"ၺွပ်းပႃၼိူဝ်ပၢႆမႆႉ"

မီးပွၵ်ႈၼိူင်ႈ ၽူႈလူင်ႉလႅၼ်ႇၵေႃႉၼိူင်ႈ ထၢမ်ၸဝ်ႈၸွမ်ပွင်သိုၵ်းဝႃႈ ...

ၸဝ်ႈႁဝ်း ႁဵတ်းပၢင်တိုၵ်းတေႃႇ တပ်ႉသိုၵ်းၸုမ်းၼိူင်ႈယဝ်ႉၸုမ်းၼိူင်ႈ ပိုတ်ႇပၢင်တိုၵ်းတေႃႇတပ်ႉသိုၵ်းတင်းၼမ် ႁဵတ်းႁႂ်ႈၵူၼ်းသိုၵ်း ဢိၵ်ႇၽူႈမီးၸၼ်ႉလႆႈလူႉသုမ်းမၢတ်ႇၸဵပ်းတင်းၼမ်လႄႈ ၵူၼ်းဝၢၼ်ႈၵူၼ်းမိူင်းလၢႆလၢႆပိုၼ်ႉတီႈလႆႈႁူပ်ႉၽေးပၢင်တိုၵ်း လႆႈၸုၼ်ႉပွၺ်ႇၶူဝ်းပူၺ်ႈတင်းၼမ်တင်းလၢႆသေလႆႈလႅၼ်ႈပၢႆႊပၢင်တိုၵ်း

လုၵ်ႈလၢင်းမေးၼၢင်းသိုၵ်းၵေႃႈ ၸၢင်ၸႂ်တေႃႇတပ်ႉသိုၵ်းၸဝ်ႈႁဝ်း ၵူၼ်းဝၢၼ်ႈၵူၼ်းမိူင်းၸိူဝ်းလႆႈပၢႆႊၼီ ႁူပ်ႉလွင်ႈယၢပ်ႇၽိုတ်ႇၼၼ်ႉၵေႃႈ

ပႅင်းၸင်းတေႃႇၼိူဝ်ၸဝ်ႈႁဝ်းတင်းၼမ်တင်းလၢႆ ဢမ်ႇၼၼ် ၸဝ်ႈႁဝ်းလႆႈႁဵတ်း

ၸိူင်ႉၼႆၼႆႉ ၸင်ႇတေမီးတၢင်းသိူဝ်းၶႃႈႁႃႉ !!!

ၽူႈလူင်ႉလႅၼ်ႇၼၼ်ႉ သိုပ်ႇထၢမ်ထႅင်ႈ....

"ဢမ်ႇၼၼ်ၵေႃႈ ၸဝ်ႈႁဝ်းဢမ်ႇမီးၶဝ်ႈၼမ်ႉတၢင်းၵိၼ် တဵမ်ထူၼ်ႈၶႃႈႁိုဝ်၊ ၶူဝ်းၼုင်ႈတၢင်းမႆ ဢမ်ႇတဵမ်ထူၼ်ႈၶႃႈႁႃႉ !

ဢမ်ႇၼၼ်ၵေႃႈ ႁႅင်းပွင်ၼင်ႇၸဝ်ႈႁဝ်းမွင်းၾၼ်ၼၼ်ႉ ဢမ်ႇပႆႇတဵမ်လူၺ်ႈပဵင်းၸႂ်ၸဝ်ႈႁဝ်းၶႃႈႁႃႉ ?? "

"ၵဝ်ၸဝ်ႈဢမ်ႇလႆႈ တွင်းတႃႉၸိူင်ႉၼၼ်"

ပေႃးၼၼ် ၸဝ်ႈႁဝ်းမီးယိူင်းဢၢၼ်း ၶႂ်ႈၶႂၢၵ်ႈ ဢၼႃႇၸၢၵ်ႈၽႅၼ်ႇလိၼ် ၶႂ်ႈႁႂ်ႈ ၵူၼ်းမိူင်းၼႂ်ႈၼႃႈလိၼ်ၸဝ်ႈႁဝ်းၽွင်းငမ်းဝႆႉၼၼ်ႉ မႃးသၢၵ်ႈၶွၼ်ႇ ဢမ်ႇၼၼ်မႃးယွမ်းၼွမ်းၵူမ်ႈႁူဝ်တေႃႇဝႃႈ ၸဝ်ႈႁဝ်းပဵၼ်ၸဝ်ႈၽႅၼ်ႇလိၼ်ႁႃႉတေႃႈ။

ၶႃႈတူၺ်းလၢႆးၸဝ်ႈႁဝ်းႁဵတ်းမိူဝ်ႈလဵဝ်ၼႆႉ မိူၼ်ၵၼ်တင်းဢၢၼ်း ၵၢၼ်းၶိုၼ်ႈၺွပ်းပႃၼိူဝ်ပၢႆမႆႉၼၼ်ႉၶႃႈယဝ်ႉ။

(တီႈၶူမ်းဢမ်ႇယၢႆးတီႈၵၢႆးဢမ်ႇတိူၼ်ႇ)

လွင်ႈၺွပ်းပႃၼိူဝ်ပၢႆမႆႉၼႆႉ လိူဝ်သေဢမ်ႇလႆႈပႃယဝ်ႉ ပၢႆမီးၽွၼ်းၸႃႉမၼ်းထႅင်ႈတင်းၼမ် လွင်ႈဢၼ်ႁဵတ်းပၢင်တိုၵ်း ပိုတ်ႇၼႃႈသိုၵ်းၸူးပိူၼ်ႈ ယိူင်းၶႂ်ႈႁႂ်ႈလေႃးၽၸဝ်ႈၵဝ်ႇတဵမ်ထူၼ်ႈၼၼ်ႉ ၸၢင်ႊဢွၼ်ၽေးၶဵၼ် မႃးၸူးၸဝ်ႈႁဝ်းဢေႃႈ။

"ၶေႃႈၾၢင်ႉဢမ်ႇၼၼ်ၶေႃႈၵႂၢမ်းၵၢၼ်သိုၵ်းထႅင်ႈဢၼ်ၼိူင်ႈ"ၽႅၼ်ၵၢၼ်ထုၵ်ႇမႅၼ်ႈၼၼ်ႉ လမ်ႇလွင်ႈပဵင်း ယိူင်းမၢႆၼႆဝႃႇ။

ၵူၼ်းၵမ်ႈၼမ်ၵႆႉဢဝ်ၶေႃႈၵႅမ်းဢၼ်ဝႃႈ

"မႅဝ်းၶၢဝ်ႁိုဝ်မႅဝ်းလမ် ၼၼ်ႉဢမ်ႇလမ်ႇလွင်ႈပေႃးၺွပ်းၼူလႆႈသႆႉလႆႈယဝ်ႉ"ၼႆ

မၢႆထိုင်ဝႃႈ သင်ၶႂ်ႈၽွင်းငမ်းႁိုဝ်ဝႃႈ ၶႂ်ႈလႆႈဝၢၼ်ႈမိူင်း ၶႂ်ႈပူၵ်းပွင်ၵူၼ်းမိူင်း ႁႂ်ႈၶိုၼ်ႈယႂ်ႇၼၼ်ႉ

ဢမ်ႇဝႃႈတေဢဝ် "လွတ်ႈလႅဝ်းၵႂၢၼ်းၶေႃႁိုဝ်၊ လၢႆးႁူမ်ႈႁွမ်း" "လၢႆးတီႇမူဝ်ႇၶရေၸီႇႁိုဝ်၊ လၢႆးၶွမ်ႇမျူႇၼိတ်ႉ"ၵေႃႈယဝ်ႉ တိုၼ်းမီးၶေႃႈလီလႄႈ ၶေႃႈယူပ်ႈယွမ်းၽႂ်မၼ်း ဢၼ်ထုၵ်ႇလီလဵပ်ႈႁဵၼ်းၼင်ႇၵၼ်ယဝ်ႈ

ယွၼ်ႉၼၼ် ဢမ်ႇထုၵ်ႇလီၽိတ်းထဵင်ႁိမ်ၸိင်းၵၼ် ယွၼ်ႉၵွပ်ႈၼႃႈတီႈဢမ်ႇၼၼ်ၸိုဝ်ႈသဵင်သေယဝ်ႉ ထိုင်တီႈပေႃးလိုမ်းပႅတ်ႈ ယိူင်းဢၢၼ်းဢၼ်ပဵၼ်လွၼ်ႉၵႅၼ်တေႉမၼ်း တီႈႁဝ်းၶႂ်ႈဢၢၼ်ႁွတ်ႈထိုင် ယွၼ်ႉသင်လႄႈႁဝ်းလႆႈမႃးႁဵတ်းသၢင်ႈယူႇၼႆၼၼ်ႉလႃးလႃးသႄႈ။

ပွင်ႈလိၵ်ႈၼႆႉ ထွၼ်ဢဝ်မႃးၼႂ်းပပ်ႉ 

ပိုၼ်ႉႁူႉလိုၵ်ႉပိုၵ်ႉပၢႆးဝူၼ်ႉ  คารมคมความคิด

ၸဝ်ႈဢုင်းၶမ်း #ပိၼ်ႇတႅမ်ႈ။

သိုပ်ႇပိုၼ်ၽႄ ၸၢႆးမၢဝ်းႁၢၼ်ၶိူဝ်း