ၸိူင်း “Squid Game” ဢဝ်သၢႆၸႂ်လႅၵ်ႈ

လဵပ်ႈႁဵၼ်းတူၺ်းလွင်ႈၸိူင်းႁူဝ်ၼႆႉ ယၢမ်းလဵဝ်ပဵၼ်ဢၼ်ၸိုဝ်ႈသဵင်လိုဝ်းလင်မီးၵူၼ်းသူင်ၸႂ်တူၺ်းၼမ်လိူဝ်သုတ်းဝႆႉယူႇ“Squid Game” ဢၼ်ၸုမ်း Netflix ႁဵတ်းႁႂ်ႈၸုၵ်းယူႇမၢႆ 1 မႃးလႆႈတီႈ Worldwide Chart ၼၼ်ႉ ယွၼ်ႉပိူဝ်ႈၵူၼ်းၼႂ်းလူၵ်ႈ ဢွၼ်ၵၼ်ၶဝ်ႈၸႂ်တူၺ်း ၵၼ်ၼမ်ႁႅင်းလႄႈ လႆႈႁွတ်ႈထိုင်ၵႂႃႇတီႈၸိူင်း ဢၼ်မီးၽူႈၶဝ်ႈၸႂ်ၼမ်သုတ်းဝႆႉယူႇ။

ၸိူင်းဢၼ်ၸုမ်း Netflix ၸိူဝ်းၵူဝ်းရီးယႃး ဢၼ်မီးၸိုဝ်ႈဝႃႈ  “Squid Game” ၼႆၼၼ်ႉပဵၼ်ဢၼ်ၸုင်ၸၼ်ၸႂ်ၽူႈတူၺ်းလိူဝ်ႁႅင်း လႄႈ ၵွပ်ႈမီးလွၵ်းၸိူင်းဢၼ်ၸၼ်ၸႂ် လႄႈၸိုဝ်ႈသဵင်ယႂ်ႇမႃးယူႇယဝ်ႉ။

ဢွၼ်တၢင်းတႄႉ မၢႆ 1 ပဵၼ်ၸိူင်း Sex Education သေယၢမ်းလဵဝ်ႁွတ်ႈၵႂႃႇပဵၼ်မၢႆ 2 ယဝ်ႉ။ ၸိူင်း Lucifer သမ်ႉပဵၼ်ၵႂႃႇမၢႆ 3 ၸိူင်းဢၼ်မီးၸိုဝ်ႈဝႃႈ “Squid Game” ၼႆႉသမ်ႉတိုၵ်ႉဢွၵ်ႇမႃးမိူဝ်ႈ လိူၼ် September ဝၼ်းထူၼ်ႈ 17 ၼၼ်ႉသေ ဢဝ်ၶၢဝ်းတၢင်းဝူင်ႈလဵဝ်ၵူၺ်းၼႂ်း Worldwide Chart ၼၼ်ႉႁွတ်ႈထိုင်ဝႆႉမၢႆ 1 ယူႇၼင်ႇၼႆ သေဢမ်ႇၵႃး ၼႂ်းၵႃႈၸိူင်းၵူဝ်းရီးယႃးၼၼ်ႉၵေႃႈ ပဵၼ်ဝႆႉထူၼ်ႈ 1 ဝႆႉၼင်ႇၼႆ ပဵၼ်လီၶဝ်ႈၸႂ်ဝႆႉယူႇ။

ၸိူင်း “Squid Game”ၼႆႉ ၶဝ်ႈပႃးမႃးၼႂ်း Top 10 Series တီႈမိူင်းဝၼ်းတူၵ်း  US ယဝ်ႉ ၼႂ်းသဵၼ်ႈမၢႆႁူင်းငဝ်းလူင် Netflix ယွၼ်ႉမၼ်းယူႇမၢႆ 1 မႃး 4 ဝၼ်းထပ်းၵၼ်လႄႈ ၸိုင်ႈမိူင်းမိူၼ်ၼင်ႇ Argentina, Australia, Bolivia, Brazil, Canada, South Korea, Chile, Columbia, Germany, Japan, Hong Kong ၸိူဝ်းၼႆႉၵေႃႈတေႃႈၼင်ႇၼၼ် ပဵၼ်ဢၼ်ၸိုဝ်ႈလိုဝ်းဝႆႉယူႇယဝ်ႉ။

ၵူႈမိူင်းမိူင်းၵေႃႈဢွၼ်ၵၼ်ၶတ်းၸႂ်ပိၼ်ႇပဵၼ်ၽႃႇသႃႇၽႂ်မၼ်းသေ ၼႄၵၼ်မႃးယူယဝ်ႉ။

_____________________________

လၢတ်ႈၼႄလွင်ႈပိူင်ပဵၼ်ၸိူင်းၵမ်ႈၽွင်ႈ

ၸိူင်းႁူဝ်ၼႆႉတႄႉ ဢမ်ႇၸႂ်ႈၼင်ႇႁဝ်းၵႆႉယၢမ်ႈႁၼ်မႃးၼင်ႇၵူႈပွၵ်ႈ ယွၼ်ႉမီးလွၵ်ႈလၢၵ်ႇလၢႆးၸၼ်ၸႂ်ၽူႈပႂ်ႉတူၺ်းလႄႈ ပႃးတၢင်းလွၵ်းၵဵမ်းၽဵၼ်ႈၽဵၼ်ႈ ဢၼ်ၵူၼ်းၵူႈၵေႃႉလၢမ်းၶၢတ်ႈႁူႉလႆႈၶဝ်ႈၸႂ်တိူဝ်းၼၼ်ႉ ပဵၼ်ၸိူင်းဢၼ်လႆႈၶတ်းၸႂ်တေႃႇသူႈ ၶၢမ်ႈပူၼ်ႉယူႇလွတ်ႈသၢႆၸႂ် Survival ၽႂ်မၼ်းတေႃႇထိုင်ၵမ်းလိုၼ်းယဝ်ႉ။

ၼင်ႇၼၼ်မၼ်းငၢႆး မိူၼ်ၼင်ႇသူၶဝ်ႁဝ်းလႆႈ ၶတ်းႁႅင်းတေႃႇသူႈႁဵတ်းသၢင်ႈၼႃႈၵၢၼ်ယူႇၽႂ်မၼ်း ၵူႈလွၵ်းၵူႈလၢႆးသေ ထူပ်းယူႇၼၼ်ႉယဝ်ႉ ။ ပိူင်လူင်တႄႉ ပဵၼ်တႃႇလႆႈငိုၼ်းမႃးၼၼ်ႉယဝ်ႉ။

ယွၼ်ႉၵွပ်ႈၵူၼ်းႁဝ်း ၽူႈလႂ်ၽႂ်ဢမ်ႇဝႃႈ ႁူႉၵႃႈတိုၼ်း ၶဝ်ႈၸႂ်မုင်ႈမွင်းၶႂ်ႈလႆႈ ငိုၼ်းၵွၼ်ႈ ငိုၼ်းၵွင်ယႂ်ႇတင်းၼမ်တၢင်းလၢႆလူင်ၼၼ်ႉယူႇ။

လွင်ႈသင်ဢမ်ႇဝႃႈ ဢမ်ႇၸႂ်ႈဝႃႈတေလႆႈမႃးငၢႆႈငၢႆႈလူး...

ၵွပ်ႈၼႆ တွၼ်ႈတႃႇၽူႈၸိူဝ်း ဢၼ်မီးၵိၼ်းလႄႈထူပ်းၺႃးလွင်ႈယၢပ်ႇၽိုတ်ႇ ၶဝ်တေလႆႈၶဝ်ႈသူႇပၢင်တိုၵ်းၼင်ႇႁိုဝ်ၼႆ ၼႂ်းလွၵ်းၸိူင်းၼႆႉတႄႉ ပဵၼ်လွင်ႈၶတ်းတႃႉ လဵၼ်ႈၵဵမ်းၽဵၼ်ႈၽဵၼ်ႈလုၵ်ႈဢွၼ်ႇ သင်ဢွင်ႇပေႉၸိုင်တေလႆႈႁပ်ႉငိုၼ်းသူးတႃႇ 45.6 Billion ပဵၼ်ၼမ်ႉတွၼ်းၼႆဝႆႉယူႇ။

ၼႂ်းၵႃႈ ၵူၼ်းၸိူဝ်းလႆႈၽိတ်ႈမွၵ်ႇၶဝ်ႈတင်းမူတ်း 456 ၵေႃႉ ၵူၼ်းၵေႃႉဢၼ်မီးသၢႆၸႂ်လႆႈတေႃႇထိုင်ၵမ်းလိုၼ်းသုတ်းၼၼ်ႉ ၵေႃႉလဵဝ်ၵွၺ်း တေလႆႈႁပ်ႉငိုၼ်းသူးၼၼ်ႉ တေလႆႈသူႈၶၢမ်ႈပူၼ်ႉလွၵ်းၵဵမ်းၵူႈလၢႆလွၵ်းတီႈ ၶဝ်ပၼ်ဝႆႉဝႃႈလဵၼ်ႈဢမ်ႇထုၵ်ႇမႅၼ်ႈၸွမ်းပိူင်ၼႆၸိုင် တေလႆႈဢဝ်ဢသၢၵ်ႈလႅၵ်ႈ ၸွမ်းလွၵ်းၵဵမ်းၼၼ်ႉယူႇယဝ်ႉ။

လွၵ်းၸိူင်းဢၼ်ၶႃႈႁႅမ်ၵူၼ်းၼမ်ၼႆၵေႃႈဝႃႈလႆႈယူႇ ၵူၺ်းၵႃႈ မၼ်းၵေႃႈလီၶဝ်ႈၸႂ်လိူဝ်ၸိူင်းၶႃႈႁႅမ်ၵူၼ်းၼၼ်ႉဝႆႉ ပဵၼ်ဢၼ်ပၼ်လွင်ႈၸႂ်တိုၼ်ႇတဵၼ်ႈၸွမ်းၼႂ်းလွၵ်ႈၸိူင်းမၼ်းဝႆႉတင်းၼမ်ယူႇ သီဢၼ်ၸႂ်ႉၼႂ်းလွၵ်းၸိူင်းၵေႃႈ သၢင်းလၢင်းၸၼ်ၸႂ် ႁဵတ်းႁႂ်ႈတိူဝ်းၶဝ်ႈၸႂ်လိူဝ်ဝႆႉယူႇ။

#ၾၢင်ႉ 

1) ၵူၼ်းမီးလူမ်းလိူတ်ႈၶိုၼ်ႈဢမ်ႇလီတူၺ်း

2) ဢမ်ႇထုၵ်ႇလီဢဝ်ၼႄလုၵ်ႈဢွၼ်ႇတူၺ်း

3) ပဵၼ်ၸိူင်းယွမ်းၸုၼ်ႉသၢႆၸႂ်ယွၼ်ႉငိုၼ်းလႄႈ တူၺ်းယဝ်ႉလီၽၢင်ႉတၢင်းဝူၼ်ႉ ႁႂ်ႈမေႃဢဝ်တၢင်းႁူႉ။

ၼင်ႇလႆႈႁူႉမႃးပွတ်းဢွၼ်ႇတွၼ်ႈ

တဵၵ်းတူၺ်ႈတီႈၼႆႈ

တဵၵ်းတူၺ်ႈတီႈၼႆႈ

ၽႃႇသႃႇလိၵ်ႈမၢၼ်ႊ Channelmyanmar ၸိူဝ်းတူၺ်းယဝ်ႉၼၼ်ႉပဵၼ်ႁိုဝ်ၽွင်ႈ?