ထုၵ်ႇလီႁူႉလွင်ႈ ပၢႆးသၢႆႊ တူင်ႇၵူၼ်

 | (SOCIAL SCIENCE)ပွင်ႇဝႃႈသင်?

ပေႃးလၢတ်ႈဝႃႈ Social science ပၢႆးသၢႆႊတူင်ႇၵူၼ်းၼႆ ၵူၼ်းၵမ်ႈၼမ်တေဢမ်ႇပေႃးမိုတ်းႁူ ၸမ်ၸႂ်တင်း ၽႃႇသႃႇၼႆႉ ယွၼ်ႉႁဝ်းဢမ်ႇမီးသူၼ်ႇတႃႇလႆႈလႅပ်ႈႁဵၼ်း မႃးၸဵမ်လဵၵ်ႉလႄႈ မၢင်ၵေႃႉယင်းတေဢမ်ႇႁူႉ ၵွၼ်ႇယဝ်ႉဝႃႈပဵၼ်ၸိူင်ႉၼင်ႇႁိုဝ် တီႈပွင်ႇၶႂ်ႈဝႃႈသင်ၼႆၼၼ်ႉ။ တီႈတႄႉ Social science ၼႆႉ မၼ်းၵဵဝ်ႇလူၺ်ႈလွင်ႈ ၵူၼ်း၊ ၵၢၼ်ၵူၼ်းလႄႈတူင်ႇဝူင်းၵူၼ်း သေထတ်းသၢင်ႈၸွမ်းလွၵ်းလၢႆးပၢႆးသၢႆႊၼၼ်ႉလႄႈ ပဵၼ်ၽႃႇသႃႇဢၼ်လီၶဝ်ႈၸႂ်တေႉယဝ်ႉ ။ 

Social Science ပွင်ႇဝႃႈသင် ?

Social science ၽႃႇသႃႇၼႆႉ ပဵၼ်ၽႃႇသႃႇဢၼ်လဵပ်ႈႁဵၼ်းတူင်ႇၵူၼ်း ၸွမ်းလူၺ်ႈလွၵ်းလၢႆး ပၢႆးသၢႆႊၼၼ်ႉယဝ်ႉ။ၼႂ်း social science မၼ်းၼႆၵေႃႈ တေပႃးဝႆႉ လွင်ႈပိုၼ်း၊ လွင်ႈၽႅၼ်ႇလိၼ်၊ လွင်ႈမၢႆမီႈပၵ်းပိူင်မိူင်း၊ လွင်ႈၵၢၼ်မိူင်း၊ ပၢႆးသၢႆႊ၊ လွင်ႈပၢႆးမၢၵ်ႈမီး၊ လွင်ႈတူင်ႇဝူင်းၵူၼ်း လႄႈ လွင်ႈပၢႆးၸႂ်သေ ၶွတ်ႇ ၽွတ်ႈပဵၼ်မႃး social science Subject ၽႃႇသႃႇဢၼ်႞ဝႆႉယဝ်ႉ။ 

Social science ၼႆႉမၼ်းတေပႃးဝႆႉထႅင်ႈ လွင်ႈၵူၼ်း

လွင်ႈတၢင်းယၢမ်ႈၵူၼ်း လွင်ႈၸႂ်ၵူၼ်း၊ လွင်ႈတၢင်းဝူၼ်ႉ လႄႈ လွင်ႈၵပ်းသိုပ်ႇတိတ်းတေႃႇ ၵူၼ်းၵေႃႉ႞လႄႈတင်းၵေႃႉၼိုင်ႈ မိူၼ်ၼင်ႇ ၼႂ်းမုင်ႉႁေႃႁိူၼ်း ၼႂ်း ႁူင်းႁဵၼ်း ၼႂ်းမုၵ်ႉၸုမ်း ၼႂ်းၼႃႈၵၢၼ် ၸိူဝ်းၼႆႉလႄႈ တွၼ်ႈတႃႇတေႁူႉ တေပွင်ႇၸႂ် လွင်ႈၽိင်ႈၵူၼ်းမႃးယူႇယူဝ်ႉ။ 

သင်တေဢဝ်တီႈပွင်ႇSocail science ငၢႆႈ"ၸိုင် ၵူၼ်းၼႆႉ ပွင်ႇဝႃႈသင်?    ၶဝ်ယူႇမႃးၸိူင်ႉႁိုဝ်?      တေႃႈလဵဝ် ၶဝ်ယူႇဝႆႉၸိူင်ႉႁိုဝ်?      ၶဝ်သမ်ႉတေသိုပ်ႇယူႇၵႂႃႇၸိူင်ႉႁိုဝ်?     ၸႃႉၵႂႃႇၸိူဝ်းၼႆႉ။

 |Socail sceience ၼႆၵေႃႈ ပဵၼ်ၽႃႇသႃႇ

ဢၼ်႞တေၸွႆႈတွပ်ႇပၼ် ၵဵဝ်ႇလူၺ်ႈၶေႃႈထၢမ်ၵူၼ်းၸိူဝ်းၼႆႉသေ တေၸွႆႈၵႄႈၶႆပၼ်ႁႃ ၵူၼ်း ႁႂ်ႈပွင်ႇၸႂ်ၵၼ်ငၢႆႈ သေဢမ်ႇၵႃး တေႁဵတ်းႁႂ်ႈမုၵ်ႉၸုမ်းမီးလွင်ႈၵတ်းပဵၼ်လႄႈၶိုၼ်ႈယႂ်ႇၸိူဝ်းၼၼ်ႉယူႇယဝ်ႉ။ 

ယွၼ်ႉသင် Social science လမ်ႇလွင်ႈ?

ၼင်ႇႁိုဝ်ၼႂ်းမုၵ်ႉၸုမ်းႁိုဝ်ၼႂ်းမုင်ႉႁေႃႁိူၼ်း တေဢမ်ႇမီး လွင်ႈၽိတ်းမေႃးထဵင်ၵၼ်ၼၼ်ႉလွင်ႈမေႃဝႆႉဝၢင်းၸႂ်လွင်ႈမေႃၸႂ်ယၢဝ်း ပွင်ႇၸႂ်တေႃႇၼိူဝ်ၵၼ်ၼႆႉ မၼ်းလွင်ႈယႂ်ႇတေႉ။    ၼင်ႇႁိုဝ်တေမီးလွင်ႈပွင်ႇၸ်ႂၵၼ် ႁဝ်းၼႆၵေႃႈလူင်ႇပွင်ႇၸႂ်လွင်ႈၽိင်ႈယၢမ်ႈၵူၼ်း လွင်ႈဝႆႉဝၢင်းၸႂ်ၵူၼ်းလႄႈ လွင်ႈၵပ်းသိုပ်ႇတိတ်းတေႃႇၵၼ် ဢၼ်ပႃးၼႂ်း social science ၼၼ်ႉယဝ်ႉ။ Social science ၼႆႉ တွၼ်ႈတႃႇတေ ၵႄႈၶႆပၼ်ႁႃၵူၼ်းလႄႈ ႁႂ်ႈတၢင်းႁူႉၼမ် တၢင်းႁၼ်ၵႂၢင်ႈတွၼ်ႈတႃႇလွင်ႈၶိုၼ်ႈယႂ်ႇတၢင်းၼႃႇ၊ တၢင်းဝူၼ်ႉႁဝ်းၵေႃႈ ၼင်ႇႁိုဝ်ပေႃးတေၶိုၵ်ႉတွၼ်းမႃး၊ တေႁႂ်ႈႁဝ်းႁူႉလွင်ႈ သုၼ်ႇလႆႈႁဝ်းလႄႈ ပုၼ်ႈၽွၼ်း ၵူၼ်းၼိုင်ႈၵေႃႉ ဢၼ်ထုၵ်ႇလီလႆမီးလႄႈ ႁဵတ်းသၢင်ႈၼၼ်ႉယဝ်ႉ။ တွၼ်ႈတႃႇတေပူၵ်းတင်ႈ ၶိူဝ်းၵူၼ်းဢၼ်ၶိုၼ်ႈယႂ်ႇမိူင်းဢၼ်ၵတ်းယဵၼ် လႄႈ ၶိုတ်းၵၢပ်ႈၼၼ်ႉ Social science ၼႆႉမၼ်းလမ်ႇလွင်ႈယႂ်ႇတႄႉ" ။

Social Science လႄႈ တူင်ႇဝူင်းၵူၼ်း

Social science ၼႆႉ ပဵၼ်ၽႃႇသႃႇဢၼ်ၵပ်းၵၢႆႇလူၺ်ႈလွင်ႈၵူၼ်းၼႆလႄႈ ၼင်ႇႁိုဝ်လွင်ႈၶွင်ႇၶမ်ၵူၼ်းၵေႃႉၼိုင်ႈ လႄႈ ၵေႃႉၼိုင်ႈ ၸုမ်းၼိုင်ႈလႄႈၸုမ်းၼိုင်ႈ တေပွင်ႇၸႂ်ၵၼ် တေၶဝ်ႈဢွၵ်ႇၵၼ်လႆႈငၢႆႈ။ သင်ဝႃႈၼႂ်းတူင်ႉဝူင်းၵူၼ်း မီးပၼ်ႁႃမႃးၸိုင် ယွၼ်ႉသင်လႄႈ ပဵၼ်ပၼ်ႁႃ တေ ၵႄႈၶႆပၼ်ႁႃၼၼ်ႉၸိူင်ႉႁိုဝ်ၼႆ တေမီးလွၵ်းလၢႆႈ တေၸၢင်ႈမေႃႁႃလွၵ်းလႆၢႈတၢင်းဢွၵ်ႇမၼ်းလႆႈငၢႆႈၼၼ်ႉယဝ်ႉ။

ၼင်ႇႁိုဝ်လွင်ႈပၼ်ႁႃ လွင်ႈဢမ်ႇပွင်ႇၸႂ်ၵၼ် ၼႂ်းတူင်ႇဝူင်းၵူၼ်း တေယွမ်းလူင်းၼၼ်ႉ social science ၼႆႉ ပဵၼ်ၽႃႇသႃႇ တေၸၢင်ႈၸွႆႈထႅမ်လႆႈယူႇဢၼ်႞ယဝ်ႉ။ Social science ၼႆႉ ပဵၼ်ၽႃႇသႃႇ ဢၼ်တေၽိူမ်ႉထႅမ်တၢင်းႁူႉ ၵူၼ်း ႁႂ်ႈပဵၼ်ၵူၼ်းမိူင်းလီၵေႃႉ႞ လႄႈ ႁဵတ်းႁႂ်ႈတူင်ႇၵူၼ်းမီးၼမ်ႉၵတ်ႉ မီးလွင်ႈၶိုၼ်ႈယႂ်ႇ ၵတ်းယဵၼ်မႃးဢၼ်႞ယဝ်ႉ။ 

Social science လႄႈ ၶၢဝ်းတၢင်းဝၼ်းမိူဝ်းၼႃႈ

လုၵ်ႈၸိူဝ်းလဵပ်ႈႁဵၼ်းSocial science ၶဝ် တေႁူႉပွင်ႇၸႂ်လွင်ႈ မၢႆမီႈပၢၵ်းပိူင်းမိူင်း လွင်ႈတီႇမူဝ်ႇၶရေႇၸီႇ လွင်ႈသုၼ်ႇလႆႈသုၼ်ႇပဵၼ်ၵူၼ်း  လွင်ႈပုၼ်းၽွၼ်း ၵူၼ်းမိူင်း သေဢမ်ႇၵႃး တေႁူႉပႃး လွင်ႈပႅၵ်ႇပိူင်ႈၵၼ်ၶိူဝ်းၵူၼ်း၊ လွင်ႈယဵၼ်ငႄႈၽိင်ႈထုင်း လွင်ႈၽႃႇသႃတီႈၵိူဝ်းယမ်သေတေပွင်ႇၸႂ်ၼိူဝ်လွင်ႈပႅၵ်ႈပိူင်ႈၵၼ် လႄႈတေႁၼ်ထိုင်ဝႃႈ လွင်ႈပႅၵ်ႇပိူင်ႈၼႆႉ ပဵၼ်ဢႅၼ်ႁႅင်းဢီး လွင်ႈလီဢၼ်႞ၼႆယဝ်ႉ။ 

Social science ၼႆႉ ပဵၼ်ၽႃႇသႃႇဢၼ်ႁုၼ်ႈမုၼ်း တၢင်းႁၼ်ထိုင် တၢင်းဝူၼ်ႉလႄႈ ၼမ်ႉၵတ်ႉၵူၼ်းၵေႃႉၼိုင်ႈသေဢမ်ႇၵႃး ၼႂ်းမုၵ်ႉၸုမ်း ၼႂ်းၵၢၼ်မိူင်းၵေႃႈ  တေၵမ်ႉထႅမ်လႆႈတင်းၼမ်ယဝ်ႉ။    ၵူႊမိူင်း" တေမီးပၼ်ၺႃလွင်ႈမုၵ်ႉၸုမ်း လွင်ႈၵၢၼ်မိူင်း လွင်ႈပၢႆးမၢၵ်ႈမီး ၼင်ႇႁိုဝ်ပၼ်ႁႃၸိူဝ်းၼၼ်ႉတေယွမ်းလူင်း social science ၼႆႉတေၸွႆႈထႅမ်လႆႈတင်းၼမ်ယဝ်ႉ။ မိူင်းၼိုင်ႈမိူင်းၼႆႉ လူဝ်ႇၵူၼ်းမိူင်းလီလႄႈ ၵူၼ်းမိူင်းဢၼ်ႁူႉလွင်ႈတူင်ႇၵူၼ်း၊လွင်ႈၽိင်ႈယၢမ်ႈၵူၼ်းၸိူဝ်းၼႆႉယဝ်ႉ။

ယွၼ်ႉၼၼ်လႄႈ ယူႇတီႈတၢင်းႁၼ်ထိုင် ၶႃႈႁဝ်းသေၶႂ်ႈဢဝ်လွင်ႈ Social science ၼႆႉ လၢတ်ႈၼႄဝႃႈ

မၼ်းလွင်ႈယႂ်ႇတွၼ်ႈတႃႇ ၼေႃႈတႅၼ်းၶိူဝ်းႁဝ်း လႄႈ ၼႂ်းၽဝၵူၼ်းၼုမ်ႇႁဝ်းၶဝ် ဝၼ်းမိူဝ်းၼႃႈ ထုၵ်ႇလီလႅပ်ႈႁဵၼ်းယူႇယဝ်ႉ ။

တႅမ်ႈ #ငိုၼ်းသႅင်(မိူင်းၽူင်း)