ပေသၢင်ႈလွင်ႈမၢတ်ႇၸဵပ်းထိုင်ၸႂ်

 

ၸႂ်ဢၼ်ဝႃႈၼႆႉ ၵွပ်ႈပိူဝ်ႈမၼ်းၸၢင်ႈႁူႉၸၵ်းဢရူင်ႇဢၼ်ပဵၼ်မႃးယူႇတင်းသဵင်ႈလႄႈ ၸင်ႇႁွင်ႉဝႃႈၸႂ်ၼႆယဝ်ႉ။

ၸႂ်ပဵၼ်ငဝ်ႈၵႅၼ်လူင် ဢၼ်ဢွၼ်ႁူဝ်လွင်ႈတူင်ႉၼိုင်ႁဵတ်းသၢင်ႈ ၵူၼ်းႁဝ်းၵူႊဝၼ်းဝၼ်း၊ႁဝ်းမီးၵၢၼ်တူင်ႉၼိုင်သူပ်း၊တူဝ်၊ႁူဝ်ၸႂ်၊ၵူၺ်းၵႃႈႁူဝ်ၸႂ်ပဵၼ်ၽူႈဢွၼ်ႁူဝ်ဝႆႉသေ သူပ်းလႄႈတူဝ်ပဵၼ်ၽူႈၸွမ်းလင်၊ၵွပ်ႈၼႆ ၸၢတ်ႈပၢၼ်ၵူၼ်းႁဝ်းၵေႃႈ တေၶီႁိုဝ်တေသိူဝ်း၊တေမိူဝ်းႁိုဝ်တေမႃး၊တေၵႂၢင်ၵႂၢင်ၵႃးၵႃးႁိုဝ် တေပွင်ႇႁူႉႁၼ်ၸႅင်ႈၼၼ်ႉ မၼ်းယူႇတီႈဝႃႈၼႂ်းၸႂ်ႁဝ်းၼႆႉ ပဵၼ်ဝႆႉၸိူင်ႉႁိုဝ်ၼႆၼၼ်ႉယဝ်ႉ။

ပေႃးဢမ်ႇမီးၸႂ်ယဝ်ႉၼႆ ဢမ်ႇၸၢင်ႈတူင်ႉၼိုင်ႁဵတ်းသၢင်ႈသင်လႆႈယဝ်ႉ။ လီၸႃႉမီးတီႈၸႂ်ၼႆလႄႈ သင်ႁဝ်းၶႂ်ႈပဵၼ်ၵူၼ်းလီဢမ်ႇၼၼ်ၵူၼ်းႁၢႆႉ၊ၶႂ်ႈမီးတင်းသိူဝ်းႁိုဝ်တင်းတုၵ်ႉၼႆႉၵေႃႈမီးတီႈၸႂ်ႁဝ်းလၢႆလၢႆယဝ်ႉ။ၸႂ်ၼႆႉမၼ်းပဵၼ်ဝႆးၼႃႇ ယွၼ်ႉၼၼ်ႄလႈမၢင်ပွၵ်ႈၸၢင်ႈႁဵတ်းၽိတ်းႁဵတ်းထုၵ်ႇယူႇယဝ်ႉ။ဢမ်ႇဝႃႈတေႁဵတ်းသင်ၵေႃႈယဝ်ႉ ယႃပေႁဵတ်းႁႂ်ႈပိူၼ်ႈလႆႈၸဵပ်းၸႂ် ယႃႇပၼ်ႁွႆးၸဵပ်းမၢတ်ႇတီႈၸႂ် တီႈၽႂ်ေသၵေႃႉလႃးလႃး။

-သင်လႆႈၸဵပ်းမၢတ်ႇတိူဝ်ႉတီႈၸႂ်ယဝ်ႉၸိုင် ဢမ်ႇဝႃႈတေမီးသၢႆၼွင်ႇ ၸႂ်ၸပ်းမႅၼ်ႈၼမ်ၵႃႈႁိုဝ်ၵေႃႈယဝ်ႉ မေႃယူႇ လိူတ်ႈၵတ်းလိူတ်ႈယဵၼ်ၵႂႃႇလူၺ်ႈဢမ်ႇမီးသၢႆလိူတ်ႈၵပ်းသိုပ်ႇၵၼ်လႆႈၼၼ်ႉၵွၼ်ႇဢိူဝ်ႈ။

-သင်လႆႈၸဵပ်းမၢတ်ႇတိူဝ်ႉတီႈၸႂ်ယဝ်ႉၸိုင် ဢမ်ႇဝႃႈတေယၢမ်ႈႁၵ်ႉၵၼ်မႃးၵႃႈႁိုဝ်ၵေႃႈယဝ်ႉ တိုၼ်းၸၢင်ႈပွႆႇၽႃႈၵွင်လင်ၵႂႃႇပႅတ်ႈယူႇဢိူဝ်ႈ။

-သင်လႆႈၸဵပ်းမၢတ်ႇတိူဝ်ႉတီႈၸႂ်ယဝ်ႉၸိုင် ဢမ်ႇဝႃႈတေယၢမ်ႈမိုတ်ႈၵိုဝ်းၵၼ်မႃးၵႃႈႁိုဝ်ၵေႃႈယဝ်ႉ တေဢမ်ႇၶႂ်ႈထူပ်းႁၼ်သေ ဢမ်ႇၵႃး ယင်းမေႃငိူင်ႉဝႄႈပႅတ်ႈၵွၼ်ႇဢိူဝ်ႈ။

-သင်လႆႈၸဵပ်းမၢတ်ႇတိူဝ်ႉတီႈၸႂ်ယဝ်ႉၸိုင် ဢမ်ႇဝႃႈတေမီးၸႂ်ဢွႆႇႁွႆႈၸပ်းပႅၼ်းၵႃႈႁိုဝ်ၵေႃႈယဝ်ႉ ယင်းၸၢင်ႈပွႆႇၽႃႈပႅတ်ႈ တေဢမ်ႇဝၢႆႇတူၺ်းၶိုၼ်းၵွၼ်ႇဢိူဝ်ႈ။

-သင်လႆႈၸဵပ်းမၢတ်ႇတိူဝ်ႉတီႈၸႂ်ယဝ်ႉၸိုင် ဢမ်ႇဝႃႈတေယၢမ်ႈမီး လွင်ႈၸမ်ၸႂ်ၵွင်ႉၵၢႆႇၵၼ် မႃးၵႃႈႁိုဝ်ၵေႃႈယဝ်ႉ တေယွၼ်းသူးပေႁႂ်ႈၶိုၼ်းၶွႆႈထူပ်းၺႃးၵၼ်ထႅင်ႈၼႆသေ ၵၢင်းယၢၼ်ၵႂႃႇဢိူဝ်ႈ။

-လွင်ႈၸဵပ်းဝၢတ်ႇတီႈတူဝ်ၼႆႉ ဢမ်ႇဝႃႈတေမီးႁွႆးၸဵပ်းၼမ်ၵႃႈႁိုဝ်ၸဵပ်းၵႃႈႁိုဝ်ၵေႃႈယဝ်ႉ ပေႃးၶၢဝ်းယၢမ်းႁိုင်မႃးၼႆ တၢင်းၸဵပ်းၼၼ်ႉ မေႃၸိုၼ်ႈၶႅၼ်းၶိုၼ်းႁၢႆယူႇဢိူဝ်ႈ။

-ႁွႆးၸဵပ်းမၢတ်ႇတီႈၼႂ်းၸႂ် လွင်ႈၸဵပ်းၸႂ်ၼႆ့ဢမ်ႇဝႃႈၶၢဝ်းယၢမ်းတေႁိုင်ၵႃႈႁိုဝ်ၵေႃႈယဝ်ႉ ဢမ်ႇမေႃၶႅၼ်းၶိုၼ်း ၼိုင်ႈၶႅၼ်းထႅင်ႈႁႅင်းတင်းၸဵပ်းလိူဝ်ၵဝ်ႇမႃးထႅင်ႈဢိူဝ်ႈ။

-တင်းၸဵပ်းတီႈတူဝ်တေႉယႃႁၢႆၶိုၼ်းလႆႈယူႇသေတႃႉ လွင်ႈၸဵပ်းၸႂ်ေတႉယႃၶိုၼ်းႁႂ်ႈႁၢႆယၢပ်ႇၼႃႇ။ ယႃႈယႃလွင်ႈၸဵပ်းၸႂ်ၼႆႉ မီးထမ်းတြႃးၽြႃးပဵၼ်ၸဝ်ႈလူၺ်ႈလွင်ႈတၢင်းယွမ်းႁပ်ႉမၼ်းလႄႈ ပွႆႇဝၢင်းပွင်ႇၸႂ်ပၼ်ၼၼ်ႉၵွၺ်းယဝ်ႉ၊လွင်ႈမေႃဝႆႉဝၢင်းၸႂ် လွင်ႈမေႃယိူၼ်ႉၵၼ်ႈ ၸိူဝ်းၼႆႉၵွၺ်း တေယူတ်းယႃၶႅၼ်းၶိုၼ်းလႆႈ။ၵူၺ်းၵႃႈ တႃႇတေၶႅၼ်းၶိုၼ်းမိူၼ်ၵဝ်ႇၼႆႉယၢပ်ႇၼႃႇ။ မိူၼ်ၼင်ႇၵွၵ်းၵႅဝ်ႈဢၼ်လႆႈၸတ်ႉတႅၵ်ႇလူႉလႅဝ်ၵႂႃႇၼၼ်ႉယဝ်ႉ တႃႇတေမိူၼ်ၵဝ်ႇၶိုၼ်းလႆႈဢၼ်ဝႃႈၼၼ်ႉ မၼ်းၵေႃႈတေဢမ်ႇလႆႈ လိူဝ်သေဝႃႈထူမ်ပၼ်မၢႆလေႃးႁႂ်ႈပေႃး ၼမ်လိူဝ်တီႈပူၼ်ႉမႃးၼၼ်ႉၵွၼ်ႇၸင်ႇတေၸၢင်ႈလီမႃးၶိုၼ်လႆႈယဝ်ႉ။

-သင်ၸိူဝ်ႉဝႃႈၸႂ်လမ်တေႉတွၼ်ႈတႃတေႁၢႆလွင်ႈၸႂ်လမ်ၼႆႉ ငၢႆႈယူႇသေတႃႉ သင်ၸိူဝ်ႉဝႃႈ လႆႈၸဵပ်းၸႂ်ယဝ်ႉတေႉ တႃႇတေႁၢႆလီ မိူၼ်ၵဝ်ႇၶိုၼ်းတေႉတေယၢပ်ႇယူႇ မၼ်းဢမ်ႇၸႂ်ႈလွင်ႈငၢႆႈ ယွၼ်ႉၼၼ်ႄလႈတႃႇၽႂ်တေဢမ်ႇလႆႈၸဵပ်းယွၼ်ႈၸႂ် ႁႂ်ႈဢွၼ်ၾၢင်ႉမိူဝ်ႈၽႂ်ပႆႇလႆႈၸဵပ်းယွၼ်ႉလွင်ႈႁဵတ်းသၢင်ႈသူၶဝ်ႁဝ်းႁႃးၼၼ်ႉလႄႈ။ လွင်ႈဢၼ်တေၸၢင်ႈႁဵတ်းႁႂ်ႈႁဝ်းပႅင်းၸင်းၵၼ်လႄႈ ၸဵပ်းၸႂ်ၼိူဝ်ၵၼ်ၼႆႉ မိူဝ်ႈႁဝ်းႁူႉဝႃႈမၼ်းဢမ်ႇလီယဝ်ႉ ႁႂ်ႈဝႄႈၵၢၼ်သေႉသွမ်းလူၺ်ႈလွင်ႈၸဵပ်းသႅပ်ႇၼိူဝ်ၵၼ်ၵႂႃႇသေၵမ်းၼႆၶႂ်ႈၽၢၵ်ႇထိုင်ၸိူဝ်းၶဝ်ယူႇ။

ပိၼ်ႇတႅမ်ႈ မူဝ်ႁိူင်း(သီႇပေႃႉ)