ပေသၢင်ႈပၼ်ၵၼ်လွင်ႈၸႂ်ၵူဝ်

 

 ၶေႃႈၵႂၢမ််််််းၸဝ်ႈၶူးလူင်

ႁဝ်းမႃးၶူၼ်ႉတူၺ်းလွင်ႈၸႂ်ၵူဝ်ၼႆ့

ၵူၼ်းၸၢဝ်းၶိူဝ်း ၼေႃႇဝေးၶဝ်ၼႆႉ ၶဝ်ၽိုၵ်းပၼ်ၵၼ်မႃးၸဵမ်လဵၵ်ႉ လွင်ႈပေႁႂ်ႈလုၵ်ႈဢွၼ်ႇမေႃမီးၸႂ်ၵူဝ် ဢမ်ႇတွၼ်ႉပၼ်ပေႃႉထုပ်ႉလုၵ်ႈဢွၼ်ႇၶဝ် မိူၼ်ၼင်ႇသတ်း ၶဝ်တိုၼ်းမီးဝႆႉပၵ်းပိူင်ႁေႉႁၢမ်ႈဝႆႉယဝ်ႉ ပေဝႃႈၵူၼ်းလႃႈတေႃႈသတ်းလဵင်ႉဢၼ်ၶဝ်လဵင်ႉဝႆႉၼၼ်ႉ ယင်းဢမ်ႇမီးသုၼ်ႇပေႃႉႁႅမ်ၵွၼ်ႇယဝ်ႉ။

ပေႃးမီးတီႈဢၼ်လုၵ်ႈဢွၼ်ႇၶဝ်ဢမ်ႇပွင်ႇၸႂ် လႄႈ လႆႈၽိတ်းမေႃးၵၼ်ၸိုင် ၶူးသွၼ်မေႃသွၼ်ၶဝ်တိုၼ်းဝႆႉၸႂ်ယႂ်ႇၸႂ်ယၢဝ်းသေသပ်းလႅင်းႁႂ်ႈၶဝ်ပွင်ႇၸႂ် လွင်ႈတေဢမ်ႇလႆႈၽိတ်းမေႃၵၼ် လၢတ်ႈၼႄလွင်ႈၽွၼ်းယွၼ်ႈပႃးယူႇယဝ်ႉ။

လွင်ႈႁိုတ်းထႃႉ ၼိူဝ်လုၵ်ႈဢွၼ်ႇဝႃႈ ႁႄႉ! မႂ်းႁဵတ်းသင်ၼၼ်ႉ ႁေႉ! မႂ်းၼႆႉႁၢႆႉတေႉႁေး!  ၼႆၸၵႂႃႇၸိူဝ်းၼႆႉ ၶဝ်ဢမ်ႇတွၼ်ႉယၢမ်ႈမီး

ၶဝ်ၵူၺ်းၸႂ်ႉၶေႃႈၵႂၢမ်းဢၼ်ႁႂ်ႈလုၵ်ႈဢွၼ်ႇၶဝ်တေပွင်ႇၸႂ်သေသပ်းလႅင်းၼႄပၼ်ၵႂႃႇၼၼ်ႉယဝ်ႉ သင်ဝႃႈတီႈတေၸၢင်ႈပဵၼ်ၽႄးၸိုင်ၾၢင်ႉဝႆႉၵႆၵႆလုၵ်ႈဢွၼ်ႇသေ ၸိူဝ်းဢၼ်တေဢမ်ႇပဵၼ်ၽႄးယႂ်ႇလူင်ၼၼ်ႉ ၶဝ်တေပၼ်ႁႂ်ႈလုၵ်ႈဢွၼ်ႇၶဝ်ၸၢမ်းႁဵတ်းတူဝ်ထူပ်းႁႂ်ႈၶဝ်မေႃႁူႉႁင်းၵွၺ်းယဝ်ႉ။

တီႈၶႂ်ႈလၢတ်ႈတႄႉၵေႃႈ ပေလွၵ်ႇႁိုတ်းႁႂ်ႈၸိူဝ်ႉၶိူဝ်းႁဝ်းပဵၼ်ၵူၼ်းၶီႈၵူဝ်ၵၼ်ယူႇၶိူဝ်းၶိူဝ်းယႂ်ႈယႂ်း ယူဝ်မၼ်းလႆႈၸပ်းပႃးၼႂ်းၼိူဝ်ႉၼႂ်းလိူတ်ႈ ႁဝ်းၵႂႃႇၼၼ်ႉယဝ်ႉ။

ၸဵမ်လဵၵ်ႉပေႃႈမႄႈႁိုတ်ႉထႃႉလႃႇမႃးလႄႈ  လႆႈပဵၼ်ၸႂ်ၵူဝ်ႁႄမႃး သိုပ်ႇၶိုၼ်ႈႁဵၼ်း မေႃသွၼ် ႁိုတ်းထႃႉလႄႈလႆႈၵူဝ်မႃး ယူႇၼိူဝ်ၵျွင်း မုၼ်ၸဝ်ႈႁိုတ်းထႃႉလႄႈလႆႈၵူဝ်မႃး  ယူႇၼႂ်းဝၢၼ်ႈသူၼ်ထုၵ်ႇၺႃးသိုၵ်းႁိုတ်ႉထႃႉ တုမ်ႉယွၼ်ႈၸႂ်မႃး ယူႇၸိူင်ႉၼၼ်သေယႂ်ႇမႃးၵူႊမိူဝ်ႈၵူႊဝၼ်း လႆႈပဵၼ်ၵူၼ်းၶီႈၵူဝ်ၵႂႃႇ ၸိူင်ႉၼၼ် သင်ၵူၼ်းၶိူဝ်းႁဝ်းၼမ်မႃး လူၺ်ႈလွင်ႈၵူဝ် ပဵၼ်ၸိူဝ်ႉၶိူဝ်းၵူၼ်းၶီႈၵူဝ် ၵႂႃႇၵေႃႈၸၢင်ႈပဵၼ်လႆႈ ပေႁႂ်ႈလွၵ်ႇၵၼ် ပၼ်လွတ်ႈလႅဝ်းထၢင်ႇႁၢင်ႈလႄႈ တႃႇလွင်ႈၶိုၼ်ႈယႂ်ႇ သိုဝ်ႇပၼ်သဵၼ်ႈတၢင်းၼေႃႇတႅၼ်းၶိူဝ်းပႆလွတ်ႈလႅဝ်းလႄႈ။

ၵဵပ်းႁွမ်တႅမ်ႈ ၸၢႆးဝၼ်းႁိူင်း

#ShanBooks #ၶမ်းမၢႆ #ထမ်ႇမသႃႇမိ #Norway #preschool