မေႃသွၼ်ဢၼ်လုၵ်ႈႁဵၼ်းၶဝ်လႆႈၸႂ်

• မေႃမိုတ်ႈၵိုဝ်း 

 မေႃသွၼ်ဢၼ်မေႃမိုတ်ႈၵိုဝ်းၼႆႉ တေပဵၼ်ၵေႃႉ ဢၼ်မေႃယုမ်ႉယၢႆႈတေႃႇလုၵ်ႈႁဵၼ်း၊ ဢမ်ႇဝႆႉၼႃႈ ၶဵင်ႈၶႅင် လႄႈ ဢမ်ႇဝႆႉမႃႇၼ။    •  ဢမ်ႇဝႆႉတူဝ်ၶဝ်သုင် သေလုၵ်ႈႁဵၼ်း၊ ၵပ်းသိုပ်ႇလုၵ်ႈႁဵၼ်းမိူၼ်ၼင်ႇ ဢူၺ်းၵေႃႉလီၵၼ်၊ လွင်ႈၼႆႉတေႁဵတ်းႁႂ်ႈ လုၵ်ႈႁဵၼ်း ၶဝ်မူၼ်ႈၸွမ်းလွင်ႈ မုတ်ႈၵိုဝ်းႁဝ်းသေ ၸင်ႈႁဵၼ်းဢဝ် လိၵ်ႈလႅတ်းၽႂ်းယူႇ။ 

• မေႃမူၼ်ႈ

 မေႃသွၼ်ၼိုင်ႈၵေႃႉၼႆႉ တႃႇႁႂ်ႈလုၵ်ႈႁဵၼ်းၶဝ် တေမူၼ်ႈသိူဝ်းသေ တေၶဝ်ႈၸႂ်လွင်ႈသွၼ်လိၵ်ႈၵႂႃႇၼၼ်ႉ လူဝ်ႇမေႃႁဵတ်းႁႂ်ႈၶဝ်ႁုၼ်ႉၶူဝ်ယူႇယဝ်ႉ၊၊    သင်ႁဝ်းယူႇမိုင်ဝႆႉၸိုင် ၸႂ်ၶဝ်ၵေႃႈတေဢမ်ႇမူၼ်ႈ ပေႃးၸႂ်ဢမ်ႇမူၼ်ႈယဝ်ႉၵေႃႈ၊ ၸႂ်ၶဝ်တေပိဝ်သေ မေႃသွၼ်လၢတ်ႈသင်ၵေႃႈ တေဢမ်ႇၶဝ်ႈၸႂ်ယဝ်ႉ။ မေႃသွၼ်လူဝ်ႇႁႂ်ႈမေႃလၢတ်ႈႁႂ်ႈၶဝ်မူၼ်ႈသိူဝ်းၽွင်ႈယူႇ။

• ဝႆႉၼႃႈယုမ်ႉ       

 ပဵၼ်မေႃသွၼ်ယိင်းၵေႃႈလီ၊ မေႃသွၼ်ၸၢႆး ၵေႃႈလီ၊ တေလႆႈၶတ်းၸႂ်ယုမ်ႉတေႃႇလုၵ်ႈႁဵၼ်းၶဝ်၊ ၼႆႉတေႁဵတ်းႁႂ်ႈပၢႆးဝူၼ်ႉ ဢၼ်လီလီၶဝ်ႈၼႂ်းၸႂ်ၼႂ်းတူဝ်ၶဝ်မႃး၊ ပေႃးၽၢႆႇဝူၼ်ႉလီ (Positive) မၼ်းၶဝ်ႈ မႃးယဝ်ႉၵွၼ်ႇ ႁဵတ်းသင်ၸင်ႇတေထိုင်တီႈလႆႈဢိူဝ်ႈ။ ယွၼ်ႉၼၼ် လူဝ်ႇလႆႈၽိုၵ်းယုမ်ႉ၊ တိုၼ်းလူဝ်ႇမေႃ ယုမ်ႉၵူႈမေႃသွၼ်ယူႇ။ 

• မေႃဢွၼ်လဵၼ်ႈ 

   ႁႂ်ႈလုၵ်ႈႁဵၼ်း ေပႃးေတမီးပၢႆးယူႇလီၸႂ်၊ တူဝ် ၸၵႂႃႇၸိူဝ်းၼႆႉ ၊ လဵၼ်ႈၵဵမ်းေၵႃႈလီ လဵၼ်ႈမၢၵ်ႇၼင်၊ မၢၵ်ႇသွင်းဝၢႆ ေၵႃႈလီၸိူဝ်းၼႆႉ သင်ၶူးသွၼ်၊ ေမႃသွၼ် ဢွၼ်လဵၼ်ၸိုင်ႈ လုၵ်ႈႁဵၼ်းၵူႈေၵႃႉၼႆႉ၊ ၶႂ်ႈႁႂ်ႈၶူးသွၼ် ေမႃသွၼ်ၶဝ်ႁၼ်ၼမ်ႉၵတ်ႉလွင်ႈလဵၼ်ႈၶဝ်ၼၼ်ႉႄလႈ ၼႂ်းၸႂ်ၶဝ် ၵေႃႈေတသိူဝ်း၊ တင်းလဵၼ်ႈၸိူဝ်းၼႆႉေၵႃႈ တေႁၼ်ၶဝ်ၶတ်းၸႂ်လဵၼ်ႈၵႂႃႇယူႇ။

လူပ်းလင် လုၵ်ႈႁဵၼ်းတေတုၵ်ႉႁိုဝ်တေသိူဝ်း၊ လုၵ်ႈႁဵၼ်းတေ ၶိုၼ်ႈယႂ်ႇႁိုဝ်တူၵ်းတႅမ်ႇ၊ တေၵတ်ႉၶႅၼ်ႇႁိုဝ် တေၺၢမ်ႉ ၼၼ်ႉ ဢမ်ႇယူႇတီႈလုၵ်ႈႁဵၼ်းမၼ်း၊ ယူႇတီႈမေႃသွၼ် ၶဝ်တင်းပိုၵ်းယဝ်ႉ။ ယွၼ်ႉၼၼ် ႁႂ်ႈမေႃသွၼ်ၵူႈၵေႃႉ ပဵၼ်တူဝ်ယၢင်ႇလီ တႃႇလုၵ်ႈႁဵၼ်းၶဝ်ၵူႈၵေႃႉလႄႈ ႁႂ်ႈပဵၼ်ၶူးသွၼ် မေႃသွၼ်၊ ဢၼ်လုၵ်ႈႁဵၼ်းႁၵ်ႉသေ ၵမ်း။         

 ပိၼ်ႇတႅမ်ႈ >>>>>  ဢႃႇလေႃးၵ = ၶိူဝ်းလႅင်း ၽိုၼ်ဢိင် - ၵၢၼ်ၸတ်းပွင်ႁူင်းႁဵၼ်းလူၺ်ႈ ၵၢၼ်ၸိူဝ်ႉၶိူဝ်း