★" သေႃႇလေႃႇဢမ်ႇတေႃႇ ''★

            

★" သေႃႇလေႃႇဢမ်ႇတေႃႇ ''★ ဢၼ်ဝႃႈၼႆ့ 

★ မိူဝ်ႈလႆႈၽိတ်းမေႃးတုမ်ႉတိူဝ်ႉၵၼ်သေလႆႈလၢတ်ႈႁဵတ်းၽိတ်းမႅၼ်ႈၵႂႃႇၼၼ်ႉ

★ မိူဝ်ႈၸႂ်သုၵ်ႉသၢၵ်ႉၸႂ်ဢမ်ႇလီသေ ၽွင်းသွၵ်ႈႁႃသဵၼ်ႈတၢင်းဢွၵ်ႇမၼ်းယူႇၼၼ်ႉ

★ မိူဝ်ႈလႆႈႁဵတ်းၽိတ်းမႅၼ်ႈယဝ်ႉသေဢမ်ႇၶႂ်ႈယွမ်းႁပ်ႉဢဝ်ပုၼ်ႈၽွၼ်းမၼ်းၼၼ်ႉ

★ မိူဝ်ႈပၼ်လွင်ႈယုမ်ႇယမ်ၼိူဝ်ၵၼ်ယဝ်ႉသေတေႇယႃႉလူႉသႅတ်ႉၸႃႇၵႂႃႇပႅတ်ႈၼၼ်ႉ

★ မိူဝ်ႈပၼ်လွင်ႈပွင်ႇၸႂ်ၼိူဝ်ၵၼ်ၼၵ်းၼႃယဝ်ႉသေ ဢဝ်မဝ်မၢင်ဢမ်ႇဝႆႉၵႃႈၶၼ်ၼိူဝ်ၵၼ်ၵႂႃႇပႅတ်ႈၼၼ်ႉ

★ ပိၵ်ႉသမ်ႉယၢမ်ႈယိူၼ်ႉယူႇမႃးၵႃႈႁိုဝ်ၵေႃႈၵုမ်ႇလႆႈတၢင်းလွင်ႈတွပ်ႇတႅၼ်းတဵၵ်းတဵင်ပေႉၵိၼ်လူလၢႆယူႇၼၼ်ႉသေ

★ ၵူၼ်းႁဝ်းၵူႈၵေႃႉ မီးတူဝ်လႄႈၸႂ်ႁင်းၽႂ်မၼ်းမိူၼ်ၵၼ်ယူႇသေတႃႉၵေႃႈ တေႁႂ်ႈလီၵၼ်ၵႂႃႇၵူႈလွင်ႈၵူႈမိူဝ်ႈဢၼ်ဝႃႈၼႆႉမၼ်းဢမ်ႇမီးလႆႈ မၢင်ပွၵ်ႈမၢင်လႂ် ၸႂ်တေသုၵ်ႉသၢၵ်ႉ မၢင်ပွၵ်ႈမၢင်လႂ်တေမေႃယိူၼ်ႉၵၼ်ႈတေႃႇၵၼ်ယူႇၵႂႃႇလႆႈၼိူဝ်ၵၼ်မွၵ်ႈၵႃႈၼၼ်ႉၵူၺ်း။

★ သေႃႇလေႃႇဢမ်ႇတေႃႇသေလႆႈႁဵတ်းပဵၼ်ၵႂႃႇ ဢၼ်ဝႃႈၼႆႉ ပွၵ်ႈၼိုင်ႈသွင်ၵမ်းတႄႉ ၶႄးတေပွႆႇဝၢင်းပၼ်လႆႈယူႇၼႆသေတႃႉၵေႃႈ သင်ၸိူဝ်ႉဝႃႈပွၵ်ႈၵမ်းမၼ်းၼမ်မႃးၼႆၸိုင် လွင်ႈၸဵပ်းသႅပ်ႇ ၾႆးတင်းၼႂ်းၼၼ်ႉၵေႃႈ တေမႃးဢိုင်းယူႇ ၼႂ်းဢွင်ႈဢူၵ်းႁူဝ်ၸႂ်တဵမ်ဝႆႉသေ လွင်ႈမၢၼ်ႇမႅၼ်ႈၸိုဝ်ႈၸႂ်ႈဢၼ်ထုၵ်ႇလီပဵၼ်လီမီးၼၼ်ႉၵေႃႈ တေၵိုတ်းဝႆႉပၼ်လွင်ႈမွင်ၸႂ်ၵိုတ်းၶွင်ႉၶမ်ဝႆႉဝၢႆးလင်လၢႆလၢႆၵူၺ်းယဝ်ႉ။

ပိၵ်ႉသမ်ႉပိုတ်ႇတီႈပွင်ႇၶေႃႈၵႂၢမ်းဝႆႉဝႃႈ လွင်ႈဢမ်ႇထၢင်ႇထိူမ် ဢမ်ႇမုင်ႈမွင်းသေလႄႈလႆႈပဵၼ်မႃးၼႆယူႇသေတႃႉၵေႃႈ တီႈမၼ်းထုၵ်ႇၸၢင်ႈပဵၼ်ၵေႃႈ ပဵၼ်ၵႂႃႇယဝ်ႉ ၵူၺ်းပေႁႂ်ႈပဵၼ်ၵႂၢမ်းၶေႃႈလၢတ်ႈလႆႈငၢႆႈငၢႆႈ လူၺ်ႈဢမ်ႇမီးၵႃႈၶၼ်ၼမ်ႉၼၵ်းၼိူဝ်ပုၼ်ႈပိူၼ်ႈတၢင်ႇၵေႃႉၼၼ်ႉၵႂႃႇသေၵမ်းၼႆႁႂ်ႈသူပွင်ႇၸႂ်။

Credit/-Original writter...........✍

ပိၼ်ႇ #ShanBooks