ၼမ်ႉၸႂ် မူဝ်ႇသျေႇတႃးယၢၼ်း

 

ပေႃးလၢတ်ႈဝႃႈမူဝ်ႇသျေႇတႃးယၢၼ်းၼႆ ၸိူဝ်းႁူႉၸၵ်းၵေႃႈတေမီးၵၼ်ၼမ်ယူႇ ၊ ၵွပ်ႈတႃးယၢၼ်းၼႆႉ ပဵၼ်ၵူၼ်းၵေႃႉဢၼ်မီးၼမ်ႉၸႂ်ႁၵ်ႉၼိူဝ်ၸိူဝ်ႉၶိူဝ်း ဝၢၼ်ႈမိူင်းမၼ်း မိူၼ်ၼင်ႇမိူင်းဢိတ်ႉသရေး(ၵျူး)တေႉတေႉဝႃႈဝႃႈၵေႃႉၼိုင်ႈၼၼ်ႉယဝ်ႉ။

မၼ်းလႆႈယိပ်းၵွင်ႈၵၢင်ႇမႃးၸဵမ်မိူဝ်ႈဢႃႇယုလႆႈ (12)ၶူပ်ႇ တေႃႇပေႃးထိုင် (58)ၵေႃႈယင်းတိုၵ်ႉပႆႇၶႂ်ႈပွႆႇၽႃႈလႆႈၵွင်ႈမၼ်း။ မၼ်းယၢမ်ႈလၢတ်ႈမႃးတႃႇသေႇဝႃႈ- " ပုၼ်ႇတႃႇတေတႄႇတင်ႈမိူင်းႁင်းၶေႃ ၶိူဝ်းၵျူးလႄႈ ႁဝ်းၸင်ႇလႆႈယိပ်းလၢၵ်ႈၼၢၵ်ႈမႃးဢိူဝ်ႈ" ၼႆယူႇ။

သမ်ႉထႅင်ႈလွင်ႈဢၼ်ၵဵဝ်ႇတင်းၵၢၼ်ပၢႆႈမိူင်ႈၼၼ်ႉၵေႃႈ ယၢမ်ႈၵႆႉလၢတ်ႈဝႃႈ- " ပုၼ်ႈတႃႇမိူင်းဢိတ်ႉသရေး တေႁူမ်ႇလူမ်ႈငမ်းယဵၼ်ၼၼ်ႉ ႁဝ်းၸင်ႇလႆႈတိုၵ်းသိုၵ်းယူႇဢိူဝ်ႈ"ၼႆယဝ်ႉ။

တႃးယၢၼ်းၼႆႉပေႃးမၼ်းလၢတ်ႈၸိူင်ႉႁိုဝ်ၵေႃႈ မၼ်းတိုၼ်းႁဵတ်းၸိူင်ႉၼၼ်ယဝ်ႉ ဢမ်ႇၸႂ်ႈဝႃႈပဵၼ်ႁူဝ်ၼႃႈၽၢႆႇၵႅတ်ႇၶႄယဝ်ႉ ယူႇတီႈလဵဝ်တီႈသုင်သေသင်ႇလူင်းဢမ်ႇၸႂ်ႈ တၢမ်တူဝ်မၼ်း တိုၼ်းလုၵ်ႉႁဵတ်းၸွမ်းယူႇတႃႇသေႇယဝ်ႉ။

မိူဝ်ႈၽွင်းတိုၵ်ႉတိုၵ်းၵၼ်တၢင်းတပ်ႉသိုၵ်း သီးရီးယႃးၶဝ်ၼၼ်ႉ တႃးယၢၼ်း ပူင်ၵႂၢမ်းဝႃႈ " ၶိုၼ်ႈမႃးၸွမ်းလင်ၵဝ်လႄႈ"ၼႆၼၼ်ႉထၢင်ႇၸႅင်ႈဝႆႉယူႇယဝ်ႉ။

လိူဝ်ၼၼ်ႉပွၵ်ႈၼိုင်ႈ သိုၵ်းႁၢၼ်ဢဝ်မၢၵ်ႇႁိၼ်သိုင်းသႂ်ႇမၢၼ်ႇၵႃးၵူၼ်းမိူင်းလႄႈ ၸဝ်ႈၵႃးၼၼ်ႉၵႂႃႇတၢင်ႇလဝ်ႈၼႄတီႈတႃးယၢၼ်းယဝ်ႉ တႃးယၢၼ်းၸင်ႇလႆႈတႅမ်ႈၽိုၼ်လိၵ်ႈၽိုၼ်ၼိုင်ႈ သႂ်ႇၼႂ်းၽိုၼ်လိၵ်ႈသိုၵ်း"ပမႃႁႃၼီ" သေ ၼႂ်းလိၵ်ႈၼၼ်ႉတႅမ်ႈပႃးဝႆႉဝႃႈ ႁႂ်ႈသိုၵ်းႁၢၼ်ၵေႃႉၼၼ်ႉ ၵႂႃႇယွမ်းၼွမ်းႁပ်ႉတၢင်းၽိတ်း တမ်ႈၽူႈၵွၼ်းသိုၵ်းၼႆလႄႈ သိုၵ်းႁၢၼ်ၵေႃႉၼၼ်ႉၵေႃႈႁၼ်ၽိုၼ်လိၵ်ႈတႃးယၢၼ်းသေ ၵႂႃႇယိုၼ်ႁပ်ႉဢဝ်တၢင်းၽိတ်းၸဝ်ႈၵဝ်ႇၶိုၼ်း တမ်ႈတီႈၽူႈၵွၼ်းသိုၵ်းၼၼ်ႉယဝ်ႉ

ၼႆႉပဵၼ်တူဝ်ယၢင်ႇ ႁႅင်းၸၢၵ်ႈသူပ်းၵႂၢမ်းတႃးယၢၼ်းယဝ်ႉ။

ဢိင်ဢဝ်ၼႂ်းပပ်ႉ

#မူဝ်ႇသျေႇတႃးယၢၼ်း

 #ႁႅင်းသိူဝ်ၶႅင် (တၢင်ႉယၢၼ်း) ပိၼ်ႇတႅမ်ႈ

#လွင်ႈဝႆႉဝၢင်းၸႂ်ၸၢဝ်းၶိူဝ်းဢၼ်လီယိူင်ႈ

#ShanBooks #MosheDayan #Israel #IDF