ယွၼ်းႁႂ်ႈသူပွင်ႇၸႂ်

    

လိၵ်ႈ မၢင်ဢၼ် တေသွၼ်ပၼ်ႁႂ်ႈႁဝ်း ဢိူဝ်ႈ မၢင်ဢၼ် တေသွၼ်ပၼ်ႁႂ်ႈႁဝ်း ဢေႃႈ မၢင်ဢၼ် တေသွၼ်ပၼ်ႁႂ်ႈႁဝ်း ၸႂ်လဵၵ်ႉ မၢင်ဢၼ် တေသွၼ်ပၼ်ႁႂ်ႈႁဝ်း ယုမ်ႉ မၢင်ဢၼ် တေသွၼ်ပၼ်ႁႂ်ႈႁဝ်း မီးႁႅင်း မၢင်ဢၼ် တေသွၼ်ပၼ်ႁႂ်ႈႁဝ်း ၵႅၼ်ႇၶႅင်မၢင်ဢၼ် တေသွၼ်ပၼ်ႁႂ်ႈႁဝ်း ဝူၼ်ႉ မၢင်ဢၼ် တေသွၼ်ပၼ်ႁႂ်ႈႁဝ်း လႅၵ်ႈလၢႆႈၸႃႉၵႂႃႇ 

လိၵ်ႈတင်းမူတ်း တီႈဢၼ်သူမေႃလိူၵ်ႈလႄႈ ၶဝ်ႈၸႂ် သႂ်ႇၸႂ်လူၼၼ်ႉ တေပဵၼ်ၶူးသွၼ်လီလီ ဢၼ်တေဢမ်ႇတွၼ်ႉယၢမ်ႈ ပေႃႉႁႅမ်တဵၵ်းၸႂ်ႉ မိူၼ်ၼင်ႇၼႂ်းႁူင်းႁဵၼ်း မၢင်ဢၼ် သူၼ်းဢီးႁႂ်ႈ သူပူၼ်ႉၸၼ်ႉသုတ်းပပ်ႉလၢႆလၢႆသေ ဢမ်ႇပၼ် ၼမ်ႉတွၼ်းသင်ၼၼ်ႉၵူၺ်းၼႆ ယွၼ်းႁႂ်ႈသူပွင်ႇၸႂ်။

ၵေႃႉပိၼ်ႇတႅမ်ႈတီႈၵူၼ်းမေႃဢွၵ်ႇပၢႆးဝူၼ်ႉ ပိၼ်ႇတႅမ်ႈ ပဵၼ်လိၵ်ႈတႆး သေႁႂ်ႈႁဝ်းပေႃးလႆႈလူၼၼ်ႉ တိုၼ်းပဵၼ်ၶူးမေႃသွၼ်ဢၼ်တႅၵ်ႈၼိူင်းဢမ်ႇလႆႈၼၼ်ႉၵေႃႉၼိုင်ႈၼႆပေလိုမ်းဝူၼ်ႉႁၼ် ပႃးၵေႃႈယဝ်ႉၼႃႈ

လိၵ်ႈပိၼ်ႇၵူၺ်း ဢမ်ႇၸိုဝ်ႈတၢင်းဝူၼ်ႉၸဝ်ႈပၢႆၵမ်ၼႆၵေႃႈ ယႃပေဝူၼ်ႉ ယွၼ်ႉဝႃႈၽူႈပိၼ်ႇလိၵ်ႈတႆး ဢမ်ႇၸိုဝ်ႈဝႃႈမီးပိူင်ပိၼ်လိၵ်ႈယဝ်ႉသေၸႂ်ႉၶိူင်ႈပိၼ်ႇၸွႆႈလႄႈတဵမ်ထူၼ်ႈ ၵႂႃႇၵမ်းသိုဝ်ႈဢမ်ႇၸိုဝ်ႈ။

ယွၼ်ႉလႆႈ ၸႂ်ႉပၢႆးဝူၼ်ႉ ဢွၵ်းဢေႃဢွၼ်ႇသေ ပိၼ်ႇပဵၼ်လိၵ်ႈႁဝ်းမႃး ႁႂ်ႈပေႃးလႆႈၼၼ်ႉ ၼမ်ႉၵတ်ႉၼၼ်ႉ ၵူၼ်းမၢင်ၵေႃႉ ႁဵတ်းပဵၼ်လႆႈယူႇ ၵူၺ်းၵႃႈၶဝ်ဢမ်ႇႁဵတ်း မီးၼမ်ႉၵတ်ႉၼႆႉႁႃတီႈဝႃႈဢမ်ႇသုတ်းလႆႈၼႆ ယွၼ်းႁႂ်ႈသူပွင်ႇၸႂ်။ 

ယွၼ်ႉဝႃႈ ၽူႈပိၼ်ႇလိၵ်ႈ ၵူႈၵေႃႉၶတ်းၸႂ် ထႅမ်တၢင်းႁူႉတူဝ်ၵဝ်ႇယူႇ သေဢမ်ႇၵႃး ဝူၼ်ႉသွၼ်ႇပၼ်ပႃး ၸိူဝ်းဢၼ်သွၵ်ႈႁႃ တၢင်းႁူႉ ၼင်ႇၼႂ်းၵၢပ်ႈပၢၼ် IT ၶိုတ်းၶၼ်ၼင်ႇၼႆ ႁႂ်ႈပဵၼ်ဝႃႈ "ႁူႉပိူၼ်ႈ ႁူႉႁဝ်း လႆႈသဝ်းၵတ်းယဵၼ်" ဢမ်ႇၼၼ်  " ႁူႉႁဝ်း ႁူႉပိူၼ်ႈ ပဵၼ်ငူိၼ်ႈၶုိၼ်ႈယႂ်ႇ" ၼႆသေ ၶဝ်ၸင်ႇယုၵ်ႉဢဝ်ၼမ်ႉၵတ်ႉ လႄႈၶၢဝ်းယၢမ်း ၼင်ႇတီႈ ၶဝ်မီးၼၼ်ႉသေ ဢဝ်ပဵၼ်လိၵ်ႈၽၢၵ်ႇတွၼ်ႈပၼ် ၽူႈၸိူဝ်းဢၼ်သူင်လူလိၵ်ႈၼႆ ယွၼ်းႁႂ်ႈသူပွင်ႇၸႂ်။

 ၽူႈတႅမ်ႇလိၵ်ႈ ၼႆႉၵေႃႈပဵၼ်ဢၼ် လႆႈသႂ်ႇဢဵၼ်သႂ်ႇႁႅင်းတၢင်းဝူၼ်ႉ ၼမ်တိူဝ်းယူႇ ယွၼ်ႉဝႃႈ ၶဝ်ၸႂ်ႉတၢင်းဝူၼ်ႉၸဝ်ႈၵဝ်ႇတီႈၶဝ်ယၢမ်ႈ လႆႈလူမႅၼ်ႈ တူဝ်ထူပ်း တႃႁၼ်မႃးၼႂ်းငဝ်းလၢႆးယၢမ်းလဵဝ် ထုၵ်ႇလီပဵၼ်ႁိုဝ်ၼႆသၸိူၼ်ႇၶတ်းၸႂ်တႅမ်ႈပဵၼ်လိၵ်ႈဢၼ်ၶႂ်ႈယိုၼ်ႈတွၼ်ႈၽၢၵ်ႇပၼ် ၽူႈလူလိၵ်ႈၼႆ ယွၼ်းႁႂ်ႈသူပွင်ႇၸႂ်။

ၵေႃႉပၼ်ႁႅင်း ၼႆႉပဵၼ်ဢၼ် ဢမ်ႇမီးဢမ်ႇပဵၼ်တွၼ်ႈတႃႈ ၽူႈသူင်ပိၼ်ႇတႅမ်ႈလိၵ်ႈယႂ်ႇယႂ်ႇလူင်လူင်ဢၼ်ၼိုင်ႈ ၶတ်းၸႂ်လၢတ်ႈယူႇဢမ်ႇမီးၵေႃႉထွမ်ႇ ၊ ၶတ်းၸႂ်တႅမ်ႈယူႇ ဢမ်ႇမီးၵေႃႉလူၼႆ ၵေႃႈၼင်ႇၼၼ်" ပိၵ်ႉသမ်ႉၼႂ်းၸႂ်ၽူႈတႅမ်ႈလိၵ်ႈ လၢတ်ႈဝႃႈ ထိုင်တီႈဢမ်ႇမီးၽႂ်လူယဝ်ႉၵေႃႈ ယင်းတိုၵ်ႉတေသိုပ်ႇတႅမ်ႈယူႇ" ၼႆသေတႃႉ လိုၵ်ႉလိုၵ်ႉတႄႉ လွမ်မုင်ႈမွင်းၵေႃႉ ပၼ်ႁႅင်းယူႇ မိူၼ်ၼင်ႇသူမုင်ႈမွင်းၶေႃႈၵႂၢမ်းဢၼ်ဝႃႈ "သူႁၢင်ႈလီၵျႃႉ! သူလီႁၵ်ႉထူၼ်ႈ!"ၼႆ ယွၼ်းႁႂ်ႈသူပွင်ႇၸႂ်။

 ၵူၼ်းၵေႃႉလီႁၵ်ႉ တႄႉ"ၼႆႉ ပိုၼ်ႉႁူႉပၢႆးႁၼ်လႄႈ ၸႂ်ဢွၼ်ႇၶဝ်ၼၼ်ႉတိုၼ်းမေႃပၼ်ႁႅင်းတူဝ်ၵဝ်ႇဢမ်ႇၵႃး တိုၼ်းမေႃယုၵ်ႉယွင်ႈၸွႆႈထႅမ် ပိူၼ်ႈပႃး တီႈၶဝ်ႁူႉႁၼ်တိုၼ်းသိုပ်ႇၶႂ်ႈယိုၼ်ႈပၼ် ႁႂ်ႈၵူၼ်းတင်းၼမ်ႁူႉႁၼ် မေႃႁူမ်ၸူမ်းယုၵ်ႉယွင်ႈၸွႆႈထႅမ် ပိူၼ်ႈလႄႈလိၵ်ႈဢၼ်ၶဝ်လႆႈၸႂ်ၼၼ်ႉ ၶဝ်တိုၼ်းသိုပ်ႇ Share, Like ပၼ်ပိူၼ်ႈႁူႉႁၼ်ၸွမ်းယဝ်ႉၼႆပေႃးဢမ်ႇယုမ်ႇ တူၺ်းဢဝ်ၵူၼ်းၵေႃႉသိုပ်ႇပိုၼ်ၽႄႈလိၵ်ႈၽိုၼ်ၼႆႉလႄႈ ဝႃႈတိုၼ်းလီႁၵ်ႉမွၵ်ႈၵႃႈႁိုဝ်ၼိုင်ႈၼႆ။

ၸိူဝ်းၼႆႉယဝ်ႉ ဢၼ်ၶႂ်ႈ ယွၼ်းႁႂ်ႈသူပွင်ႇၸႂ်.........😍 

    တႅမ်ႈ #J1Hurng ဝၼ်းႁိူင်း(သီႇပေႃႉ)

^^^^^^^^^^^^^^^^^^^^^^^^^^^^^^^^^^^^^^^^^^^^