ၵႂၢမ်းသင်ႇသွၼ် Robert Kiyosaki

Robert Kiyosaki  ရူဝ်းပၢတ်ႉ ၵီယူဝ်သႃၵီ

မၼ်းၸၢႆး Robert Kiyosaki  ရူဝ်းပၢတ်ႉ ၵီယူဝ်သႃၵီၼႆႉ ပဵၼ်ၽူႈတႅမ်ႈဢွၵ်ႇပပ်ႉလိၵ်ႈဢၼ်ၸိုဝ်ႈလိုဝ်းလင်ၵေႃႉၼိုင်ႈ ၸိုဝ်ႈပပ်ႉၼၼ်ႉမီးဝႆႉႁူဝ်ၶေႃႈဝႃႈ “ Rich Dad Poor Dad ’’ ပေႃးပိၼ်ႇပဵၼ်ၽၢႆႇတႆးႁဝ်းၵေႃႈတေဝႃႈ “ပေႃႈမၢၵ်ႈမီး” ၼႆၼၼ်ႉယဝ်ႉ ပပ်ႉဢၼ်ၼႆႉဢႃႇယူပပ်ႉၵေႃႈႁိုင်ထိုင် 21 ပီႊပၢႆ ယင်းတိုၵ်ႉၶၢႆလီယူႇတ​ေႃႇထိုင်ဝၼ်းၼႆႉၼႆႉ ဢမ်ႇၵႃး ၽႂ်ၵေႃႈဢွၼ်ၵၼ်ပိၼ်ႇပဵၼ်ၽႃႇသႃႇၽႂ်မၼ်းဝႆႉယူႇ ပဵၼ်ပပ်ႉဢၼ်မီးၸိုဝ်ႈသဵင်လင် ၼႂ်းလုမ်ႈၾႃႉဝႆႉပပ်ႉ႞တေႃႇယၢမ်းလဵဝ်ယူႇ။

ၵႂၢမ်းသင်ႇသွၼ် မၼ်းၸၢႆး ၵမ်ႈၽွင်ႈလၢတ်ႈဝႆႉ မီးၼင်ႇၽၢႆႇၼႂ်ႈၼႆႉ သူယႃႇပေႁဵတ်းၵၢၼ်ယွၼ်ႉပိူဝ်ႈငိုၼ်း ၵူၺ်းၵႃႈသူလူဝ်ႇႁႂ်ႈငိုၼ်းၼၼ်ႉ ႁဵတ်းၵၢၼ်ပၼ်ႁဝ်းၵူၺ်းဢိူဝ်ႈ။ လွင်ႈသၢင်ႈႁႂ်ႈ ငိုၼ်ႈၶဝ်ႈၼၼ်ႉ မၼ်းလွင်ႈယႂ်ႇသေ လွင်ႈယွမ်းလၢႆးၸႂ်ႉၸၢႆႇငိုၼ်းယဝ်ႉ။

ဢၼ်ႁဝ်းတူၵ်းသုမ်းယူႇၼႆႉ ပဵၼ်ၵွပ်ႈပိူဝ်ႈႁဝ်း ဢမ်ႇၽိုၵ်းႁဵတ်း လႄႈ သင်ဝႃႈ ႁဝ်းၽိုၵ်းႁဵတ်းတူၺ်းပေႃးၼႆ မၢင်ႊလွင်ႈၼႆႉ မၼ်းတေၸၢင်ႈ ၸွႆႈႁဵတ်းႁႂ်ႈႁဝ်းမီးတိုဝ်ႉတၢင်းမႃးယူႇယဝ်ႉ

လွင်ႈတၢင်းဢၼ်ႁဵတ်းႁႂ်ႈ ၵူၼ်းဢမ်ႇဢွင်ႇမၢၼ် ဢမ်ႇမၢၵ်ႈမီးလႆႈၸိူဝ်းၼၼ်ႉၵေႃႈ ပဵၼ်ယွၼ်ႉပိူဝ်ႈ ၵူၼ်းၸိူဝ်းၼၼ်ႉ ၶဝ်မီးၶေႃႈဢၼ်ၵႄႈတူဝ် ၶေႃဢၢင်ႈၼမ်ၼႃႇ ပူၼ်ႉတီႈ ၼၼ်ႉယဝ်ႉ

ဝၼ်းမိူဝ်ႈၼႆႉ သူၵိုင်ႇလီမီး တၢင်းလႅတ်းၽၢႆယဝ်ႉ ယွၼ်ႉဝႃႈ ဝၼ်းဢၼ်ငၢႆႈငႅမ်ႈၼႃႇၼႆၼၼ်ႉ မၼ်းသုတ်းသဵင်ႈပႅတ်ႈ ၵႂႃႇႁိုင်ယဝ်ႉ

တၢင်းဝူၼ်ႉၶွင်ၵူၼ်းၽၢၼ်ၶဝ်တႄႉ ၶဝ်ဝူၼ်ႉဝႃႈ ၶဝ်ႁဵတ်းဢမ်ႇလႆႈၼႆယူႇ ၵူၺ်းၵႃႈ ၵူၼ်းမီးၶဝ်ၼၼ်ႉတႄႉ ၶဝ်သမ်ႉဝူၼ်ႉဝႃႈ ၵိုင်ႇလီလႆႈႁဵတ်းၸိူင်ႉႁိုဝ်ၼေႃး ၼင်ႇႁိုဝ်ပေႃးတေလႆႈၼႆယူႇယဝ်ႉ တၢင်းဝူၼ်ႉၵူၼ်းၽၢၼ် လႄႈၵူၼ်းမီးၵႂႃႇၵၼ်ဝႆႉ ယွၼ်ႉၼၼ် ၸင်ႇမီးမႃးဝႃႈ ၵူၼ်းၽၢၼ်လႄႈ ၵူၼ်းမီးၼင်ႇၼႆယဝ်ႉ။

လွင်ႈပၢႆးဝူၼ်ႉၶွင်သူ တေပဵၼ်ၶူဝ်းပူၺ်ႈ ဢမူၺ်ႇ သင်ဝႃႈသူၶတ်းၸႂ်ပေႃႈၼႆၸိုင် မၼ်းတေသၢင်ႈပၼ် ၼမ်ႉတွၼ်းတႃႇ တေဢွင်ႇမၢၼ်လႄႈ မၢၵ်ႈမီးမႃးလႆႈၼၼ်ႉယဝ်ႉ

ၼိုင်ႈသူလဵပ်းႁဵၼ်းၼမ်ၵႃႈႁိုဝ်ၵေႃႈ သူတေၸဵဝ်းထိုင် တီႈတၢင်းဢွင်ႇမၢၼ်သူဝႆးၵႃႈၼၼ်ႉယဝ်ႉ

ပပ်ႉဢၼ်ၼႆႉၵေႃႈ တွၼ်ႇတႃႇတႆးပေႃးတေမီးတိုဝ်ႉတၢင်းလႆႈလူလႆႈႁူႉၼႆၼၼ်ႉသေ ၽူႈပိၼ်ႇတႅမ်ႈလိၵ်ႈ ၶိင်းသိူဝ် လၢႆးၶႃႈ ၶတ်းၸႂ်ပိၼ်ႇတႅမ်ႈပၼ်ၸိူဝ်းႁဝ်းႁႃးလႆႈလူၸိမ်းတူၺ်းၵၼ်မႃးယူႇယဝ်ႉ တွၼ်ႇတႃႇၽူႈၸိူဝ်းပႆလႆႈလူၼၼ်ႉ ၶႂ်ႈၸီႉၼႄပၼ်ဝႃႈ လီလဵပ်ႈႁဵၼ်းလူၵၼ်ယူႇၼႆ။

🔰 သိုပ်ႇပိုၼ် >> လွမ်ႉမိူင်း-ၵေးသီး
ဢိင်တႅမ်ႈ- လၢႆးတၢင်းဢွင်ႇမၢၼ် ၼႂ်းၸူဝ်ႈပၢၼ်