လိၵ်ႈပေႃႈပၼ်လုၵ်ႈ

ၵေႃႉပဵၼ်လုၵ်ႈထုၵ်ႇလီလူၵူႈၵေႃႉ

#လၢႆးလူလိၵ်ႈ

လူလိၵ်ႈဢၼ်လႂ်သေဢမ်ႇဝႃႈ တေလႆႈဝႆႉ ၼၵ်း"ၸူမ်"မၢႆ"တွင်း"သေ လူၵႂႃႇယူႇ။ ပေႃးလူၵႂႃႇၸလိူဝ်ႈၸလႃႈတႄႉ  ၸိုင် လူပႅတ်ႈလွၵ်ႈပႅတ်ႈလၢႆၵူၺ်း ။

#တုၵ်ႉၶသွင်ပွၵ်ႈ

တႃႁဝ်းတူၺ်းလိၵ်ႈယူႇသေတႃႉ သင်ဝႃႈ ၸႂ်ႁဝ်းသမ်ႉ ၵုမ်ႇၵႂႃႇၸပ်းပႅၼ်း တၢင်ႇလွင်ႈတၢင်ႇပိူင်ၼႆၸိုင်မိူၼ်ၼင်ႇ ႁႃတၢင်းတုၵ်ႉ ၶ သွင်ပွၵ်ႈၵူၺ်း ။

#သုမ်းၶၢဝ်းယၢမ်း

ၽွင်းမိူဝ်ႈဢၢၼ်ႇလိၵ်ႈတူၺ်းလိၵ်ႈယူႇၼၼ်ႉ  သင်ဝႃႈ ဢဝ်ပပ်ႉ လိၵ်ႈဝႆႉ ၽၢႆႇၼႃႈၸဝ်ႈၵဝ်ႇသေ သမ်ႉ ဢမ်ႇၶဝ်ႈ

ၸႂ်ၼႆၸိုင် ၶၢဝ်းယၢမ်းတူၺ်းလိၵ်ႈၸဝ်ႈၵဝ်ႇၼၼ်ႉ သုမ်းပႅတ်ႈလၢႆ"ၵူၺ်းယဝ်ႉ ။

#လီဢၢႆသေပိူၼ်ႈ

ၸဝ်ႈၵဝ်ႇမီးသုၼ်ႇလႆႈသုၼ်ႇပဵၼ် တႃႇတေ ႁဵၼ်းႁူႉဢဝ်လႆႈယူႇသေတႃႉ သမ်ႉ ပဵၼ်ၵူၼ်းဢမ်ႇမေႃလိၵ်ႈၼႆ လီဢၢႆသေပိူၼ်ႈယဝ်ႉ ။

#ၵူၼ်းဢၼ်ဢမ်ႇမေႃလိၵ်ႈ

ၵူၼ်းဢၼ်ဢမ်ႇမေႃလိၵ်ႈဢၼ်ဢမ်ႇမီးပၺ်ႇၺႃႇၼၼ်ႉ ဢမ်ႇႁၢင်ႈလီၼႂ်းၵႄႈၵၢင်ပၢင်ၵူၼ်းၼမ်သေဢမ်ႇ ၵႃး ပၢႆပႃးပိူၼ်ႈထၢင်ႇလဵၵ်ႉ ၵွၼ်ႇယဝ်ႉ ။ ပိူၼ်ႈတေဢမ်ႇၶႂ်ႈႁဵတ်းၵေႃႉ ၵူၼ်းဢမ်ႇမီးပၺ်ႇၺႃႇ။ ပိူၼ်ႈတေဝႆႉ မၼ်းမိူၼ်ၵူၼ်းၼၵ်းၼမ်ႉ ၼၵ်းလိၼ်ၵူၺ်း ။

#ၶၢဝ်းယၢမ်း

ၸႂ်ႉတိုဝ်းၶၢဝ်းယၢမ်းႁႂ်ႈမႅၼ်ႈၸွမ်းၶၢဝ်းမၼ်းတႃႉ ။  ဢၼ်ၵႂႃႇဢႅဝ်ႇလႄႇသေ ဢမ်ႇပဵၼ်ႁဵတ်းၵၢၼ်သင်ၼၼ်ႉ   ဢမ်ႇလီဝၢင်းၶႂၢင်းပၼ် ။ ၵူၼ်းၵမ်ႉ ပႃႈၼမ်ၼႆႉ ဢမ်ႇမေႃၸႂ်ႉတိုဝ်းၶၢဝ်းယၢမ်းလီ"။ ၶၢဝ်းယၢမ်းဢၼ်ဝႃႈၼႆႉ ပဵၼ်ဢၼ်မီးၵႃႈၶၼ်ယႂ်ႇတေႉ" ပေႃးဝႃႈလႆႈသုမ်းၶၢဝ်းယၢမ်းၵႂႃႇၼႆ တိုၼ်းဢမ်ႇၸၢင်ႈဢဝ်ၶိုၼ်း ။

#လၢပ်ႈလူင်

ၵေႃႉဢၼ်မီး တၢင်းတိုဝ်းၵမ်လီၼၼ်ႉ  ၶဝ်ၶိုၼ်းႁူႉဝႃႈ  ၶဝ်မီးတၢင်းတိုဝ်းၵမ်လီၼႆသေ ၶဝ်ပဵၼ်ၵူၼ်းပီႇတိႁူမ်ၸူမ်းဝႆႉ ယူႇ ။ ဢၼ်ၸဝ်ႈၵဝ်ႇၶိုၼ်းႁူႉဝႃႈ ၸဝ်ႈၵဝ်ႇမီးတၢင်းတိုဝ်းၵမ်လီၼၼ်ႉ   ပဵၼ်လၢပ်ႈလႃႇၽႃႉလူင် ပိူင်ၼိုင်ႈ ယဝ်ႉ ။

#ၶမ်း

မိူင်းဢိင်ႇၵလၢၼ်ႇၼႆႉ  ပၺ်ႇၺႃႇလႄႈသီႇလႃႉ ၼႆႉၶဝ်ဝႆႉ ၵႃႈၶၼ်ယႂ်ႇမိူၼ်ၶမ်းဢိူဝ်ႈ။ ပေႃးၵႆႉပွတ်ႈၵႆႉသီပၼ်ၼႆၸိုင်ငဝ်းမၼ်းၶႅၼ်းႁိုဝ်ႈလိူဝ်တွၼ်းယူႇ။ ၵူၼ်းၵမ်ႉ ပႃႈၼမ်တႄႉ ယွၼ်ႉ ပိူဝ်ႈဢမ်ႇၵႆႉပွတ်ႈဢမ်ႇၵႆႉသီလႄႈ  ၶဝ်ၵူၺ်းၵႂႃႇလိူၵ်ႈဢဝ်တွင်း ဢၼ်ၸုပ်ႉ ၼမ်ႉ ယႃႈၶမ်း ဝႆႉၼၼ်ႉ ၵူၺ်း ။

#လွင်ႈႁၢၼ်ႉၸႂ်ၽူႈတႅမ်ႈလိၵ်ႈ

ၽူႈတႅမ်ႈလိၵ်ႈၵေႃႉ လႂ်သေဢမ်ႇဝႃႈ ပေႃးဝႃႈၶဝ်လႆႈငိၼ်းၶၢဝ်ႇပိူၼ်ႈလၢတ်ႈဝႃႈ ၶဝ်တႅမ်ႈလိၵ်ႈၶႅမ်ႉၼႃႇၼႆ ၶဝ်ႁၢၼ်ႉ ၸႂ်ၸူမ်းသိူဝ်း ပဵၼ်ပီႇတိယူႇၼၼ်ႉ ၼႆ ပဵၼ်ၽိင်ႈထုင်းမၼ်းယဝ်ႉ ။

#ပပ်ႉလိၵ်ႈ

ပပ်ႉလိၵ်ႈဢၼ်ၼႃႈသိူဝ်ႈပပ်ႉ မၼ်း ႁၢင်ႈလီၶႅမ်ႉ လႅပ်ႈၼၼ်ႉ ပဵၼ်ဢၼ်ၸၼ်ၸႂ်ပိူၼ်ႈယူႇ ။ ၵူၺ်းၵႃႈ ၼၢင်းယိင်းလႄႈ ၵူၼ်းၸၢႆးၸိူဝ်းဢၼ်မိူၼ်ၼၢင်းယိင်းၶဝ်ၼၼ်ႉ ၶဝ်ၶဝ်ႈၸႂ်ၼႃႈသိူဝ်ႈပပ်ႉလိၵ်ႈ လိူဝ်သေ လိၵ်ႈၼႂ်းမၼ်းၼၼ်ႉယဝ်ႉ ။ ပပ်ႉလိၵ်ႈ ဢၼ်ၼႃႈသိူဝ်ႈမၼ်း ပဵၼ်ႁၢင်ႈၶိုၵ်ႉ လူင်တေႉ"သေတႃႉ သင်ဝႃႈ လိၵ်ႈၼႂ်းမၼ်း ဢမ်ႇမီးလွၼ်ႉၵႅၼ်သင်ပေႃးၼႆၸိုင် ပပ်ႉ လိၵ်ႈၼႃႈသိူဝ်ႈႁၢင်ႈၶိုၵ်ႉ လူင်ၼၼ်ႉ ပေႃးပိူၼ်ႈလူတူၺ်းယဝ်ႉ ၼႆ ပိူၼ်ႈတေဢဝ်ပပ်ႉမၼ်း ၽၢင်ႈယေႃႈသႂ်ႇ ၼိူဝ်ၽိူၼ် (ဢမ်ႇၼၼ်) ၼိူဝ်လိၼ်ႁႅင်း" ယူႇ ။

#ႁၢၼ်ႉၸႂ်

လွင်ႈဢၼ်ပိူၼ်ႈ ႁူမ်ၸူမ်းႁပ်ႉတွၼ်ႈ လၢတ်ႈမွၼ်ႈၵႂၢမ်းလီတေႃႇၼၼ်ႉ ႁဵတ်းႁႂ်ႈၸဝ်ႈၵဝ်ႇ ႁၢၼ်ႉ ၸႂ်ယဝ်ႉ ။မိူၼ်ၼၼ်ၼင်ႇၵဝ်ႇ လွင်ႈဢၼ်ၸဝ်ႈၵဝ်ႇ ႁူမ်ၸူမ်းႁပ်ႉတွၼ်ႈ လၢတ်ႈမွၼ်ႈၵႂၢမ်းလီတေႃႇပိူၼ်ႈၼၼ်ႉ ႁဵတ်းႁႂ်ႈပိူၼ်ႈႁၢၼ်ႉ ၸႂ်ယူႇယဝ်ႉ ။

#မီးတႃႁႂ်ႈမေႃလူ

ၸဝ်ႈၵဝ်ႇၽႅဝ်တီႈလႂ်သေဢမ်ႇဝႃႈ ပိၵ်ႉသမ်ႉဝႃႈ ၸဝ်ႈၵဝ်ႇ ဢမ်ႇပဵၼ်ၽူႈတႅမ်ႈလိၵ်ႈသေတႃႉ  တေလႆႈၶတ်းၸႂ်လဵပ်ႈႁဵၼ်းႁႂ်ႈႁူႉ လွင်ႈတီႈၼၼ်ႈ ၸိူင်ႉ ၼင်ႇ ၽူႈတႅမ်ႈလိၵ်ႈၶဝ်တေဢၢၼ်းႁဵတ်းပဵၼ် ပပ်ႉ ၼၼ်ႉ ယူႇ ။ ဝဵင်းဢၼ်ၸဝ်ႈၵဝ်ႇၽႅဝ်ဝႆႉ ယူႇၼၼ်ႉ ၸွင်ႇၸႂ်ႈဝဵင်းလွတ်ႈလႅဝ်း ၊ ပဵၼ်ဝဵင်းၽႂ်ဢုပ်ႉပိူင်ႇ ၊ ပဵၼ်ဝဵင်းၸိူင်ႉ ႁိုဝ် ၊  ၽိင်ႈထုင်းလွင်ႈလၢၵ်ႇလၢႆးဝဵင်းၼႆႉ မီးၸိူင်ႉ ႁိုဝ် ၊ လွင်ႈသုၼ်ႇလႆႈသုၼ်ႇပဵၼ်မီးၸိူင်ႉ ႁိုဝ် ၊ ၼႃႈၵၢၼ်ၶဝ်ပဵၼ်သင် ၊ ၶဝ်ႁဵတ်းဢွၵ်ႇၵုၼ်ႇၶူဝ်းသင် ၸိူဝ်းၼႆႉ တေလႆႈလဵပ်ႈႁဵၼ်းႁႂ်ႈႁူႉ ၸွမ်းယူႇ။ ၶေႃႈမုၼ်းၸိူဝ်းၼႆႉ သင်ဝႃႈ ဢမ်ႇတွင်းလႆႈၼႂ်းၸႂ်ၼႆၸိုင် တေလႆႈတႅမ်ႈမၢႆ ၼႂ်းပပ်ႉ မၢႆတွင်းဝႆႉယူႇ။ လၢႆးလီသေပိူၼ်ႈတေႉ သင်ဝႃႈ မီးဢူၺ်းၵေႃႉ ၵေႃႉၼိုင်ႈမွၵ်ႇလၢတ်ႈ သပ်းလႅင်းၼႄၸဝ်ႈၵဝ်ႇၸိုင် လီသေပိူၼ်ႈယဝ်ႉ ။

#ႁူင်းတူၺ်းလိၵ်ႈၼႂ်းထွင်း

မိူဝ်ႈဢွၵ်ႇၶၢဝ်းတၢင်းၼၼ်ႉ  သင်ဝႃႈပႃးပပ်ႉ လိၵ်ႈသႂ်ႇထူင်သႂ်ႇထွင်းၵႂႃႇၸိုင်ဢၼ်ၼၼ်ႉ ပဵၼ်ႁူင်းတူၺ်းလိၵ်ႈၼႂ်းထွင်းယဝ်ႉ ။

ထွၼ်ဢွၵ်ႇမႃးၼႂ်းပပ်ႉ  "လိၵ်ႈပေႃႈပၼ်လုၵ်ႈ" ဢၼ် ႁႅင်းသိူဝ်ၶႅင် ပိၼ်ႇတႅမ်ႈဝႆႉၼၼ်ႉၼင်ႇၼႆၼပ်ႉ ယမ်ၽူႈသူင်လူလိၵ်ႈတႆးႁဝ်းၶႃႈတင်းသဵင်ႈသေ -

                                                ( သိုပ်ႇပိုၼ်ၽႄ >> #မူဝ်သႅင်လၢဝ် )