တၢင်းပဵၼ်လူင်ၼႆႉ လီဝူၼ်ႉႁႃလၢႆးယႃ

တၢင်းပဵၼ်လူင်ႁႃႈ (5)သႅၼ်း ၸူဝ်ႈၶၢဝ်းယၢမ်းပႆႇပူၼ်ႉ လီဝူၼ်ႉႁႃလၢႆးယႃ

(1)တၢင်းပဵၼ်မၢႆၼိုင်ႈ-"ပႆႇ"

ပိူင်ၽၢင်တၢင်းပဵၼ်    "ပႆႇ" မိူဝ်ႈၽုၵ်ႈၵွၼ်ႇၵႂႃႈ    "ပႆႇ" မိူဝ်ႈၽုၵ်ႈၸွင်ႇတေႇပၢင်မၼ်းၵႂႃႈ    "ပႆႇ" ဝႆႉၵမ်ႉၵွၼ်ႇလႄႈ ၼႆ    ၵမ်းလိုၼ်းတႄႉၵေႃႈ ၸပ်းတၢင်းပဵၼ်ဢၼ်    တၢင်းႁဵတ်းဢမ်ႇမိူၼ်တၢင်းလၢတ်ႈၼၼ်ႉၵူၺ်း။

လၢႆးယႃမၼ်းၸမ်ႉ

ၶေႃႈၵႂၢမ်းဢၼ်ဝႃႈ "ပႆႇ" ၼႆၼၼ်ႉ လႅၵ်ႈလၢႆႈပႅတ်ႈလႄႈ။ ၶႂ်ႈဢွင်ႇမၢၼ်ၸိူင်ႉပိူၼ်ႈႁႃႉ၊ လႆႈဢိူဝ်ႈ လႅၵ်ႈလၢႆႈတၢင်းဝူၼ်ႉၸဝ်ႈၵဝ်ႇၵမ်းလဵဝ်လႄႈ။

(2)တၢင်းပဵၼ်မၢႆသွင် "ယွၼ်ႉ"

ပိူင်ၽၢင်ႁၢင်ႈတၢင်းပဵၼ်    "ယွၼ်ႉ" ဢမ်ႇမီးၵူၼ်းၸွႆႈထႅမ်     "ယွၼ်ႉ" ၵိူတ်ႇမႃးဢမ်ႇပႃးၵၢမ်ႇ    "ယွၼ်ႉ" ပိူၼ်ႈၶႅၼ်ႇလိူဝ်ၵဝ်    "ယွၼ်ႉ" ပိူၼ်ႈမီးငိုၼ်းၼမ်လိူဝ်ၵဝ်ႁႄ    သမ်ႉလႆႈၶိုၼ်ႈႁူင်းႁဵၼ်းလီလီ        "ယွၼ်ႉ" ၽူၼ်မႃးလႄႈ ဢမ်ႇပဵၼ်ၵၢၼ်    တႄႇၵႂႃႇၸိူဝ်းၼႆႉ မေႃဢဝ်ႁဵတ်းၼႃႈတိူဝ်ႈမၼ်းသေလၢတ်ႈ။

လၢႆးယႃမၼ်းၸမ်ႉ

တွင်းဝႆႉၶေႃႈၵႂၢမ်းၽူႈမၢၵ်ႈလူင်(Bill Gates)    ဝႃႈၼၼ်ႉလႄႈ မၼ်းဝႃႈ    "ဢၼ်သူၵိူတ်ႇမႃးလူၺ်ႈတၢင်းၽၢၼ်ၼၼ်ႉ    ဢမ်ႇၸႂ်ႈတၢင်းၽိတ်း ၵူၺ်းၵႃႈ    ပေႃးသူတၢႆၵႂႃႇလူၺ်ႈတၢင်းၽၢၼ်တႄႉ    ပဵၼ်တၢင်းၽိတ်းသူယဝ်ႉ" ၼႆဝႃႇ။

ပုၼ်ႈၽွၼ်းၸဝ်ႈၵဝ်ႇ ၸဝ်ႈၵဝ်ႇႁၢပ်ႇဢဝ်ၵူၺ်းလႄႈ။    ယႃႇပေၵုမ်ႇၵႂႃႇႁႃၼႃႈတိူဝ်ႈ လွင်ႈဢၼ်    ၸဝ်ႈၵဝ်ႇပႆႇဢွင်ႇမၢၼ်ၼၼ်ႉမႃးလၢတ်ႈယူႇ။    ပေႃးၶတ်းၸႂ်ႁဵတ်းၵႂႃႇမႅၼ်ႈၸွမ်းလၢႆးမၼ်းၸိုင်တိုၼ်းဢွင်ႇမၢၼ်လႆႈယူႇ။    ယႃႇၵုမ်ႇဝႃႈ"ယွၼ်ႉ"ၼႆယူႇၵူၺ်း     လုၵ်ႉႁဵတ်းႁႂ်ႈမၼ်း"ယဝ်ႉ"လႄႈ။

(3)တၢင်းပဵၼ်မၢႆသၢမ် "ပႂ်ႉ"

ပိူင်ၽၢင်ႁၢင်ႈတၢင်းပဵၼ်    "ပႂ်ႉ" ႁႂ်ႈၶႅမ်ႉလႅပ်ႈသေၵွၼ်ႇ    "ပႂ်ႉ" ႁႂ်ႈမီးငိုၼ်း    "ပႂ်ႉ" ႁႂ်ႈမီးဢၼ်ၼၼ်ႉဢၼ်ၼႆႉ သေၵွၼ်ႇ    ၸွင်ႇၵွႆႈၶိုင်ၶႅမ်ႉၶႅမ်ႉၵႂႃႈ ၼႆ    ၵမ်းလိုၼ်းတႄႉၵေႃႈ ဢမ်ႇၶႅမ်ႉလႅပ်ႈလႆႈသေဢၼ်။    ၵုမ်ႇ"ပႂ်ႉ" ယူႇတိၵ်းတိၵ်းၵူၺ်း    လွင်ႈၶိုပ်ႈၼႃႈၸဝ်ႈၵဝ်ႇတႄႉ ပႆႇႁၼ်တူင်ႉတီႈ။

လၢႆးယႃမၼ်းၸမ်ႉ

ငၢႆႈငၢႆႈဢွၼ်ႇၵူၺ်း ၵႃႈၶၢဝ်းယၢမ်းတိုၵ်ႉမီး    ဝတ်ႉတိၵ်းတိၵ်းလႃႈ ယႃႇ"ပႂ်ႉ"သင်ၼၼ်ႉယဝ်ႉ။

(4)တၢင်းပဵၼ်မၢႆသီႇ-"ယိုဝ်ႈယိုတ်း ဢမ်ဢိုတ်း"

ၽၢင်ႁၢင်ႈတၢင်းပဵၼ်ပိူၼ်ႈၵႆႉဝႃႈ"ၽူႈဢွင်ႇမၢၼ်ၶဝ်ၵမ်ႈၼမ်ၼႆႉ    မေႃတႅပ်းတတ်းဝႆး၊ ၸႂ်သမ်ႉလႅၵ်ႈလၢႆႈယၢပ်ႇ"ၼႆဝႃႇ။(ၸိူင်ႉၼင်ႇဝႃႈ ၵႃႈၶဝ်ပႆႇလႆႈ ၶၢဝ်ႇငၢဝ်း    Information မၼ်းလီလီငၢမ်းငၢမ်း ၼၼ်ႉၼႃႇ)ၽူႈဢွင်ႇမၢၼ်ၵမ်ႉဢေႇတႄႉ တႅပ်းတတ်းထိူင်းၸႂ်သမ်ႉလႅၵ်ႈလၢႆႈဝႆး။

   မိူဝ်ႈၼႆႉလိူၵ်ႈဝႆႉဢၼ်ၼႆႉ၊    မိူဝ်ႈၽုၵ်ႈသမ်ႉပေႃးၶႂ်ႈလႆႈထႅင်ႈဢၼ်ပုၼ်ႉၼႆ    လႅၵ်ႈလၢႆႈဝႆးၸိူင်ႉၼႆ။ မိူဝ်ႈၼႆႉတႅပ်းတတ်းဝႆႉဝႃႈ    တေႁဵတ်းဢၼ်ၼႆႉ ႁိူဝ်ႇ....မိူဝ်ႈၽုၵ်ႈသမ်ႉပေႃးဝႃႈတေႁဵတ်းထႅင်ႈဢၼ်ၼိုင်ႈယဝ်ႉ။မိူဝ်ႈၼႆႉၶႂ်ႈပဵၼ်ၵူၼ်းလဵၼ်ႈႁႅင်း(မိူၼ်ၼင်ႇၵူၼ်းပိတ်ႉမၢၵ်ႇၼင်ၶဝ် ၵူၼ်းလဵၼ်ႈႁႅင်းၵူႈၸိူဝ်းၸိူဝ်း)ႁႄ မိူဝ်ႈၽုၵ်ႈသမ်ႉပေႃးဝႃႈၶႂ်ႈပဵၼ်ၵူၼ်းႁဵတ်းၵၢၼ်ပၢႆးမၢၵ်ႈမီးၼႆယဝ်ႉ။ၵမ်းလိုၼ်းမႃးတႄႉၵေႃႈ ဢၼ်လႂ်ဢမ်ႇပဵၼ်ဢၼ်လႂ်ႁႄ ၸၢင်ႈႁၢႆလၢႆၵႂႃႇၼႂ်းၵေႈၼႂ်းၵၢင်မၼ်းဢိူဝ်ႈ။ပေႃးၸိူင်ႉၼႆ ဢၼ်လႂ်ၵေႃႈၶဝ်တေဢမ်ႇတႅတ်ႈတေႃး။ယွၼ်ႉၼၼ်ၶဝ်ၸိူဝ်းၼႆႉ တီႈလႂ်သေဢမ်ႇဝႃႈ ဢမ်ႇဢဝ်ႁဵတ်းပဵၼ်လႆႈ တီႈယိူင်းဢၢၼ်းပိူင်လူင် Focus လႆႈ။

   ၶႂ်ႈဝႃႈဢမ်ႇလႅၵ်ႈလၢႆႈလႆႈၶေႃႈယိူင်းဢၢၼ်းၼႆႁ ၼႆတႄႉၵေႃႈ ဢမ်ႇၸႂ်ႈၼင်ႇၵဝ်ႇ။တၢင်းယိူင်းဢၢၼ်းႁဝ်း လၢႆႈလႆႈယူႇ။ၸိူင်ႉၼင်ႇဝႃႈ ၽွင်းတိုၵ်ႉယိူင်းၸူးဢၼ်ၼိုင်ႈသေၶတ်းၸႂ်ယူႇၼၼ်ႉ သင်သမ်ႉႁၼ်ထႅင်ႈဢၼ်ၼိုင်ႈႁႄ "ဢၼ်ၼႆႉလႅပ်ႈၶႅမ်ႉလိူဝ်ႈဢိူဝ်ႈ"ၼႆသေ မိူဝ်ႈၼႆႉႁဵတ်းဢၼ်ၼႆႉ မိူဝ်ႈၽုၵ်ႈႁဵတ်းဢၼ်ပုၼ်ႉ ၼႆယႃႇပေႁဵတ်းၸိူင်ႉၼႆၵႂႃႈၶႂ်ႈဝႃႈတႄႉ။    လၢတ်ႈတီႈသိုဝ်မၼ်းၵေႃႈ ယႃႇပေယိုဝ်ႈယိုတ်း    ဢမ်ဢိုတ်းၼႆၼၼ်ႉၼႃႇ။

လၢႆးယႃမၼ်းၸမ်ႉ

ႁဝ်းၶႂ်ႈလႆႈသင်၊ၶႂ်ႈပဵၼ်သင်တေႉတေႉၼႆဝူၼ်ႉလီလီ၊ပေႃးယဝ်ႉ ႁဵတ်းႁႂ်ႈမၼ်းထိုင်တီႈလႄႈ။

(5)တၢင်းပဵၼ်မၢႆႁႃႈ "မေႃယွမ်းၵၢၼ်ႉငၢႆႈငၢႆႈ"

ပိူင်ၽၢင်ႈႁၢင်ႈမၼ်းပေႃးႁၼ်တၢင်းယၢပ်ႇမႃးဢိတ်းၼိုင်ႈၵေႃႈပၼ်သုမ်းႁႄ။ပေႃးႁၼ်ပၼ်ႁႃမႃးဢိတ်းၼိုင်ႈၵေႃႈ ႁူၼ်လင်ပႅတ်ႈႁႄ။    ၶႂ်ႈပဵၼ်ၵူၼ်းတႅမ်ႈလိၵ်ႈတႅမ်ႈလိၵ်ႈမွၵ်ႈႁႄပၢတ်ႈၼိုင်ႈယဝ်ႉတၢင်ႇတူၺ်း"ဢႃ....ၽႂ်တမ်ႉဢမ်ႇလူလူင်"ၼႆသေတေယွမ်းၵၢၼ်ႉပႅတ်ႈႁ?ၶႂ်ႈပဵၼ်ၽူႈမၢၵ်ႈလူင်ၼႆလူလိၵ်ႈဢွၼ်ႇမွၵ်ႈၼိုင်ႈပပ်ႉႁႄတေႇၵၢၼ်တူၺ်း။ၽိူဝ်ႇႁၼ်ပၼ်ႁႃမႃးဢိတ်းၼိုင်ႈၵူၺ်း ပေႃးဢမ်ႇႁဵတ်းယဝ်ႉဝႃႇ။

"ၶႂ်ႈမၢၵ်ႈမီးဢိူဝ်ႈ၊ၶႂ်ႈမီးႁူင်းၵၢၼ်ႁင်းၵူၺ်းဢိူဝ်ႈၼႆ မေႃဝႃႈၼႆႁႄၼင်ႇၵဝ်ႇ။ၽိူဝ်ႇမႃးဝတ်ႉတူၺ်း ဢမ်ႇငၢႆႈၼင်ႇထၢင်ႇဝႆႉလႄႈၶႂ်ႈပၼ်သုမ်းႁႄယဝ်ႉ။    ပေႃးတူၺ်းတၢင်းယိူင်းဢၢၼ်းၶဝ်တႄႉထူၼ်ႈယဝ်ႉ။ၵူၺ်းၵႃႈ ၸႂ်ၶဝ် တၢင်းႁဵတ်းသၢင်ႈၶဝ်သမ်ႉ ဢမ်ႇယႂ်ႇသုင်ၶိုတ်းလႆႈတၢင်းယိူင်းဢၢၼ်းၶဝ်။

လၢႆးယႃမၼ်းၸမ်ႉ

ယိပ်းၵမ်ဝႆႉတၢင်းၶတ်းၸႂ် ဢၼ်ဢမ်ႇႁူၼ်လင်(Persistence)ၸဝ်ႈၵဝ်ႇၼၼ်ႉမၼ်ႈမၼ်ႈလႄႈ။ သင်ဝႃႈ ၸဝ်ႈၵဝ်ႇယုမ်ႇယမ်ဝႃႈ ၶေႃႈတႅပ်းတတ်းၸဝ်ႈၵဝ်ႇမၢၼ်ႇမႅၼ်ႈယူႇၸိုင် ယႃႇႁူၼ်လင်ယဝ်ႉ။သင်ဝႃႈလႃးလႃးဢမ်ႇပဵၼ်ၵၢၼ်ၵွၼ်ႇၸွင်ႇၵွႆႈလႅၵ်ႈလၢႆႈလႄႈ။ၵႃႈပႆႇထိုင်တီႈယိူင်းမၢႆ ၶတ်းၸႂ်လႄႈယႃႇႁူၼ်လင်။

 ၼႆႉတႄႉလၢတ်ႈၼႄၵႂႃႇ တၢင်းပဵၼ်လူင်(5)မဵဝ်း ဢၼ်ၵူၼ်းႁဝ်းၵႆႉပဵၼ်ၼမ်ၼၼ်ႉယဝ်ႉ။လၢႆးယူတ်းယႃမၼ်းၵေႃႈလၢတ်ႈၼႄၵႂႃႇယဝ်ႉ။လိူၵ်ႈဢဝ်ၶေႃႈဢၼ်ၵိုင်ႇငၢမ်ႇတင်းၸဝ်ႈၵဝ်ႇႁႄဢဝ်ၸႂ်ႉတိုဝ်းၵႂႃႇလႆႈယူႇ။

သင်ဝႃႈမီးၽွၼ်းလီၼႆ ၸွႆႈ Share ပၼ်ၼမ်ၼမ်ၶႃႈ။ၼႆႉၼင်ႇႁိုဝ်ဢူၺ်းၵေႃႉႁဝ်းပေႃးတေႁူႉ မႆႈၸႂ်ၵွပ်ႈၵူဝ်ဝႃႈၶဝ်တေၸပ်းပဵၼ်ဢၼ်ၼႆႉ သမ်ႉပႆႇႁူႉတူဝ်ၼၼ်ႉဢေႃႈ။ ယွၼ်းသူးပၼ် ႁႂ်ႈၽူႈလူလိၵ်ႈၶဝ်လွတ်ႈၵၢင်းတၢင်းပဵၼ်လူင်ႁႃႈမဵဝ်းၼႆႉသေ။

ပိၼ်ႇတႅမ်ႈ- #ဢွင်ႇသႅင်(သီႇပေႃႉ)