ဢမ်ႇမီးၶၢဝ်းယၢမ်း

                                             

မီးဝၼ်း႞ ၵူၼ်းၵေႃႉ႞ ၸင်ႇပႆၶဝ်ႈၵႂႃႇၼႂ်းထိူၼ်ႇလိုၵ်ႉလူင်တီႈ႞မၼ်းၸင်ႇၵႂႃႇႁၼ်မႅၼ်ႈ ၵူၼ်းတႅပ်းမႆႉၵေႃႉ႞ဢဝ်ဢဵၼ်ဢဝ်ႁႅင်းမၼ်း သေဢဝ်လဵၵ်းလိူဝ်ႈမၼ်းလိူဝ်ႈမႆႉတူၼ်ႈၼိူင်ႈယူႇ။

မၼ်းႁၼ်ၵူၼ်းၵေႃႉၼၼ်ႉ တူၺ်းလဵၵ်းလိူဝ်ႈမၼ်းသေပွင်ႉဢုမ်းဢုမ်းယူႇႁင်းမၼ်းၵေႃႉလဵဝ်။

မၼ်းၸၢႆးၸင်ႇၵႂႃႁိမ်း ၵူၼ်းလိူဝ်ႈမႆႉသေ ထၢမ်ဝႃႈ     " ပဵၼ်သင်လႃႇ"?

  " သုၵ်ႉၸႂ်ၼႃႇ ယွၼ်ႉဝႃႈလဵၵ်းလိူဝ်ႈၶႃႈ 

ဢမ်ႇၽၢႆယဝ်ႉ ၶႃႈလူိဝ်ႈမႆႉၼႆႉ ႁိုင်ၶၢဝ်းယၢမ်း 3 ၸူဝ်ႊမူင်းယဝ်ႉ"

 "ပေႃးၸိူင်ႉၼၼ်မႂ်းဢမ်ႇလပ်ႉ လဵၵ်းလိူဝ်ႈမႂ်း ႁႂ်ႈၽၢႆၽၢႆသေၵွၼ်ႇလႃႇ"

"ပေႃးၼၼ်ၵဝ်တေလႆႈ ၵိုတ်းယင်ႉလွင်ႈလိူဝ်ႈမႆႉ ၵဝ်ၼႆႉသေ လပ်ႉၵွၼ်ႇပေႃးၼၼ်"

 " ၸႂ်ႈယဝ်ႉ ပေႃးဝႃႈမႂ်းလပ်ႉ လဵၵ်းလိူဝ်ႈၵေႃႈ တေၽၢႆလိူဝ်သေၼႆႉ မၼ်းတေၸဵဝ်းယဝ်ႉ ၼၼ်ႉၼႃႇ"

    "ၵဝ်ဢမ်ႇမီးၶၢဝ်းယၢမ်း တႃႇၵုိတ်းေသ လပ်ႉလဵၵ်းလူိဝ်ႈၼၼ်ႉၸိူင်ႉၼၼ်"

 မၼ်းၵေႃႈၸင်ႇဝူၼ်ႉဝႃႈ ပေႃးၵဝ်ၵုမ်ႇယူႇႁိမ်းၼႆႉသေ လၢတ်ႈၼေၵူၼ်းႁူဝ်ၶႅင်လိူဝ်ႈမႆႉၵေႃႉၼႆႉတေႉ ဢမ်ႇမီးလွင်ႈၽွၼ်းလီသင်ၼႆသေၸင်ႇၽၢတ်ႇဢွၵ်ႇ တီႈၼၼ်ႈ သိုပ်ႇၶၢဝ်းတၢင်းမၼ်းၵႂႃႇယဝ်ႉ။

ယွၼ်ႉသင်လႄႈၶႃႈလႆႈလၢတ်ႈလွင်ႈၼႆႉယွၼ်ႉမၼ်းၵဵဝ်ႇၵၼ် တၢင်းဢူၺ်းၵေႃႉႁဝ်းၶဝ် ဢၼ်ႁဵတ်းၵၢၼ်လူၼ်ႉလူၼ်ႉလိူဝ်လိူဝ်ၸိူဝ်းၼၼ်ႉယဝ်ႉ။

ဢူၺ်းၵေႃႉႁဝ်းၶဝ်ဢမ်ႇၸႂ်ႈၵူၼ်းလိူဝ်ႈမႆႉ ၵေႃႉၼၼ်ႉၼႆ ၶႃႈႁူႉယူႇ။ၵူၺ်းၵႃႈယွၼ်ႉၶႂ်ႈႁႂ်ႈ ဢူၺ်းၵေႃႉၶဝ်ႁူႉဝႃႈ ယႃႇပေႁဵတ်း မိူၼ်ၼင်ႇၵူၼ်းလိူဝ်ႈမႆႉၵေႃႉၼၼ်ႉလႄႈၶႂ်ႈၽၢင်ႉပၼ်။

         ၵူၼ်းလိူဝ်ႈမႆႉၼၼ်ႉ သင်မၼ်းလပ်ႉလဵၵ်းလိူဝ်ႈမၼ်းသေလိူဝ်ႈၼႆ မၼ်းတေယဝ်ႉလႆႈဝႆးၼႆ မၼ်းႁူႉယူႇၵေႃႈဢမ်ႇၵိုတ်းသေ သိုပ်ႇလိူဝ်ႈယူႇတိၵ်းတိၵ်းၼၼ်ႉယဝ်ႉ။ လိူဝ်ႈယူႇဢမ်ႇလႆႈ သမ်ႉပၢႆၸႂ်လမ်ပႃးထႅင်ႈ။

ဢူၺ်းၵေႃႉႁဝ်းၶဝ်ၵေႃႈ ၵုမ်ႇမၢင်ႉႁဵၼ်းၵၢၼ်ၵူၺ်း ၼင်ႇႁူိဝ်ၼႃႈၵၢၼ်တေဢွင်ႇမၢၼ်ထိုင်တီႈလႆႈၶႅမ်ႉၶႅမ်ႉလႅပ်ႈလႅပ်ႈ ၵႂႃႇၼၼ်ႉ ႁႃလဵပ်ႈႁဵၼ်းသွၼ်ဢဝ်ထႅင်ႈလႄႈၼႆၵေႃႈ သမ်ႉဝႃႈယွၼ်ႉဢမ်ႇမီးၶၢဝ်းယၢမ်း တႃႇႁႃလဵပ်ႈႁဵၼ်းၼႆယူႇ။

ဝၢႆးမႃးသမ်ႉ ၼေးၵၢမ်ႇဝႃႈ ၵၢမ်ႇႁၢႆႉၼႃႇ    ၸၼ်ႉၵေႃႈဢမ်ႇၶိုၼ်ႈ ငိုၼ်းလိူၼ်ၵေႃႈဢမ်ႇၶိုၼ်ႈသေပွၵ်ႈၼႆပေပွင်ႉယူႇ။ ၼင်ႇႁိုဝ် ၼမ်ႉၵတ်ႉၸဝ်ႈၵဝ်ႇတေတိူဝ်းမႃးၼၼ်ႉ လူလိၵ်ႈလႄႈၼႆၵေႃႈ ယွၼ်ႉဢမ်ႇမီးၶၢဝ်းယၢမ်းမၼ်းၼႆထႅင်ႈ။

ၽဝၵူၼ်းၵေႃႉဢၼ်လူလိၵ်ႈၶဝ်ၼႆႉၶဝ်တိုၼ်းၶိုၼ်ႈယႂ်ႇလိူဝ်သေ ၼိူဝ်ၵူၼ်းၵေႃႉ ဢၼ်ဢမ်ႇလူလိၵ်ႈၼၼ်ႉတၢင်းၼမ်ဢိူဝ်ႈ။

ဝၢႆးၼႆႉ မႂ်းဢမ်ႇလူလိၵ်ႈသွၵ်ႈႁႃလဵပ်ႈႁဵၼ်းႁူႉၸိုင် တိုၼ်တေလႆႈႁႅၼ်တူၺ်း ၵူၼ်းၸိူဝ်းမီးတၢင်းႁူႉသေယွင်ႈဢၢမ်းၸိူဝ်းၶဝ်လူလိၵ်ႈၼၼ်ႉဢမ်ႇႁၢင်ႉ။

 ၼင်ႇႁိုဝ် ဢူၺ်းၵေႃႉႁဝ်းၶဝ်တေၶိုၼ်ႈယႂ်ႇမီးၼမ်ႉၵတ်ႉၼၼ်ႉ ႁႃလဵပ်ႈႁဵၼ်းဢဝ် ယွၼ်ႉဢမ်ႇမီးၶၢဝ်းယၢမ်းၼႆ ၸဝ်ႈၵဝ်ႇ ႁဵတ်းၵေႃႈ ၸဝ်ႈၵဝ်ႇတေလႆႈၽွၼ်းလီမၼ်းၵူၺ်းလူးဝၢႆးမႃးယႃႇပေၼႄးပွင်ႉဝႃႈၸဝ်ႈၵဝ်ႇၵၢမ်ႇႁၢႆႉၼႆယူႇ။

ပေႃးဢႃႈသၢၵ်ႈယႂ်ႇယဝ်ႉယႃႇၼႅင်ၸႂ်ၵူၺ်းလႃႈ။ ဝူၼ်ႉဝႃႈလိၵ်ႈတွၼ်ႈၼႆႉ တေမီးၽွၼ်းလီတႃႇၵေႃႉယူႇၼႆ ယုမ်ႇယမ်ၼင်ႇၼႆ။

ပိၼ်ႇတႅမ်ႈ Aowm Hurn Hseng

ဢိင်- (Stephen Covery) 

"The 7 Hupits of Highly Effective People"