ၼၢင်းယိင်းၶဝ်ပေႃးႁူဝ်လိူၼ်မႃး ၵႆႉပဵၼ်သင်လႄႈ ထုၵ်ႇလီယူႇၸိူင်ႉႁိုဝ်

 

ၼၢင်းယိင်းၼႆႉ ပေႃးဝႃႈႁူဝ်လိူၼ်တေမႃး  ဢမ်ႇၼၼ် တိုၵ်ႉမႃးယူႇၼႆ တီႈတူဝ်ၶဝ်လႄႈ  ပိူင်ယႂ်ႇ ၸႂ်ၶဝ်ၼၼ်ႉ မီးလွင်ႈလႅၵ်ႈလၢႆႈတင်းၼမ်ယူႇယဝ်ႉ။ ဢၼ်ၼႆႉ မၼ်းပဵၼ်မႃး လူၺ်ႈသၽႃႇဝ။

ၼႂ်းတွၼ်ႈလိၵ်ႈၼႆႉ တေလၢတ်ႈၼႄလွင်ႈဢၼ်ၼၢင်း ယိင်းၶဝ်ၸၢင်ႈပဵၼ် ၽွင်းယၢမ်းႁူဝ်လိူၼ်မႃးၼၼ်ႉ။

ႁူဝ်လိူၼ်(ယႃႇသီႇ)ၼႆႉ ၽၢႆႇဢင်းၵိတ်ႉၶဝ်ႁွင်ႉ Period time (or) Menstruation time ၼႆၵေႃႈဝႃႈယဝ်ႉ။

ၽွင်းႁူဝ်လိူၼ်ၸမ်မႃးၼၼ်ႉ ၵွပ်ႈပိူဝ်ႈႁေႃႇမူင်း လႅၵ်ႈလၢႆႈ ဢၼ်လမ်ႇလွင်ႈ ၽွင်းႁေႃႇမူင်း estrogen ၶိုၼ်ႈႁႅင်းလႄႈလူင်းႁႅင်းၼၼ်ႉ တေပဵၼ်မႃး  mood swings ၸႂ်သုၵ်ႉယုင်ႈ ၸႂ်ၵႆႉလႅၵ်ႈလၢႆႈၽႂ်း ယူႇယဝ်ႉ။ လွင်ႈဢၼ်ပဵၼ်ၸိူင်ႉၼႆၼႆႉ ႁွင်ႉဝႃႈ PMS(pre_ menstrual syndrome) ၼႆယဝ်ႉ။

ၽွင်းၶၢဝ်းပဵၼ်ႁူဝ်လိူၼ်ၼႆႉ ၵမ်ႈၼမ်ၸၢင်ႈပဵၼ်_

1.လၢတ်ႈတိူဝ်ႉဢမ်ႇလႆႈ(Oversensitivity) 

    လွင်ႈသင်ၵေႃႈယဝ်ႉ တိုၼ်းဝႃႈဢမ်ႇယိူၼ်ႉၶၢမ်ႇလႆႈ လႃးလႃး တုမ်ႉတွပ်ႇၸွမ်းၶိုၼ်းၵမ်းလဵဝ်။တီႈၼႂ်းtype ၼႆႉ မၼ်းပႃး တေႃးသ ယဝ်ႉ။(တူဝ်ယၢင်ႇ ဝႃႈႁင်းၶဝ်ၼိုင်ႈဢိတ်းၵူၺ်းၵေႃႈ ၸႂ်လမ်ၵမ်းလဵဝ် လႄႈ ၶိုၼ်းတွပ်ႇၸွမ်းၵမ်းလဵဝ်)

2.ႁႆႈ လႄႈ ၸႂ်တူၵ်း

        ဢၼ်ၼႆႉ တႄႉ ၵႆႉႁၼ်ပဵၼ်ၵမ်ႈၼမ်။ၵမ်းၵမ်းၵႆႉၸႂ်လဵၵ်ႉ ၸႂ်တူၵ်း။ယဝ်ႉၵေႃႈ ၶႂ်ႈႁႆႈ။ၵႂင်ၸႂ် ဢမ်ႇႁူႉဝႃႈ တေလႆႈႁဵတ်းႁိုဝ်။လွင်ႈတၢင်းလဵၵ်ႉလဵၵ်ႉဢွၼ်ႇၵူၺ်း ၵေႃႈ ယိၼ်းထိုင်ၼႂ်းၸႂ်ၼႂ်းၶေႃးယႂ်ႇယႂ်ႇလူင်လူင်ႁေ ႁွင်ႉႁႆႈၸိူဝ်းၼႆႉၵေႃႈ ၸၢင်ႈၵႆႉပဵၼ်။တီႈၼႆႈ မၼ်းပႃး လွင်ႈၶုၺ်ႉၸႂ်ယုင်ႈယၢင်ႈ လႄႈ လွင်ႈတၢင်းမႆႈၸႂ်ယဝ်ႉ။

3.မၢင်ၵမ်းၸႂ်လဵၵ်ႉၸႂ်သုၵ်ႉသၢၵ်ႉ ႁေ၊ မၢင်ၵမ်းသမ်ႉ မီးႁႅင်းထၢတ်ႈၸႂ်ၶိုၼ်ႈမႃးႁေ ၸႂ်ၶဝ်ၼႆႉ တေၵႆႉၵႆႉလႅၵ်ႈလၢႆႈ ၸိူင်ႉၼႆ။မိူၼ်ၼင်ႇ ဢဝ်တူဝ်ၸဝ်ႈၵဝ်ႇ ၵႂႃႇၼိူင်းတင်းပိူၼ်ႈႁေ ၸႂ်လဵၵ်ႉၵႂႃႇ။

4.ပေႃးမီးလွင်ႈၸႂ်ၼၵ်း stress ဝႆႉၵေႃႈ ၸၢင်ႈမေႃ ဢွၵ်ႇတေႃးသ သႂ်ႇၼိူဝ် ၵူၼ်းၼႂ်းၼႃႈႁိူၼ်း၊ ၼိူဝ်ၵေႃႉႁၵ်ႉ ၸိူဝ်းၼႆႉယူႇယဝ်ႉ။

5.ဢမ်ႇၶႂ်ႈၵိၼ်သင် ဢမ်ႇၼၼ် ၵိၼ်လူၼ်ႉၵိၼ်လိူဝ် ၊ ႁိူဝ်ႉမွၺ်ႈၼႃႈႁေဢမ်ႇမီးႁႅင်း ၸႃႉၵႂႃႇၸိူဝ်းၼႆႉ ဢမ်ႇႁဵတ်းလႆႈဢမ်ႇယိပ်းလႆႈသင်ၵေႃႈ ၵႆႉၸၢင်ႈပဵၼ်

ၼႂ်းၸိူဝ်းၼႆႉ တေၵႆႉပဵၼ်ၽွင်းမိူဝ်ႈႁူဝ်လိူၼ်ၸမ်မႃး လႄႈ တိုၵ်ႉမႃး။(တီႈၼႆႈ ဢမ်ႇၶႂ်ႈႁႂ်ႈပွင်ႇဝႃႈ ၼၢင်းယိင်းၵူႊၵေႃႉ တေပဵၼ်ၼင်ႇဢၼ်လၢတ်ႈမႃးတင်းမူတ်း။မၼ်းတေပဵၼ်သေဢၼ်ဢၼ်သေၶေႃႈၶေႃႈ။ လွင်ႈၸႂ်လမ်ငၢႆႈလႄႈ ဢမ်ႇၶၢမ်ႇလူမ်းပိူၼ်ႈလႆႈႁေ ၶိုၼ်းတွပ်ႇၵမ်းလဵဝ်ၼၼ်ႉတႄႉ ဢႅပ်ႈတေပဵၼ်ၵူႊၵေႃႉ ယူႇၶႃႈၼေႃ။

မိူဝ်ႈၽွင်းႁူဝ်လိူၼ်မႃးၼၼ်ႉ ထုၵ်ႇလီယူႇၸိူင်ႉႁိုဝ်

1.ထုၵ်ႇလီၼုင်ႈၶူဝ်းဢၼ်ယူႇငၢႆႈလူမ်ၸႂ်လူမ်ၶေႃး။ ၶူဝ်းမဵဝ်းဢၼ်လူမ်လူဝ်ႈလူဝ်ႈ။

2.ယႃႇပေၼုင်ႈ ၵူၼ်ဢၼ်ႁႅတ်ႉ

3.ၸေႈၶၢမ်ႇ pad ၼၼ်ႉ လီလၢႆႈပၼ် 4ၸူဝ်ႈမူင်း ၼိူင်ႈဢၼ်

4.ပေႃးဝႃႈ တွင်ႉၸဵပ်းၼႆႉ ၵိၼ်ၼမ်ႉဢုၼ်ႇမႆႈမႆႈပၼ် ဢမ်ႇၼၼ် ဢဝ်ထူင်ၼမ်ႉဢုၼ်ႇၾႆးၾႃႉၼၼ်ႉ ငွမ်းဝႆႉပၼ်တွင်ႉ တေသၢၵ်ႈသႃႇမႃးယူႇ

5.သင်ဝႃႈ ၶိုၼ်ႈၶိုၼ်ႈမူၺ်ႈမူၺ်ႈႁႅင်းၼႆ ၵိၼ်ယႃႈယႃ(ၼၢင်းယိင်းၵမ်ႈၽွင်ႈ တွင်ႉၸၢင်ႈၸဵပ်းၽွင်းႁူဝ်လိူၼ်တေမႃး ၊ တိုၵ်ႉမႃး)သင်ဝႃႈ မၼ်းမႃးမိူဝ်ႈလႂ်ၵေႃႈ ၸဵပ်းတႃႇသေႇၼႆ ၵိၼ်ယႃႈယႃၵေႈၸဵပ်းဝႆႉလူင်ႈၼႃႈၸိုင် တေသၢၵ်ႈသႃႇယူႇ

6.ဢၢပ်ႇၼမ်ႉသီတူဝ်ၶိင်းႁႂ်ႈမူတ်းသႂ်ၵမ်ႈၽွင်ႈ တေယုမ်ႇဝႆႉဝႃႈ ၽွင်းႁူဝ်လိူၼ်မႃး ဢမ်ႇလႆႈဢၢပ်ႇၼမ်ႉ။ၼႆႉၽိတ်းဝႆႉၶႃႈ။ယွၼ်ႉသင်ၼႆ မိူဝ်ႈႁူဝ်လိူၼ်မႃးၼႆႉ တေႁင်ဝူၺ်ႇ။ယွၼ်ႉၼႆ ၼင်ႇႁိုဝ် မူင်းမႅင်းတၢင်းပဵၼ်တေဢမ်ႇၸၢင်ႈဢဝ်ၶၢဝ်းယၢမ်းလီဢၼ်ၼႆႉၼၼ်ႉ တေလႆႈယူႇမူတ်းသႂ်ယဝ်ႉ။(ၵူၺ်းယႃႇဢၢပ်ႇႁိုင်ၼင်ႇၵဝ်ႇလေႃႇ

7.ယႃႇပေၵိၼ်ၵႃႇၽီႇ ၼမ်ႉၼဵင်ႈၼမ် လွင်ႈဢၼ်ၼႆႉ သင်ဝႃႈႁဝ်းႁူႉဝႆႉၸိုင် ၽွင်းႁူဝ်လိူၼ်မႃးၼၼ်ႉ တေလႆႈယူႇၸိူင်ႉႁိုဝ်ၼႆ တေမေႃမူၼ်ႉမႄးယူႇ။ ယူႇတီႈၵေႃႉႁၵ်ႉၵေႃႈ ပေႃးႁူႉဝႆႉလွင်ႈၼၢင်းယိင်း ၸၢင်ႈပဵၼ်ၸိူင်ႉၼႆ ၸိုင် လီလႆႈပွင်ႇၸႂ်ပၼ်။ယွၼ်ႉဝႃႈ ၽွင်းႁူဝ်လိူၼ်ၶဝ်မႃးၼၼ်ႉ ၶဝ်တေၸၢင်ႈၵႆႉၸႂ်လမ် ဢမ်ႇၼၼ် ၸၢင်ႈလၢတ်ႈယိုတ်ႈ။ပေႃးဝႃႈဢမ်ႇမေႃပွင်ႇၸႂ်ပၼ်ၶဝ်ၼႆ တေပဵၼ်မႃးလွင်ႈမေႃးမႄးၵၼ်ယူႇယဝ်ႉ။

ယူႇတီႈၼၢင်းယိင်းၶဝ်သေ မိူဝ်ႈၶၢဝ်းၶိဝ်းႁူဝ်လိူၼ်မႃးၼႆႉ ထုၵ်ႇလီလူလိၵ်ႈပၼ်၊ ၼင်ႈတြႃးပၼ် တွၼ်ႈတႃႇ ႁႂ်ႈၸႂ်ၼိမ်ယဵၼ်။

#မွၵ်ႇၾႃႉၶၢဝ်