁႂ်ႈ ပီႈၼွင်ႉတႆးလႆႈႁပ်ႉၸိမ်းၼမ်ႉလႅမ်ႉလွင်ႈသမႃႇထိ ၸႂ်ၵတ်းယဵၼ် ၽႃႈပႅတ်ႈလွင်ႈတုၵ်ႉလွင်ႈသုၵ်ႉဢၼ်​​တေမႃးပၼ်တၢင်းမႆႈၼႂ်းတူဝ်ႁဝ်းၼၼ်ႉ​​တေႉ​​တေႉ

ၵူၺ်းၵႃႈ ၶႂ်ႈပၼ်တၢင်းႁၼ်ထိုင်​​တေႉ​​ၵေႃႈ တီႈႁၢင်ႈၼႃႈသိူဝ်ႈၼၼ်ႉၵွႆးၵွၼ်ႇ သင်သႂ်ႇႁၢင်ႈငဝ်ႈတိုၼ်းႁိုဝ် ဢမ်ႇၼၼ် ပိူင်ႈဢိတ်းဢိတ်းၼႆ​​ၵေႃႈ​​တေတိူဝ်းလီ ၊ ထႅင်ႈ​​ၵေႃႈ သင်သႂ်ႇပႃးလိၵ်ႈ ဢၢင်ၵိတ်ႉငဝ်ႈတိုၼ်း​​ၵေႃႈ​​တေတိူဝ်း မီးၼမ်ႉၼၵ်းၶွင်ငဝ်ႈတိုၼ်းပႃးထႅင်ႈ၊  လႄႈပႃးတင်း ​​ၶေႃႈၸၼ်ၸႂ်ဢၼ်ဝႃႈပပ်ႉဢၼ်ၶၢႆလီသုတ်း #International Bestseller ၼႆၶႅၼ်း​​တေမီးၼမ်ႉၼၵ်းမႃးတႃႇၶၢႆလီၼႂ်းတူင်ႇဝူင်းတႆးထႅင်ႈ ၼႂ်းငဝ်းလၢႆးယုင်ႈယၢင်ႈၸိူင်ႉၼင်ႇၼႆ လိုၼ်းသုတ်း​​တေႉ​​ၵေႃႈ ၼင်ႇႁၢင်ႈၼႃႈသိူဝ်ႈၽၢႆႇလင် ပိုၼ်းၵႅပ်ႈၽူႈတႅမ်ႈလိၵ်ႈဢၼ်လႆႈပဵၼ်မႃးပပ်ႉၼႆႉမီးၸိူင်ႉႁိုဝ်ၼႆၼၼ်ႉၸိူဝ်းၼႆႉ ပဵၼ်ၽၢင်ႁၢင်ႈပပ်ႉၼိုင်ႈဢၼ် တူၺ်းၼႃႈသိူဝ်ႈ​​သေယဝ်ႉႁႂ်ႈ​​ပေႃးၶႂ်ႈလူၶႂ်ႈၸိမ်းပပ်ႉလိၵ်ႈၼၼ်ႉ​​တေႉယူႇၼႆ ယွၼ်းၽၢၵ်ႇထိုင်ၼင်ႇၼႆ🥰

ၶႂ်ႈတုၵ်းယွၼ်းထိုင်ပႃး ၽူႈတႅမ်ႈပပ်ႉ ၶႂ်ႈၸႂ်ၶူၼ်ႉတႅမ်ႈပိုၼ်ပၼ်လွင်ႈပိုၼ်းပွတ်းပပ်ႉၼမ်ၼမ် ပိုၼ်ႇၽၢဝ်ႇ ၵွၼ်ႇပိူၼ်ႈပႆႇလူႁႂ်ႈႁူႉလွင်ႈပပ်ႉၶၢဝ်ႉၶၢဝ်ႉ လႄႈ ၽူႈၸိူဝ်းလူယဝ်ႉၼၼ်ႉ​​ၵေႃႈၶတ်းၸႂ်တႅမ်ႈၶိုၼ်းလွၼ်ႉၶိုၵ်ႉ ဢၼ်ၸဝ်ႈၵဝ်ႁပ်ႉလႆႈၼႂ်းပပ်ႉလႄႈ ဢၼ်ၶႂ်ႈပိုၼ်ၽႄႈပၼ်ပိူၼ်ႈႁပ်ႉႁူႉၸွမ်းၼၼ်ႉပၼ်ၸိူဝ်းၼႆႉပဵၼ်ၵၢၼ်တိုၵ်းသူၼ်လွင်ႈလီပဵၼ်ၵူႉသူဝ်ႇဢၼ်ၼိုင်ႈၼႆ​​ပေလိုမ်း🥰😍

ူၼ်ႈၶိုၼ်း✅ လူလိၵ်ႈ​​သေ ႁႂ်ႈသိူဝ်းၸွမ်းလႆႈ လႄႈ ထႅမ်တၢင်းႁူႉႁၼ်ႁႂ်ႈတိူဝ်းတွၼ်းၵႂႃႇ​​သေၵမ်း ၶတ်းၸႂ်ႁႂ်ႈ​​မေႃဢဝ်လိၵ်ႈလၢႆး သွၵ်ႈႁႃသဵၼ်ႈတၢင်းဢၼ်မၢၼ်ႇမႅၼ်ႈၸိုဝ်ႈၸႂ်ႈတွၼ်ႈတႃႇတူဝ်ၵဝ်ႇလႄႈတူင်ႇဝူင်းၸဝ်ႈၵဝ်ႇၵႂႃႇလႆႈ​​သေ ယွၼ်းႁႂ်ႈၽူႈလူလိၵ်ႈၶဝ် ထူပ်းလွင်ႈဢၼ်ၸဝ်ႈၵဝ်ႇၸွမသွၵ်ႈႁႃယူႇၼၼ်ႉသေၵမ်း။

✨လုမ်းလႃးပၢႆးယူႇလီၵၼ်ၽွင်ႈ💟  ၼင်ႇၸႂ်​​တေတိူဝ်းၼုမ်ႇ လူလိၵ်ႈလႄႈ 💞

#ShanBooks #HaeminSunim  #InternationalBestseller #Books #Bestseller #ငြိမ်းချမ်းမှုကိုရှာဖွေခြင်း #မူၺ်သီၶၢဝ် #မောင်သန်း #ၸူဝ်ႈပၢၼ် #ပိၼ်ႇတႅမ်ႈ