ပေၵိုတ်းလိုဝ်ႈၵၢၼ်လဵပ်ႈႁဵၼ်း

 

ၵၢၼ်ပၢႆးပိၺ်ႇၺႃႇၼႆႉ ႁဝ်းၵႃႈပေႉလူင်ႉလႅၼ်ႇၵႃႈႁိုဝ်ၵေႃႈယဝ်ႉ ႁူႉတၢၼ်ႇလႂ်ၵေႃႈယႃႇ တၢင်းႁူႉမႂ်ႇ လွင်ႈလႅၵ်ႈလၢႆႈဢွၵ်ႇမႂ်ႇ ဢၼ်ဝႃႈၼၼ်ႉတႄႉ မၼ်းတိုၼ်းဢွၵ်ႇမႃးယူႇၶိူဝ်းၶိူဝ်းယဝ်ႉ။

ၵွပ်ႈပိူဝ်ႈၼႆလႄႈ ၽူႈလူင်ႉလႅၼ်ႇ ၽူႈမီးပိုၼ်ႉႁူႉၶဝ်ၸင်ႇလၢတ်ႈဝႆႉဝႃႈ ၼႂ်းလုၵ်ႈလုမ်ႈၾႃႉလူင်ၼႆႉ ၵၢၼ်လဵပ်ႈႁဵၼ်းမၼ်း ဢမ်ႇမီးတီႈတိူၵ်ႈလႆႈၼႆဝႆႉယူႇ။

ၽူႈလူင်ႉလႅၼ်ႇၶဝ်ၼႆႉ ၶဝ်ဢမ်ႇတွၼ်ႉၵိုတ်းၵၢၼ်လဵပ်ႈႁဵၼ်းၶဝ်သေပွၵ်ႈ ယိုၼ်းလႆႈၵႃႈႁိုဝ်ၵေႃႈၶဝ်လဵပ်ႈႁဵၼ်းသွၼ်ဢဝ်ၵႃႈၼၢၼ်ႉယဝ်ႉ၊ မၢင်လွင်ႈထုၵ်ႇလီၽႅၼ်ၶၢဝ်းယၢမ်းသေႁဵၼ်းၵေႃႈမီးယဝ်ႉ ပေႃးၸိူင်ႉၼႆၵွၼ်ႇ တေဢမ်ႇတူၵ်းလိုၼ်းပိူၼ်ႈၵႂႃႇလႆႈၼၼ်ႉယဝ်ႉ။

သင်ဢမ်ႇၸႂ်ႈၸိူင်ႉၼၼ်ၸိုင် ၵုမ်ႇဝူၼ်ႉဝႃႈၵဝ်ၶႃႈၼႆႉလူင်ႉလႅၼ်ႇၼႃႇယဝ်ႉ ဢမ်ႇတၢပ်ႇလူဝ်ႇလဵပ်ႈႁဵၼ်းသွၼ်ဢဝ်သင်ထႅင်ႈၵေႃႈလႆႈၼႆၸိုင် ဝၼ်းၼိူင်ႈၸဝ်ႉၸဝ်ႉ တေတူၵ်းလိုၼ်းၵႂႃႇပႅတ်ႈဢမ်ႇႁၢင်ႉ၊ ယဝ်ႉထႅင်ႈတေလမ်းပိူၼ်ႈဢမ်ႇၶိုတ်းသေ ၵိုတ်းၵႂႃႇမိူၼ်ၼင်ႇၵူၼ်းတၢႆယူႇသေႇသေႇၼၼ်ႉၵူၺ်း။

တီႈလမ်ႇလွင်ႈထီႉသုတ်းတႄႉ မိူၼ်ၼင်ႇ ႁူဝ်ပၢၵ်ႇပီႊ 21 ၼႆႉ လွင်ႈလႅၵ်ႈလၢႆႈ လွင်ႈၶိုၼ်ႈယႂ်ႇၸိူဝ်းၼႆႉ မၼ်းလႅၵ်ႈလၢႆႈဝႆးႁႅင်းၼႃႇ။ ၵွပ်ႈၼႆ ၵၢၼ်သွၼ်ၵၢၼ်ႁဵၼ်းၼႆႉ ယႃႇပေၵိုတ်းယင်ႉပႅတ်ႈမွၵ်ႈၵႃႈၼၢၼ်ႉၵူၺ်း ပေႁၢၼ်ႉၸႂ်ၸွမ်း တၢင်းႁူႉမေႃၸဝ်ႈၵဝ်ႇသေ သမ်ႉမႅၼ်ယူႇ ၶတ်းၸႂ်ၵွင်ႉသၢၼ်ၽူႈမီးတၢင်းႁူႉ တီႈၸၢင်ႈလႆႈတၢင်းႁူႉ ၼင်ႇၵႃႈဝၵ်ႉတၢဝ်းႁႃလဵပ်ႈႁဵၼ်းႁူႉလႆႈၼၼ်ႉသေ သိုပ်ႇၶတ်းၸႂ်ထႅမ်သၢင်ႈႁုၼ်ႈမုၼ်းတၢင်းႁူႉမႂ်ႇသေႇသေႇၵၼ်ၵႂႃႇလႄႈၼႃႈ။

#ShanBooks #Read #Learn

#Never #Stop #Learning #Book