ပၢႆးဝူၼ်ႉ ႁူဝ်ႇၶျီႇမိၼ်း (Ho Chi Minh)

=============================

တိုၵ်းဢဝ်မိူင်းဝႅတ်ႉၼၢမ်း လွတ်ႈလႅဝ်းၶေႃ တႂ်ႈသိုၵ်း မိူင်းဢ​မေႇရိၵၢၼ်ႇ မီးယူႇ( 7 )ၶေႃႈ

  1. ႁူဝ်ႇၶျီႇမိၼ်းၼႆႉ မၼ်းၸဝ်ႈၶတ်းၸႂ်ၶဝ်ႈသူၼ်းတုမ် ၵူၼ်းမိူင်းဝႅတ်ႉၼၢမ်း ဝၢၼ်ႈ ၼွၵ်ႈၼႃးပၢင်ႇတင်းမိူင်း  ႁႂ်ႈပေႃးပွင်ႇၸႂ် ၵၢၼ်လၢႆးလုၵ်ႉၽိုၼ်ႉၶဝ်ၼၼ်ႉသေ ပွႆႇၵူၼ်းၶဝ် ၶဝ်ႈသူၼ်းတုမ်ၵူၼ်းမိူင်းဝႅတ်ႉၼၢမ်း ၼႂ်းဝဵင်း ၸိူဝ်းၼႆႉ ယူႇၽၢႆႇလင်သေတိုတ်ႉၸၼ်ၽႅၼ် ၵၢၼ်လူင် ၼင်ႇႁိူဝ်ၵူၼ်းမိူင်းပေႃးတေဢမ်ႇ ၵႂင်ၸႂ် လၢႆးလုၵ်ႉၽိုၼ်ႉၶဝ်ၼၼ်ႉ ဢမ်ႇလိုဝ်ႈ ဢမ်ႇသဝ်းယူႇယဝ်ႉ။

2. ၶတ်းၸႂ်ၵပ်းသိုပ်ႇ မိူင်းတႂ်ႈမိူင်းၼိူဝ် မိူၼ်ၼင်ႇမိူင်းၶႄႇ၊ မိူင်းရသျႃး၊ မိူင်းၵျႃႇမၼီႇ ၸိူဝ်းၼႆႉ ၼင်ႇႁိုဝ်တေလႆႈလွင်ႈၵမ်ႉထႅမ် ၵွင်ႈၵၢင်ႇမၢၵ်ႇမိုဝ်ႉၸိုၼ်းယၢမ်း ႁပ်ႉၶၢမ်ႇဝႃႇတၶွမ်ႇမျူႇၼိတ်ႉ တေႃႇသူႈၵၼ်တင်း သိုၵ်းဢ​မေႇရိၵၢၼ်ႇ ဢၼ်ႁႅင်းယႂ်ႇၶိူင်ႈၵွင်ႈၵၢင်ႇၶိုတ်းၵၢပ်ႈ လႄႈ မီးဢူၺ်းလီပဵၼ်လၢႆမိူင်း ၶဝ်ႈႁူမ်ႈၸွႆႈတိုၵ်းၵေႃႈ ဢမ်ႇတွၼ်ႉပေႉသိုၵ်းလုၵ်ႉၽိုၼ်ႉႁူဝ်ႇၶျီႇမိၼ်းမႃးသေပွၵ်ႈ။ 

ၵွပ်ႈပိူဝ်ႈဝႃႈ ႁူဝ်ႇၶျီႇမိၼ်းၼႆႉ ၽၢႆႇလင်မၼ်း မီးၵူၼ်းမိူင်းၵမ်ႉပၼ်ႁႅင်း ၸွႆႈတိုၵ်းၵူႈလၢႆးလႄႈ ၸဵမ်ယိင်းၸၢႆး ၵေႃႉလဵၵ်ႉယႂ်ႇၼုမ်ႇထဝ်ႈ ၵူႈၵေႃႉ ၽွမ်ႉသဵင်ပဵင်းပၢၵ်ႇၵၼ်သေ တေႃႇသူႈမႃးၼင်ႇႁဝ်းႁၼ်ၵိုၵ်းၼႂ်းပိုၼ်းမႃးၼၼ်ႉယူႇယဝ်ႉ။

3. ႁူဝ်ႇၶျီႇမိၼ်းၼႆႉ ဢမ်ႇသူင်ၼုင်ႈၶူဝ်း

ႁၢင်ႈလီမီးၵႃႈၶၼ်ယႂ်ႇ မၼ်းဢမ်ႇသူင်ၵိၼ် ၵျေႃႇလေႃႇၵွၵ်းၵၼ်။ လုၵ်ႈၼွင်ႉၵူၼ်းသိုၵ်းမၼ်း၊ ၵူၼ်းမိူင်းမၼ်းၵိၼ်ၸိူင်ႉႁိူဝ်ၵေႃႈမၼ်းၵိၼ်ၸိူင်ႉၼၼ်။ ၸိူင်ႉၼင်ႇၵႂၢမ်းတႆးႁဝ်းမီးၼၼ်ႉ ``သြႃႇၵိၼ်ၵျေႃႇ တ​ပေးၵိၼ်ၼေႃႇ´´ဢၼ်ဝႃႈၼၼ်ႉၵေႃႈ မၼ်းဢမ်ႇႁဵတ်း။ ႁိူၼ်းတႅၵ်ႈဢုတ်ႇတႅၵ်ႈဝႃးၵေႃႈ မၼ်းဢမ်ႇယူႇ။ မၼ်းၸဝ်ႈၶၢမ်ႇယူႇႁိူၼ်းၶႃးတွင်ၵေႃႉဢွၼ်ႇၵူၺ်းလႄႈ ၼႂ်းသုမ်ႉမၼ်းၼၼ်ႉ မီးပပ်ႉလိၵ်ႈ

ပပ်ႉလၢႆး ၼပ်ႉႁူဝ်မိုၼ်ႇပပ်ႉဝႆႉ။ ႁူဝ်ႇၶျီႇမိၼ်းသူင်လူလိၵ်ႈ ဢမ်ႇတွၼ်ႉဢဝ်ၶၢဝ်းယၢမ်းပႅတ်ႈလၢႆသေပွၵ်ႈ။ ၵွပ်ႈၼၼ် သိုၵ်းဢ​မေႇရိၵၢၼ်ႇ ဢမ်ႇတွၼ်ႉသိမ်းလႆႈတပ်ႉၶဝ်သေပွၵ်ႈၼႆႉ ယွၼ်ႉမၼ်းမေႃၼပ်ႉသၢင်ႈငဝ်းလၢႆး ဢၼ်တေပဵၼ်မႃးၼၼ်ႉယူႇတႃႇသေႇ။

4. မၼ်းၸဝ်ႈၶတ်းၸႂ်လဵပ်ႈႁဵၼ်း ၵၢၼ်မိူင်း ၼွၵ်ႈမိူင်း/ၼႂ်းမိူင်းယူႇတႃႇသေႇ။ ၶတ်းၸႂ် ဢဝ်တပ်ႉသိုၵ်းမၼ်းလႅၵ်ႈလၢႆႈၸွမ်းငဝ်းလၢႆး ဢမ်ႇယူႇပၵ်းၵဝ်ႇပိူင်လဵဝ်။ မၼ်းၸဝ်ႈ မေႃ ဝၢင်းၽႅၼ်  ဢမ်ႇတွၼ်ႉယုမ်ႇၽူႈၶဵၼ်သေပွၵ်ႈ။ တေႃႈၼင်ႇၽူႈၵွၼ်းသုင်သုတ်း တပ်ႉသိုၵ်းဢ​မေႇရိၵၢၼ်ႇယွၼ်းႁူပ်ႉထူပ်းမၼ်းၸဝ်ႈၵေႃႈ ဢမ်ႇၶၢမ်ႇႁုပ်ႉထူပ်း။ ႁဵတ်းႁိူဝ် လႄႈဝႃႈ မၼ်းၸဝ်ႈဢမ်ႇႁူပ်ႉထူပ်း၊ ပၢႆးဝူၼ်ႉမၼ်းၸဝ်ႈၼႆႉ ႁၼ်ထိုင်ဝႃႈ ဢၼ်ၽူႈၶဵၼ်ယွၼ်းႁူပ်ႉထူပ်းႁဝ်းၼႆႉ  ၶဝ်မီးၽႅၼ်ယူႇတႃႇသေႇလႄႈ။ ယွၼ်ႉၼၼ် မၼ်းဢမ်ႇတွၼ်ႉယုမ်ႇယမ်ၽူႈၶဵၼ်သေပွၵ်ႈ။

5. ၵၢၼ်ဝၢင်းၽႅၼ် ႁူဝ်ႇၶျီႇမိၼ်းၼႆႉ ၶိုၵ်ႉ

ၶႅမ်ႉ။ မၼ်းမေႃၽၢမ်းသိုၵ်းမၼ်း၊ ၵူၼ်းမိူင်းပဵၼ်သိုၵ်း ၵူၼ်းသိုၵ်း ပဵၼ်ၵူၼ်းမိူင်း။ ပေႃးၵၢင်ဝၼ်း ႁဵတ်းၵၢၼ်သူၼ်/ႁႆႈ/ၼႃး၊ မႆတူၺ်သေပႃးၵွင်ႈဝၢႆႈလႅင်ႈၸပ်းလင်။ ပေႃးၵၢင်ၶမ်ႈ ပဵၼ်သိုၵ်း ၽွမ်ႉတႃႇတေၶဝ်ႈပၢင်တိုၵ်း ႁဵတ်းႁႂ်ႈ ၵူၼ်းသိုၵ်းဢ​မေႇရိၵၢၼ်ႇ ၸႅၵ်ႇဢမ်ႇလႆႈဝႃႈ ၵေႃႉလႂ်ပဵၼ်သိုၵ်း၊ ၵေႃႉလႂ်ပဵၼ်ၵူၼ်းမိူင်းၵွပ်ႈၼၼ် လၢႆးၺၢၼ်ႇဝၢင်းၽႅၼ် ႁူဝ်ၶျီႇမိၼ်းၼႆႉ ယမ်တႄႉတႄႉဝႃႈဝႃႈယူႇယဝ်ႉ။

6. ၼၢင်းယိင်းဝႅတ်ႉၼၢမ်းၼႆႉ ၶဝ်မီးၼမ်ႉၸႂ် ႁၵ်ႉၸိူဝ်ႉၸၢတ်ႈ ဝၢၼ်ႈမိူင်းတေႉတေႉဝႃႈဝႃႈ

မိူၼ်ၼင်ႇ - ၵ. ၼၢင်းယိင်းႁၢင်ႈလီထိသုတ်း ၶၢမ်ႇၵႂႃႇ

ႁဵတ်းမေးသိုၵ်းဢ​မေႇရိၵၢၼ်ႇ၊ ၶၢမ်ႇၵိူတ်ႇလုၵ်ႈပၼ်ၶဝ်သေ ပႂ်ႉဢဝ်ၶၢဝ်ႇ။ ဢဝ်ၵွင်ႈၵၢင်ႇမၢၵ်ႇမိုဝ်ႉၸိုၼ်းယၢမ်း လၵ်ႉသူင်ႇပၼ်တပ်ႉ သိုၵ်း ဢၼ်ႁူဝ်ႇၶျီႇမိိၼ်းဢွၼ်ႁူဝ်ၼၼ်ႉယူႇယဝ်ႉ။

ၶ. ၼၢင်းယိင်းႁၢင်ႈလီပၢၼ်ၵၢင်သမ်ႉ ၶၢမ်ႇ ၵႂႃႇၶၢႆတူဝ် ၸပ်းတၢင်းပဵၼ် AIDS သေ ၵႂႃႇ ၼွၼ်းၸွမ်းၵူၼ်းသိုၵ်းဢ​မေႇရိၵၢၼ်ႇ ႁဵတ်းႁႂ်ႈၵူၼ်းသိုၵ်းဢ​မေႇရိၵၢၼ်ႇၸပ်းတၢင်းပဵၼ် AIDS ႁႂ်ႈဢဵၼ်ႁႅင်းသိုၵ်းၶဝ်ယုပ်ႈလူင်း။ပေႃးလႆႈငိုၼ်းမႃးၵေႃႈ ဢဝ်ၵႂႃႇၵမ်ႉၸွႆႈတပ်ႉသိုၵ်းလုၵ်ႉၽိုၼ်ႉၶဝ်ယူႇတႃႇသေႇ။

င. ၼၢင်းယိင်းႁၢင်ႈၸႃႉၶဝ်သမ်ႉ ၵႂႃႇယူႇၼႃႈသိုၵ်း ၶဝ်ႈပွႆးတိုၵ်းမိူၼ်ၽူႈၸၢႆး။ တေႃႉမၢၵ်ႇၵွင်ႈ၊ ႁဵတ်းသၢႆလူမ်း၊ မေႃယႃ၊  ႁုင်ၶဝ်ႈၽၵ်း သူင်ႇပၼ်ၵူၼ်းသိုၵ်းၶဝ် ဢၼ်ယူႇၼႃႈသိုၵ်းၸိူဝ်းၼၼ်ႉ ဢမ်ႇဝႄႈပုၼ်ႈၽွၼ်းႁူဝ်မႃႇ ႁၵ်ႉၸိူဝ်ႉၸၢတ်ႈတဵမ်ဢူၵ်းတဵမ်ၸႂ်ၶဝ်ယူႇယဝ်ႉ။

7. ဢဝ်ၶၢဝ်ႇတိုၵ်းပႃး။ လုၵ်ႈဢွၼ်ႇၵူၼ်းလူင်

မိူင်းဝႅတ်ႉၼၢမ်းၵူႈၵေႃႉ မေႃႁပ်ႉၶၢဝ်ႇ၊ သူင်ႇၶၢဝ်ႇ၊ မေႃပိုၼ်ၽႄႈၶၢဝ်ႇၶိုတ်းတၼ်း ႁႂ်ႈၶၢဝ်ႇ ဢၼ်သိုၵ်းဢ​မေႇရိၵၢၼ်ႇ မႃးတိုၵ်းဝႅတ်ႉၼၢမ်း၊ မႃးတဵၵ်းတဵင်ဝႅတ်းၼၢမ်းၸိူဝ်းၼၼ်ႉ ပေႃးလိုဝ်းႁူဝ်ႈၵႂႃႇတင်းၵမ်ႇၽႃႇသေ ႁဵတ်း ႁႂ်ႈၵူၼ်းမိူင်းဢ​မေႇရိၵၢၼ်ႇ ဢမ်ႇမီးလွင်ႈပဵင်းပေႃးၸႂ်ၼိူဝ်တပ်ႉသိုၵ်းဢ​မေႇရိၵၢၼ်ႇ ဢၼ် ဢဝ်လုၵ်ႈၶဝ်ၵႂႃႇတိုၵ်းဝႅတ်ႉၼၢမ်း ၵႂႃႇလူလၢႆ ဝႅတ်ႉၼၢမ်းၸပ်းတၢင်းပဵၼ် AIDS၊ ၸပ်းယႃႈၸိူဝ်းၼၼ်ႉသေ လုၵ်ႉၽိုၼ်ႉတေႃႇတပ်ႉၶဝ်ယူႇယဝ်ႉ။

ႁူဝ်ႇၶျီႇမိၼ်း လၢတ်ႈပၼ်ႁႅင်းၸႂ်ၵေႃႉသိုၵ်းမၼ်းဝႃႈ ``ၽၢႆႇႁဝ်းတၢႆ 20 ၵေႃႉၵေႃႈယႃႇ  ၽူႈၶဵၼ်တၢႆၼိုင်ႈၵေႃႉၵူၺ်းၵေႃႈယဝ်ႉ ႁဝ်းတိုၼ်းတေတေႃႇသူႈ တိုၵ်းဢဝ်မိူင်းႁဝ်းပဵၼ်မိူင်းၵွၼ်းၶေႃႁႂ်ႈလႆႈ´´ ၼႆယူႇယဝ်ႉ။

ပိၼ်ႇတႅမ်ႈဢဝ်မႃး ၼႂ်းဝႅပ်ႉသၢႆႉ ၵူၼ်းမိူင်းဝႅတ်ႉၼၢမ်း တႅမ်ႈတၢင်ႇဝႆႉၼၼ်ႉသေ ယိူင်းဢၢၼ်းႁႂ်ႈပဵၼ်ႁႅင်းၸႂ် လႄႈ ပၢႆးဝူၼ်ႉမႂ်ႇတႃႇပီႈၼွင်ႉႁဝ်းၶဝ်ၵူႈၸဝ်ႈၼႆၶႃႈ။

ၼပ်ႉယမ်ယႂ်ႇၼမ်ထိုင်ၵူႈၵေႃႉသေ .....

ပိၼ်ႇတႅမ်ႈ #ၸၢႆးၸိုၼ်ႈလႅင်း

လႆႈႁၼ်မႅၼ်ႈပိၼ်ႇဝႆႉမိူၼ်ၵၼ် ၽူႈပိၼ်ႇ #ပၢင်ႇလၢႆႇၵေႃႉယိင်း