တီႈပွင်ႇ မိၵ်ႈမၢႆၼူၵ်ႉႁုင်ႉ လႄႈ ၵူၼ်းၶိူဝ်း ဢမေႇရိၵၢၼ်ႇ

မီးၼင်ႇပွၵ်ႈ႞ ၼူၵ်ႉႁုင်ႉမႄႈဢွၼ်ႇတူဝ်႞ ၼူၵ်ႉမႄႈၼၼ်ႉ ၸွမ်းသွၵ်ႈႁႃတူၼ်ႈမႆႉလူင် ၸွမ်းသၼ်လွႆ

တွၼ်ႈတႃႇတေၶႆႇသေငွမ်းလႆႈလုၵ်ႈမၼ်းယူႇ။ ၼႂ်းၵႃႈတူၼ်ႈမႆႉၼၼ်ႉသမ်ႉ လိူၵ်ႈႁႃတူၼ်ႈဢၼ်သုင်သုတ်းလိူဝ်ပိူၼ်ႈသေ ၶူင်ႁဵတ်းႁၢင်းႁိူၼ်းတႃႇၶႆႇယူႇ။ ၼူၵ်ႉတေႇ ႁဵတ်းႁၢင်းတီႈၼိူဝ်ၵိင်ႇမႆႉ ဢၼ်ယႂ်ႇ ဝႂ်သုမ်ႇၶိုၵ်ႉလိုၵ်ႉလီၼၼ်ႉယူႇ။ တီႈၼႂ်းႁၢင်းၼၼ်ႉ တေႃႉဢဝ်ဝႂ်မႆႉႁႅင်ႈ မႃးသႂ်ႇသေ။ ၵမ်းၼၼ်ႉသမ်ႉ ဢဝ်သူပ်းၶိုၼ်းထူၺ်ႈဢဝ်ၶူၼ်ၼုမ်ႇ တူဝ်ၵဝ်ႇမၼ်းသေ သိူဝ်ႇႁၢင်ႈဝႆႉထႅင်ႈယဝ်ႉ ၸင်ႇၶႆႇ လုၵ်ႈမၼ်း သႂ်ႇၼႂ်းႁၢင်းၼၼ်ႉယူႇ။ ၵွၺ်းမၼ်းဢမ်ႇၶႆႇ ၼမ်၊ ၵွၺ်းၶႆႇဢဝ် 1 လုၵ်ႈ 2 လုၵ်ႈမွၵ်ႈၼႆႉၵွၺ်း။ ၵမ်းၼၼ်ႉ သမ်ႉၼူၵ်ႉမႄႈၼၼ်ႉ ၸင်ႇငွမ်းၶႆႇၸိူဝ်းၼၼ်ႉယဝ်ႉ။

ထိုင်ၶၢဝ်းမၼ်းမႃးယဝ်ႉၼႆ ၼူၵ်ႉႁုင်ႉဢွၼ်ႇဢၼ်ယူႇၼႂ်း ၶႆႇၼၼ်ႉ ၵေႃႈတႅၵ်ႇဢွၵ်ႇမႃးယူႇယဝ်ႉ။ ႁုင်ႉမႄႈ ၸင်ႇၵႂႃႇသွၵ်ႈႁႃ တၢင်းၵိၼ်တၢင်းယႅမ်ႉမႃး လဵင်ႉႁုင်ႉဢွၼ်ႇၸိူဝ်းၼၼ်ႉယဝ်ႉ။ ၽွင်းမိူဝ်ႈၶူၼ်ၼုမ်ႇၼူၵ်ႉႁုင်ႉဢွၼ်ႇ ဢွၵ်ႇမႃးယဝ်ႉၼၼ်ႉ ႁုင်ႉမႄႈၼၼ်ႉၸင်ႇဢဝ်ၶူၼ်ၼုမ်ႇ ၼႂ်းႁၢင်းၼၼ်ႉ ဢွၵ်ႇပႅတ်ႈယဝ်ႉ။ ဢမ်ႇႁိုင်သင် ႁုင်ႉဢွၼ်ႇၼၼ်ႉ ၶူၼ်ၼုမ်ႇမၼ်းယၢဝ်းမႃးယဝ်ႉၸိုင် ႁုင်ႉမႄႈၸင်ႇသိုပ်ႇဢဝ်ပႅတ်ႈ ဝႂ်မႆႉႁႅင်ႈတီႈၼႂ်းႁၢင်းၼၼ်ႉထႅင်ႈယူႇယဝ်ႉ။ ပိူင်လူင်မၼ်းတႄႉၵေႃႈ ၶႂ်ႈႁႂ်ႈၼူၵ်ႉႁုင်ႉၼုမ်ႇ လႆႈထိတိူဝ်ႉႁူႉ လွင်ႈၵိင်ႇမႆႉလူင် ဢၼ်ႁၢဝ်ႈႁႅင်းၵႅၼ်ႇၶႅင် သေယႂ်ႇသုင်ၶိုၼ်ႈမႃးယဝ်ႉ။

ဝၢႆးၼၼ်ႉဢမ်ႁိုင်သင် ပိၵ်ႇႁုင်ႉဢွၼ်ႇၵေႃႈ ယိုတ်ႈယၢဝ်းယႂ်ႇမႃးတိၵ်းတိၵ်းယဝ်ႉ။ ႁုင်ႉမႄႈလူင်ၼၼ်ႉႁၼ်ထိုင်ဝႃႈ ႁုင်ႉဢွၼ်ႇၼႆႉထိုင်ယၢမ်းတေလႆႈဢွၵ်ႇမိၼ်ယဝ်ႉၼႆသေ ဢီးယဝ်ႈပၼ်ၼူၵ်ႉၼုမ်ႇ တူၵ်းႁၢင်းပႅတ်ႈယူႇယဝ်ႉ။

ႁူင်ႉဢွၼ်ႇသမ်ႉ ၵီႈပိၵ်ႇထယၢပ်ႈထယိပ်ႉ သေ သဵၼ်တူၵ်းႁၢင်းသုင်"လူင် ၼိူဝ်ၸိၵ်းလွႆၼၼ်ႉၵႂႃႇယူႇ။ သင်လႅပ်ႈတေဢမ်ႇပႆႇမိၼ်လႆႈၼႆၸိုင် ႁုင်ႉမႄႈၸင်ႇၶိုၼ်း ၵႂႃႇဢဝ်မႃးၶိုၼ်းဝႆႉၼႂ်းႁၢင်းယဝ်ႉ။

ဢမ်ႇႁိုင်သင်ၵူၺ်း ႁုင်ႉမႄႈသိုပ်ႇ ထင်ႇယဝ်ႈလုၵ်ႈမၼ်း ဢွၵ်ႇႁၢင်းပႅတ်ႈထႅင်ႈယူႇ။ ဢဝ်လွၵ်းလၢႆးၸိူင်ႉၼႆသေ ဢီးတူၵ်းပႅတ်ႈ လၢႆပွၵ်ႈလၢႆၵမ်းယူႇယဝ်ႉ။ သင်ဝႃႈၼူၵ်ႉႁုင်ႉဢွၼ်ႇၼၼ်ႉ ပေႉၵွၼ်းပိၵ်ႇၶတ်းႁႅင်းလူမ်းမိၼ်လႆႈၵႂႃႇယဝ်ႉၼႆၸိုင် လွင်ႈသင်ဢၼ်လႂ်ဢမ်ႇဝႃႈ ဢဝ်ပုၼ်ႈၽွၼ်းႁင်းတူဝ်ၸဝ်ႈၵဝ်ႇၵူၺ်းလႃႈ......။ ပုၼ်ႈၽွၼ်းႁုင်ႉမႄႈတႄႉပူၼ်ႉယဝ်ႉၼႆယူႇ။

 

#ဢမေႇရိၵၢၼ်ႇ ၶဝ်ၼႆႉ ၼင်ႇဢပုမ်ႇႁူဝ်ၼၼ်ႉယဝ်ႉ ၵူၼ်းၸၢဝ်းၶိူဝ်း ဢမေႇရိၵၢၼ်ၶဝ်ၵေႃႈ လုၵ်ႈဢွၼ်ႇၶဝ်မိူဝ်ႈယင်းတိုၵ်ႉလဵၵ်ႉၼၼ်ႉ ၼင်ႇႁိုဝ်ပေႃးတေမေႃပိုင်ႈဢိင်ႁႅင်းတူဝ်ၸဝ်ႈၵဝ်ႇၼၼ်ႉ ၶဝ်ၽိုၵ်းပၼ်ယူႇယဝ်ႉ။ ၸဵမ်မိူဝ်ႈတေႇၵိူတ်ႇမႃးၼၼ်ႉယဝ်ႉ ဝႆႉပၼ်ႁွင်ႈၼွၼ်း ႁင်းၸဝ်ႈၵဝ်ႇသေႁႂ်ႈၼွၼ်းၵူၺ်းယဝ်ႉ။ တေၸဵမ်မိူဝ်ႈတေႇၽိုၵ်းပႆၼၼ်ႉယဝ်ႉ ၼင်ႇႁိုဝ်ပေႃးတေမေႃပႅတ်ႈယုၵ်းယၢၵ်းမႅၼ်ႈဢွင်ႈ မေႃယူႇၵွၺ်းၼၼ်ႉ ၽိုၵ်းသွၼ်ပၼ်ႁႂ်ႈမေႃႈႁင်းၵွၺ်းၸဝ်ႈၵဝ်ႇယူႇယဝ်ႉ။ ၽိုၵ်းသွၼ်ပၼ် ၸွမ်းပၢၼ်လႂ်ၼၼ်ႉ ၼင်ႇၵႃႈပေႉလႆႈ ႁႂ်ႈမေႃဢဝ်ပုၼ်ႈၽွၼ်းၵႂႃႇယူႇ။

သင်ဢႃႇယုလႆႈမႃး မွၵ်ႈ(18)ယဝ်ႉၼႆၸိုင် ၸိူင်ႉၼင်ႇႁုင်ႉမႄႈ ဢီးလုၵ်ႈမၼ်းဢွၵ်ႇၼွၵ်ႈႁၢင်းၼၼ်ႉ ပေႃႈမႄႈၶဝ်ၵေႃႈ တဵၵ်းဢီးၼင်ႇၼၼ်ယူႇ။ ႁႂ်ႈၶဝ်မေႃ သွၵ်ႈႁႃငိုၼ်းၵႃႈၸႂ်ႉၸၢႆႇႁင်းၸဝ်ႈၵဝ်ႇသေ ၸဵမ်ၵႃႈၶိုၼ်ႈၶေႃးလဵၵ်ႉ၊ၸၼ်ႉၸွမ် ၸိူဝ်းၼၼ်ႉယဝ်ႉ....။

ၸဵမ်မိူဝ်ႈပႆႇလႆႈၸုမ်ႈၶူးသင်ၼၼ်ႉ တူဝ်ထူပ်းၼႂ်းၵၢၼ်ငၢၼ်းၼၼ်ႉၵေႃႈ ၶဝ်လႆႈထူပ်းမႃးလၢႆသမ်ႇလၢႆသႅၼ်းယူႇယဝ်ႉ။ ယိင်းဢမ်ႇဝႃႈၸၢႆးဢမ်ႇဝႃႈ ပေႃးဢႃႇယုလႆႈမႃးၵႃးၵေႃႈမေႃႁေႃႈလူတ်ႉၵႃးလူင်ႉ"လႅၼ်ႇ"ယူႇယဝ်ႉ။ ၸဵမ်လၢႆးၸႂ်ႉတိုဝ်းယိုဝ်းၵွင်ႈၼႆၵေႃႈ မေႃယိုဝ်းလႆႈလူင်ႉလႅင်းယဝ်ႉ။ ပိုၼ်ႉႁူႉတူဝ်ထူပ်းလုၺ်းၼမ်ႉၵေႃႈ မေႃလႆႈလီလီထႅင်ႈၵွၼ်ႇယဝ်ႉ။ ၵၢၼ်လဵၼ်ႈႁႅင်းၼင်ႇဢၼ်ၸဝ်ႈၵဝ်ႇသူၼ်ၸႂ်ပႃးၸႂ်ၼၼ်ႉ ၵေႃႈ လူင်ႉ"လႅင်း"လႅၼ်ႇလီလႆႈယဝ်ႉ။ ၼွၵ်ႈလိူဝ် ၽႃႇသႃႇ ဢမေႇၵၢၼ်ႇယဝ်ႉ ၽႃႇသႃႇဢၢင်းၵိတ်ႉလႄႈ တၢင်ႇၽႃႈသႃႇၼၼ်ႉၵမ်ႈၼမ်ၶဝ်တိုၼ်းမေႃဝႆႉထႅင်ႈ ႞လၢႆဢၼ်ယူႇယဝ်ႉ။

ပိူင်လမ်ႇ လွင်ႈထီႉသုတ်းလူင်တႄႉ ဢၼ်ပူၵ်းပွင်သွၼ်ပၼ် ၼမ်ႉၸႂ်ၶဝ် ႁႂ်ႈပေႃးမေႃ ပိုင်ႈဢိင်ၶိုၼ်းတူဝ်ၸဝ်ႈၵဝ်ႇၼၼ်ႉယဝ်ႉ။ ၼွၵ်ႈလိူဝ်ၼၼ်ႉ ပၢၼ်ၼႆႉလွင်ႈလွၵ်းၸိူင်း လွင်ႈဢမ်ႇမေႃၵဵင်ၸႂ်ပိူၼ်ႈၼၼ်ႉ လူင်ႉလႅၼ်ႇယဝ်ႉ။

ၶဝ်ၸိူဝ်းၼႆႉသမ်ႉ ဢမ်ႇမေႃၵဵင်ၸႂ်သေတႃႉ ၶဝ်မေႃတူၺ်း ဢမ်ႇမေႃဝႆႉၸႂ်မိူၵ်ႈၼိူဝ်ပိူၼ်ႈ ၼၼ်ႉၵေႃႈ ႁႂ်ႈမေႃဢဝ်သႂ်ႇၸႂ်ၼႆၼၼ်ႉသေၶဝ်သွၼ်ပၼ်ပႃးလႄႈ မေႃႁဵတ်းၸွမ်းယူႇ။

ဢၼ်ၵဝ်ၶႃႈလႆႈၸႂ်ထိသုတ်းဢၼ်႞တႄႉ ပဵၼ်ၵၢၼ်ပူၵ်းပွင်ၽိုၵ်းပွၼ်ႈသွၼ်ပၼ် ႁႂ်ႈပေႃးမီးဝႃႇသၼႃႇယိၼ်ႉ လူလိၵ်ႈၸဵမ်မိူဝ်ႈတိုၵ်ႉလဵၵ်ႉလႅင်ဢွၼ်ႇၼၼ်ႉယဝ်ႉ၊ ၸဵမ်ပေႃႈမႄႈ လႄႈ ၶူးမေႃသွၼ် ၶဝ်တိုၼ်းၵေႃႉ ပွၼ်ႈသွၼ်ပူၵ်းပွင်ပၼ်မႃးၵမ်းသိုဝ်ႈ သင်ထိုင်ပၢၼ်ယႂ်ႇမႃးၼႆၵေႃႈ ၶဝ်တိုၼ်းလူလိၵ်ႈလႆႈယဝ်ႉတၢင်းၼမ်ယူႇယဝ်ႉ ၶဝ်လဵပ်ႈႁဵၼ်းႁူႉလႆႈမႃးလၢႆပႃႈလၢႆၽၢႆႇ မီးပိုၼ်ႉႁူႉၼမ်ယဝ်ႉ။ ၼွၵ်ႈလိူဝ်ၼၼ်ႉ ၵၢၼ်ဢွၵ်ႇၶၢဝ်းတၢင်းၵေႃႈ တၢင်း

ယၢမ်ႈသူင်မိုတ်ႈၼၼ်ႉ ၸဵမ်ပေႃႈမႄႈဢွၼ်ဢွၵ်ႇလႄႇမႃး ၶၢဝ်းတၢင်းဝႆႉတၢင်းၼမ်ယူႇ လႆႈႁွတ်ႈၽႅဝ်ၵႂႃႇ လၢႆဝၢၼ်ႈ

မိူင်း တၢင်းၼမ်ထႅင်ႈၵွၼ်ႇယဝ်ႉ။

ၶွင်ၽၢၵ်ႇတွၼ်ႈတီႈလီသုတ်း ထိုင်ၸူဝ်ႈပၢၼ်လုၵ်ႈၶဝ်ၼၼ်ႉ ဢၼ်လႆႈမႃး ပေႃႈမႄႈၶဝ် ဢမ်ႇၸိုဝ်ႈဝႃႈ ၶဝ်တေဝႆႉပၼ် ငိုၼ်းၶမ်း ဢၼ်ၸႂ်ႉတိုဝ်းၵိၼ်လူႇဢမ်ႇသဵင်ႈၼႂ်းၸူဝ်ႈပၢၼ်ၶဝ်ၼၼ်ႉ။ ဢမ်ႇၸိုဝ်ႈ တေလႆႈပၵ်းထႅမ်သႂ်ႇဝႆႉၼႂ်းၸႂ်ယူႇတႃႇသေႇ။ ဢမ်ႇၸိုဝ်ႈ ၸုမ်ႈၶူးဢၼ်လႆႈမႃးတီႈႁူင်းႁဵၼ်း။ ဢမ်ႇၸိုဝ်ႈ ဝႃႈလိူၵ်ႈၵေႃႉတေပဵၼ်ႁေႃႁိူၼ်းတီႈလီ။ ယူႇတီႈပေႃႈမႄႈ သေဢၼ်ထုၵ်ႇလီပၼ်တီႈလုၵ်ႈလၢင်းၼၼ်ႉ ၶွင်ၽၢၵ်ႇလီထိသုတ်းၼၼ်ႉတႄႉပဵၼ်လွင်ႈ ”မေႃဝႆႉၼမ်ႉၸႂ်ယုမ်ႇယမ်ပိုင်ဢိင်ၶိုၼ်း တူဝ်ၸဝ်ႈၵဝ်ႇ” ၼၼ်ႉယဝ်ႉ။

လွၵ်းလၢႆးလီထိသုတ်း လွင်ႈယုမ်ႇယမ်ပိုင်ႈဢိင်တူဝ်ၵဝ်ႇ ၼၼ်ႉတႄႉ ၵၢၼ်ဢၼ် ၶဝ်ၵူဝ်ၼၼ်ႉ ပၼ်တိုဝ်ႉတၢင်း

ႁႂ်ႈလုၵ်ႈၶဝ်ၸိူၼ်ႇႁဵတ်းၵႂႃႇၼၼ်ႉယဝ်ႉ။  ပေႃႈမႄႈၵူၺ်းလူဝ်ႇပႂ်ႉၵုမ်းထိင်းတူၺ်းပၼ်ၶဝ်ၵူၺ်း။ သင်ဝႃႈ ႁၵ်ႉလုၵ်ႈလၢင်းၸဝ်ႈၵဝ်ႇယူႇၼႆၸိုင် ႁႂ်ႈၶဝ်ပေႃႈမေႃဝူၼ်ႉသွၼ်ႇၸုၵ်းမၼ်ႈၼိူဝ်ၶႃၸဝ်ႈၵဝ်ႇ သေမေႃႁဵတ်းႁႃၵိၼ် ၸဵမ်လဵၵ်ႉလႅင်ၼၼ်ႉ ၶဝ်ၽိုၵ်းပွၼ်ႈသွၼ်ပၼ်မႃးယူႇယဝ်ႉ။ လူဝ်ႇလႆႈမေႃ သူၼ်းဢီးႁႂ်ႈၶဝ် ဢွၵ်ႇတူၺ်း လၢႆ"ပွၵ်ႈ လၢႆ"ၵမ်းၼၼ်ႉယဝ်ႉ။

ယၢမ်းလဵဝ်ၼင်ႇၼႆၶႅၼ်းပဵၼ်တိုဝ်ႉတၢင်းပေႃႈမႄႈလီထိသုတ်း ယၢမ်းဢမ်ႇပႆႇမီးတိုဝ်ႉတၢင်းၶိုၼ်ႈႁူင်းႁဵၼ်း ၸူဝ်ႈၶၢဝ်း COVID 19 ၼင်ႇၼႆ ပဵၼ်တိုဝ်ႉတၢင်းပေႃႈမႄႈထႅမ်သၢင်ႈပၼ်တၢင်းႁူႉတႃႇ လုၵ်ႈလၢင်းတီႈလီယဝ်ႉ ၼႆပေဝႆႉမဝ်မၢင် တၢင်းႁူႉတႃႇလုၵ်ႈလၢင်း ပေပၼ်သုမ်းၶၢဝ်းယၢမ်းပႅတ်ႈလၢႆသေၵမ်း ဢမ်ႇၸိုဝ်ႈဝႃႈ ႁႂ်ႈၶဝ်ၵႂႃႇၶဝ်ႈၵႄႈဢွၵ်ႇၵၢင်ပိူၼ်ႈလႄႈ ဢွၵ်ႇၶၢဝ်ူတၢင်းၼၼ်ႉၵွၼ်ႇ ႁႂ်ႈပဵၼ်ထႅမ်သၢင်ႈတၢင်းႁူႉ တီႈႁဝ်းၶႂ်ႈပၼ်လႄႈ ဢၼ်ၶဝ်ၶႂ်ႈပဵၼ်ၼၼ်ႉယဝ်ႉ။ ယိၼ်းၸူမ်းၶွပ်ႈၸႂ်ယႂ်ႇၼမ်ထိုင်ပႃး ၽူႈလူလိၵ်ႈလႄႈ ၽူႈပိုၼ်ၽႄႈငဝ်ႈတိုၼ်းယႂ်ႇၼမ်သေ ၸင်ႇလႆႈသိုပ်ႇပိၼ်ႇပိုၼ်ၽႄႈယူႇယဝ်ႉ။

plz like&share

#ပိၼ်ႇ-ဝၼ်းႁိူင်း(သီႇပေႃႉ)

https://www.facebook.com/1Hurng

#ShanBooks

https://5ec89b293ea2e.site123.me/