လၢႆးတၢင်းႁႃငိုၼ်း 4 လၢႆး

 

ပေႃးဝႃႈ​တေႁုပ်ႈတူၺ်းတင်းမူတ်းမူတ်းၼႆ လၢႆးႁႃငိုၼ်းၶဝ်ႈၼႆႉ ​တေမီးယူႇ(4)လၢႆးၵူၺ်း။​

လၢႆးႁႃငိုၼ်းၶဝ်ႈ(4)လၢႆးၼႆႉႁွင်ႉဝႃႈ ESBI

1. E =Employee
2. S =Self_employed
3. B =Business Owner
4. I =Investor

1.Employee
ႁႃငိုၼ်းၶဝ်ႈၸွမ်းလူၺ်ႈပဵၼ်လုၵ်ႈ
ၸၢင်ႈၸွမ်းဝၼ်းၸွမ်းလိူၼ်။

မိူၼ်ၼင်ႇ ၵူၼ်းႁၢပ်ႇၵၢၼ်ၼႂ်းၶွမ်ႇပၼီႇ၊ ၵူၼ်းႁၢပ်ႇၵၢၼ်လူင်ပွင်ၸိုင်ႈ။သင်ဝႃႈဢမ်ႇဢွၵ်ႇမူၼ်ႉပူၼ်ႉလွတ်ႈလႆႈ ဢွင်ႈယူႇသႃႇ comfortvzone ၼႆႉၸိုင်ႁဵတ်းၵၢၼ်ၸိူင်ႉၼႆၵူၺ်း ​တေဢမ်ႇမၢၵ်ႈမီးမႃးလႆႈ။ ႁႅင်းၸုတ်ႇၶႅင်မၼ်း​တႄႉ​ၵေႃႈ ​​​တူဝ်ယၢင်ႇ​ပေႃးပဵၼ်ၽူႈႁၢပ်ႇၵၢၼ်လူင်ပွင်ၸိုင်ႈ မီးတိုဝ်ႉတၢင်း​တေလႆႈၸၢမ်ႇပိၼ်ႇသိၼ်ႇမိူဝ်ႈမႃႇယုယႂ်ႇၵေႇထဝ်ႈယူႇ။

2.Self_employed
ပဵၼ်ၵူၼ်းႁႃငိုၼ်းၶဝ်ႈ လူၺ်းႁင်း​ၶေႃ။
ဢမ်ႇလႆႈယူႇၽၢႆႇတႂ်ႈၽႂ်​သေႁဵတ်းၵၢၼ်။​

ပေႃး​တေလၢတ်ႈ​တေႉ​တေႉ​ၵေႃႈ ပဵၼ်ၸဝ်ႈၵၢၼ်ငၢၼ်းထၢၼ်ႈလဵၵ်ႉ။မိူၼ်ၼင်ႇ ၽုၺ်လၢၼ်ႉၶၢႆၵုၼ်ႇၶူဝ်းတၢင်းၵိၼ်ႁင်းၶေႃ။

3.Business Owner
ပဵၼ်ၸဝ်ႈၵၢၼ်ငၢၼ်းၸုမ်ႇၵူႈ။

မိူၼ်ၼင်ႇ ၸဝ်ႈၵၢၼ်ၽူႈပိူင်ႁူင်းၵၢၼ်ယႂ်ႇ(ၸဝ်ႈၶွင်ၶွမ်ႇပၼီႇ)။

4.Investor ပဵၼ်ၽူႈလူင်းတိုၼ်း။​ပေႃးလၢတ်ႈငၢႆႈငၢႆႈ​ၵေႃႈ ပဵၼ်ၸဝ်ႈငိုၼ်းသႃးၶဝ်ယဝ်ႉ။

ၶဝ်ၸိူဝ်းၼႆႉဢမ်ႇလႆႈႁဵတ်းၵၢၼ်ႁိူဝ်ႉသင်​သေ ငိုၼ်းၶဝ်ႈၼႂ်းထွင်းၶဝ်ၵူႊဝၼ်းယဝ်ႉ။ၵွပ်ႈ ပိူဝ်ႈဝႃႈ ၶဝ်​မေႃၸႂ်ႉငိုၼ်းႁဵတ်းငိုၼ်းၼၼ်ႉယဝ်ႉ။

ပေႃးၶိုၼ်းမႃးတူၺ်းတင်း 4 ဢၼ်ၼႆႉၼႆ investor ပဵၼ်ၽူႈ ထၢၼ်ႈသုင်​သေပိူၼ်ႈ​လႄႈ ဢၼ်ၵိုတ်း (3)ဢၼ်ၼၼ်ႉၸမ်ႉပဵၼ်ၽူႈ ဢၼ်ႁဵတ်းပၼ်ၵၢၼ်မၼ်းယဝ်ႉ။

တွၼ်ႈတႃႇ​တေႁွတ်ႈၽႅဝ်ထိုင်တီႈ investor ၼၼ်ႉ ဢမ်ႇငၢႆႈငၢႆႈၼင်ႇၵဝ်ႇ။ ၵူၺ်းၵႃႈ  ပေႃးဢၢၼ်းႁွတ်ႈၼႆ လူဝ်ႇမီးတၢင်းၶတ်းၸႂ်​လႄႈ ဢမ်ႇယွမ်းသုမ်းငၢႆႈငၢႆႈၵူၺ်း။

မိူဝ်ႈလဵဝ်ၼႆႉ သူပဵၼ်ၽူႈႁၢပ်ႇၵၢၼ် employee​ လႄႈ ဢမ်ႇဢၢပ်ႈထိုင်တီႈ investor လႆႈယူဝ်ႉၼႆၼၼ်ႉ ယႃႇ​ပေၽွင်ႈတႅပ်းတတ်းယွၼ်ႇၸႂ်ဝႆးၽႅဝ်။​ ပေႃးသူဢွၵ်ႇမူၼ်ႉလွတ်ႈလႆႈဢွင်ႈယူႇသႃႇ comfort zone ၼၼ်ႉၼႆ မီးတိုဝ်ႉတၢင်းမၼ်းယူႇ။

တွၼ်ႈသွၼ်ဢၼ်လႆႈမႃးၼႂ်းပပ်ႉ ​ပေႃႈမၢၵ်ႈမီး​လႄႈ​ပေႃႈၽၢၼ် (Rich Dad & Poor Dad)ၼၼ်ႉ။
ပေႃႈ​ၵေႃႉဢၼ်ၽၢၼ်ၼၼ်ႉပၼ်ပၢႆးဝူၼ်ႉလုၵ်ႈမၼ်းဝႃႈ... ၶိုၼ်ႈႁူင်းႁဵၼ်း​ႁေ ဢဝ်ၸုမ်ႈၶူးလီလီဢၼ်ၼိူင်ႈ​သေႁဵတ်းၵၢၼ်ဢၼ်လႆႈငိုၼ်းလိူၼ်ၼမ် မိူၼ်ၼင်ႇၽူႈႁၢပ်ႇၵၢၼ်မီးၸၼ်ႉ၊ၽူႈတၢင်ၼႃႈ၊ ၽူႈယိပ်းသဵၼ်ႈမၢႆ ၶဝ်​တႄႇၵႂႃႇ။

ႁဝ်းမႃးထတ်းႁၼ်ဝႃႈ​ မၼ်းၸီႉ​ၼႄပၼ် တႃႇၶိုၼ်ႈႁူင်းႁဵၼ်းယဝ်ႉသေႁဵတ်း employee ၽူႈႁပ်ႇႁဵတ်းၵၢၼ်ပိူၼ်ႈ။

ပေႃႈ​ၵေႃႉမၢၵ်ႈမီးသမ်ႉလၢတ်ႈၼင်ႇၼႆ...
ႁူင်းႁဵၼ်း​ၵေႃႈၶိုၼ်ႈ​လႄႈ၊ ၸုမ်ႈၶူး​ၵေႃႈႁပ်ႉ​လႄႈ။​ပေႃးယဝ်ႉ ​တႄႇတင်ႈၵၢၼ်ပၢႆးမၢၵ်ႈမီး​သေဢၼ်ဢၼ်​လႄႈ။​ ႁဵတ်းၸဝ်ႈငိုၼ်းသႃး​လႄႈ။
​ပေႃးမႃးတူၺ်းဢၼ်ၼႆႉသမ်ႉ ​တေလႆႈႁၼ်ဝႃႈ ၶိုၼ်ႈႁဵၼ်းႁပ်ႉၸုမ်ႈယဝ်ႉ ႁဵတ်း Business owner ၸဝ်ႈပိူင်ၵၢၼ်မၢၵ်ႈမီးၼၼ်ႉယဝ်ႉ။

သင်ဝႃႈပဵၼ် Business Owner ယဝ်ႉ တႃႇ​တေၽႅဝ်တီႈယူႇ Investor ၼၼ်ႉ မၼ်း​ၵေႃႈဢမ်ႇယၢပ်ႇယဝ်ႉ။ သမ်ႉဝႃႈႁဝ်းၶႃႈပဵၼ်ၽူႈႁၢပ်ႇၵၢၼ်ၵိၼ်ငိုၼ်းလိူၼ်ပိူၼ်ႈဝႆႉ​သေတႃႉ​ၵေႃႈ လုၵ်ႉတီႈလုၵ်ႈၸၢင်ႈ​သေ ၽႅဝ်ၵႂႃႇတီႈ ဢၼ်ႁဝ်းၶႂ်ႈယူႇၼၼ်ႉလႆႈယူႇ။

တူဝ်ယၢင်ႇ ဝႆႉဝႃႈပဵၼ်​မေႃယႃ ​ၵေႃႉၼိူင်ႈၼႆလႄႈ။ ႁဵတ်းၵၢၼ်ၼႂ်းႁူင်းယႃ​သေ ႁွမ်ငိုၼ်းလိူၼ်ဝႆႉ ။ဝၢႆးၼႆႉ​ပေႃးငိုၼ်းၼမ်ယဝ်ႉ ၶိုၼ်းပိုတ်ႇႁွင်ႈယႃႁင်း​ၶေႃဝႆႉ။ဝၢႆးၼႆႉ​ပေႃးမီးငိုၼ်းၼမ်ထႅင်ႈ ၶိုၼ်း​တႄႇတင်ႈ ႁူင်းယႃသုၼ်ႇတူဝ်​သေ ႁႃၽူႈတိုၼ်းလၢင်းႁူမ်ႈၸွမ်း။ဝၢႆးၼႆႉမႃး​ပေႃးႁူင်းယႃဢွင်ႇမၢၼ်မႃး​သေ မီးငိုၼ်းၶဝ်ႈၼမ်မႃးယဝ်ႉၼႆ ငိုၼ်းဢၼ်လႆႈမႃးၼမ်ႉတွၼ်းမၼ်းၼၼ်ႉ ၶိုၼ်းဢဝ်ၵႂႃႇလူင်းတိုၼ်းၵၢၼ်ဢၼ်ၸဝ်ႈၵဝ်ႇယုမ်ႇၸႂ်လႆႈၼၼ်ႉ။​

ပေႃးတူၺ်းတူဝ်ယၢင်ႇၼႆႉ မၼ်း​ၵေႃႈပွင်ႇၸႂ်ႈငၢႆႈယူႇ။ၵူႈလွင်ႈ​တႄႇတီႈ employee ၵွၺ်း​သေ ၶိုၼ်ႈမႃးၵမ်းသၢင်ႉသၢင်ႉ ​တေႃႇ​ပေႃးႁွတ်ႈ investor ၼၼ်ႉ။

မွၵ်ႇၾႃႉၶၢဝ်