ၸဝ်ႈၵၼ်းၸဵတ်း

 

ယွၼ်းသူးဝၼ်းၵိူတ်ႇ ၸဝ်ႈၵၼ်းၸဵတ်း ဢႃယုၶွပ်ႈ 86 ပီႊ ႁႂ်ႈယူႇလီၸိုၼ်ႈသိူဝ်းသႃႇၶၢဝ်းယၢဝ်းမိူဝ်းၼႃႈသေၵမ်း။

#ပိုၼ်းၵႅပ်ႈၸဝ်ႈၵၼ်းၸဵတ်း 

ၸဝ်ႈၵၼ်းၸဵတ်း (ၸႆၢးသၢင်ႇမၢတ်ႈ) 

- ပဵၼ်လုၵ်ႈပေႃႈၶႄႇမႄႈတႆး 

- ၵိူတ်ႇမိူဝ်ႈ 10.7.1935 တီႈဝၢၼ်ႈသၼဵၼ်း ဝဵင်းပၢင်လူင် 

- မေႃလၢတ်ႈၽႃႇသႃႇၵႂၢမ်းတႆး ၶႄႇ ပဢူဝ်း မၢၼ်ႈ ထႆး

- မိူဝ်ႈ 8.2.1952 ၽွင်းဢႃယု 15 ပီႊ ၶဝ်ႈႁူမ်ႈႁၢပ်ႇၵၢၼ်သိုၵ်းတပ်ႉသိုၵ်းပဢူဝ်းလုၵ်ႉၽိုၼ်ႉ ပႃႈတႂ်ႈတႃႇမူႇသီႇ ဢွၼ်ႁူဝ် 

- ပီႊ 1956 ၶိုၼ်ႈၸၼ်ႉပဵၼ်ၶုၼ်ႁၢၼ်

- ပီႊ 1958 ၸုမ်းသိုၵ်းပဢူဝ်းဢဝ်ငမ်းယဵၼ် ယွၼ်းလိုဝ်ႈၵၢၼ်ယူႇႁိူၼ်း

- ပီ 1960 ၶဝ်ႈႁၢပ်ႇၵၢၼ်သိုၵ်းၼ်ႂးၸုမ်းၸဝ်ႈၵွၼ်းၸိူင်း ပူဝ်ႇဝႃႉ ၶဝ်ဢွၼ်ႁူဝ်

- ပီ 1961 ႁူမ်ႈၵေႃႇတင်ႈတပ်ႉသိုၵ်းၽွမ်ႉႁူမ်ႈၸိုင်ႈတႆး SNUF ပဵၼ်ၶုၼ်သိုၵ်းလူင်

- ပီ 1964 တၢင်တူဝ်ၸဝ်ႈၵွၼ်းၸိူင်း ၶဝ်ႈမိူင်းထႆး ႁူမ်ႈၵေႃႇတင်ႈတပ်ႉသိုၵ်းၸိုင်ႈတံး SSA ၸဝ်ႈမႄႈၼၢင်းႁိူၼ်းၶမ်းဢွၼ်ႁူဝ်တင်ႈတီႈတႃႈတွၼ်း ဝဵင်းမႄႈဢႆၢ ၵဵင်းမႆႇ မိူဝ်ႈၼၼ်ႉပဵၼ်ၸၼ်ႉၸဝ်ႈႁၢၼ်

- ပီ 1969 ႁူမ်ႈၵေႃႇတင်ႈတပ်ႉသိုၵ်းၽွမ်ႉႁူမ်ႈၸိုင်ႈတႆး SURA ၸဝ်ႈၵွၼ်းၸိူင်းဢွၼ်ႁူဝ်

- ပီ 1973 လႆႈႁပ်ႉလိူၵ်ႈပဵၼ်ၵႅမ်ႁူဝ်ပဝ်ႈ SURA 

- ပီ 1984 ႁူမ်ႈၵေႃႇတင်ႈတပ်ႉသိုၵ်းလုၵ်ႉၽိုၼ်ႉၸိုင်ႈတႆး TRA ဝႆၢးႁူမ်ႈၵၼ်တင်း SSA ၸဝ်ႈၸၢမ်မႂ်ႇ

- ပီ 1993 လႆႈႁပ်ႉလိူၵ်ႈပဵၼ်ႁူဝ်ပဝ်ႈၵေႃၸိူဝ်ႉၸၢတိႈၸိုင်ႈတႆး Shan State National Congress  တီႈႁူဝ်မိူင်း မိူဝ်ႈပၢၼ် MTA

- ပီ 1995 ပဵၼ်တၢင်းပဵၼ်ၶႃၶႅင်သေလိုဝ်ႈယႃတူဝ် မိူဝ်ႈ MTA ဝၢင်းၶိူင်ႈၼၼ်ႉဢမ်ႇလႆႈၶဝ်ႈႁူမ်ႈၸွမ်း

- ဝႆၢးၸဝ်ႈယွတ်ႈသိုၵ်း ဢွၼ်ႁူဝ်ၵေႃႇတင်ႈ RCSS လႆႈပဵၼ်တီႈၵိူဝ်းၵုမ်မႃးတေႃႇယၢမ်းလဵဝ် ၸဝ်ႈၵၼ်းၸဵတ်းၼႆႉ သွၼ်ႇဝႃႈပဵၼ်ၽူႈႁူႉပွင်ႇထိုင်လွင်ႈၸိူဝ်ႉၸၢတ်ႈ ႁၵ်ႉၸိူဝ်ႉၸၢတ်ႈ ၸုၼ်ႉႁၢပ်ႇၵၢၼ်ၸိူဝ်ႉၸၢတ်ႈမႃး လူၺ်ႈဢမ်ႇမုင်ႈႁၼ်ထိုင်ၵၢၼ်မၢၵ်ႈမီးသုၼ်ႇတူဝ် ဢမ်ႇဢဝ်ၵၢၼ်ၸိူဝ်ႉၸၢတ်ႈႁဵတ်းပဵၼ်ၵၢၼ်သုၼ်ႇတူဝ် ပဵၼ်တူဝ်ယၢင်ႇလီပဵၼ်တီႈယုမ်ႇယမ်ၼပ်ႉထိုဝ်လုၵ်ႈၼွင်ႉတပေးလႄႈပေႃႈမႄႈၵူၼ်းမိူင်းတႄႉတႄႉယဝ်ႉ ..! 

ဢိင်- ဢၢၼ်းတႆး ၶႆးၶၢၼ်ႇၾႃႉ ႁုပ်ႈတႅမ်ႈ

တွင်ႈထၢမ်ၸဝ်ႈၵၼ်းၸဵတ်း

လၢတ်ႈလွင်ႈၵၢၼ်လုၵ်ႉၽိုၼ်ႉတႆး

လွင်ႈၽွမ်ႉႁူမ်ႈၵၢၼ်လုၵ်ႉၽိုၼ်ႉ