“လူလိၵ်ႈ” ၸိူင်ႉၼင်ႇၼႆလႄႈ

 မိူင်းဢီႇရၼ်ႇ

        မိူင်းဢီႇရၼ်ႇၼႆႉ လုၵ်ႈဢွၼ်ႇ ဢၼ်မီးဢႃႇယု ၸူဝ်ႊၶူပ်ႇ 16 ပီႊလူင်းတႂ်ႈၼၼ်ႉသင်ဝႃႈၶဝ် မေႃလၵ်ႉပိူၼ်ႈ မေႃၸူၼ် ပိူၼ်ႈ ဢမ်ႇၼၼ်ႁဵတ်းၺႃး လွင်ႈၽိတ်းမၢႆမီႈ သေမဵဝ်းမဵဝ်း ဢၼ်ဢမ်ႇပေႃးယႂ်ႇႁႅင်းၼၼ်ႉၸိုင် ၶဝ်ၵႆႉလႆႈ ထုၵ်ႇပၼ် တၢမ်ႇယဝ်ႉ။    တၢမ်ႇဢၼ်ၼႆႉပဵၼ် တၢမ်ႇလူလိၵ်ႈယဝ်ႉ။

        ၸွမ်းၼင်ႇ လူင်ပွင်ႊၸိုင်ႈၶဝ် ပၼ်ပပ်ႉမႃးၼၼ်ႉ လႆႈလူဢၢၼ်ႇ ႁႂ်ႈမၼ်းယဝ်ႉသေ တၢင်ႇၼႄၶိုၼ်း တၢင်းႁၼ်ထိုင်ၸဝ်ႈၵဝ်ႇ လႄႈ လွင်ႈႁပ်ႉႁၼ်တူဝ်ၵဝ်ႇ  တေႃႇလူင်ပွင်ႊၸိုင်ႈၶဝ်ၶိုၼ်းၼႆယဝ်ႉ။

မိူင်းရူဝ်ႊမေႇၼီးယႃး

သင်ၸိူင်ႉဝႃႈ သူလႆႈမိူဝ်းလႄႇ တီႈမိူင်း ရူဝ်ႇမေႇၼီးယႃး ၼႆၸိုင် မိူၼ်ႁၢင်ႊသူလႆႈ ၽႅဝ်ၵႂႃႇၼႂ်း ႁူင်းလၢႆး လႄႈ လၢၼ်ႉပပ်ႉ  ဢၼ်ယႂ်ႇလူင်သေ ယင်းတေ ဢမ်ႇႁတ်းလၢတ်ႈၵႂၢမ်း သဵင်ယႂ်ႇသဵင်လူင်ၵွၼ်ႇ။    ယွၼ်ႉဝႃႈၵူၼ်းၵူႊၵေႃႉ ၼိမ်သေပၵ်းၸႂ်တူၺ်းလိၵ်ႈဝႆႉ။ 

ယဝ်ႉၵေႃႈ………    သင်သူမိူဝ်းၶီႇ လႅင်းၵႃး(Bus Car)သေ လူလိၵ်ႈဝႆႉၸိုင်    ၵႃႊၵႃး ၶဝ်ယင်းဢမ်ႇဢဝ် ပၼ်ၶီႇလၢႆႊလၢႆႊၵွၺ်း။

မိူင်းဢိတ်ႉသရေး 

ဢမ်ႇၼၼ်ၵူၼ်းၶိူဝ်းၵျူး ၼိူင်ႈၵေႃႉၼႆႉ ၼႂ်းၶၢဝ်းတၢင်းၼိူင်ႈပီႊ    ၽတ်းၽဵင်ႇမၼ်း ၶဝ်လူလိၵ်ႈယဝ်ႉ 64 ပပ်ႉ။    ဢမ်ႇဝႃႈ ၵူၼ်းယွၼ်းဢွၼ်ႇၵေႃႈယႃႇ မိုဝ်း လႄႈ ပပ်ႉ ဢမ်ႇတွၼ်ႉၽၢတ်ႇၵၼ်။

မိူင်း ၵျုႇမၼီႇ

ၵူၼ်းၶိူဝ်းၵျုႇမၢၼ်ႇၼႆႉ မွၵ်ႈ 50% ၼႆႉ မေႃၵႆႉ သိုဝ်ႉပပ်ႉယူႇတႃႇသေႇ။ တႃႇမွၵ်ႈ 30% ၼႆႉသမ်ႉ ပဵၼ်ၵူၼ်းလူဢၢၼ်ႇ   လိၵ်ႈ ၵူႊဝၼ်းၼႆယဝ်ႉ။ ၼႂ်းမုင်ႉႁေႃႁိူၼ်း ၼိူင်ႈလင်ၼႆႉ  ၽတ်းၽဵင်ႇမၼ်း ၶဝ်ၵဵပ်းႁွမ်တွမ်ႊဝႆႉပပ်ႉ မွၵ်ႈ 300 ပပ်ႉ ၵူႊႁိူၼ်းယဝ်ႉ။

မိူင်းၵျုႇပၢၼ်ႇ

ၵူၼ်းၶိူဝ်းၶဝ်ၼႆႉ ဢမ်ႇဝႃႈမိူဝ်ႈပႂ်ႉလူတ်ႉၵႃးမိူင်းၶီႇလႅင်းၵႃးၵေႃႈယဝ်ႉ လုၵ်ႈဢွၼ်ႇတေႃႇၵူၼ်းလူင်သၢမ်ပၢၼ်ၸဵတ်းသႅၼ်း ၵႆႉၸႂ်ႉၸၢႆႇၶဝ်းယၢမ်းတၼ်းၶဝ်သေလူဢၢၼ်ႇလိၵ်ႈတူၺ်းလိၵ်ႈယူႇတႃႇသေႇၼၼ်ႉယဝ်ႉ။

ၼႂ်းလုမ်ႈၾႃႉၼႆႉ

ႁႅင်းၶၢႆပပ်ႉၶဝ်လႄႈ ႁႅင်းလူလိၵ်ႈၶဝ် ပဵၼ်ဢၼ် ၶႅမ်ႉထီႉသုတ်းၼႆၵေႃႈ ဢမ်ႇၽိတ်းၼင်ႇၵဝ်ႇ။    မိူင်းဢၼ်ၶိုၼ်ႈယႂ်ႇၸွမ်း ႁူင်းၸၢၵ်ႈလႄႈပၢႆးသၢႆႊၼၼ်ႉယွၼ်ႉဝႃႈ ႁႅင်းလူလိၵ်ႈၶဝ်မၼ်းယႂ်ႇလႄႈ ၵူၼ်းတၢင်းလၢႆယွင်ႈဢၢမ်း ဢမ်ႇသုတ်းဢမ်ႇသဵင်ႈ ၼင်ႇၼႆယဝ်ႉ။ 

ယဝ်ႉၵေႃႈ    ၵႃႊၶၼ်ပပ်ႉၼႆႉ မၼ်းၵႆႉၵႃႊၶၼ်ယႂ်ႇ သေတႃႉၵေႃႈ…တီႈလၢၼ်ႉပပ်ႉၶဝ်သမ်ႉၵူၼ်းတဵမ်ဝႆႉယူႇၵူႊၶၢဝ်းလႄႈ ၵူၼ်းၶပ်ႉထႅဝ်သေပႂ်ႉသိုဝ်ႉပပ်ႉၵေႃႈ မီးတၢင်းၼမ်။ ၵျႃႇပၢၼ်ႇၶဝ် ပဵၼ်ၵူၼ်းၶိူဝ်းမဵဝ်းၼင်ႇၼႆ။    ၼႂ်းပိူင်ၵၢၼ်ႁဵၼ်းၼွၵ်ႈမိူင်းၼႆႉ ၶဝ်မီးၶေႃႈထၢမ် ၶဝ်မီးၵၢၼ်ႁဵၼ်းဢၼ်လႆႈသွၵ်ႈ  ၶေႃႈတွပ်ႇ ႁႃႁဵၼ်းႁူႉလွၼ်ႉမွၼ်းၼႂ်းပပ်ႉလိၵ်ႈလႄႈ ႁဵတ်းႁႂ်ႈလၢႆးၸုင်ၸၼ်လူလိၵ်ႈပဵၼ်ယိၼ်ႉလူင်တႃႇထႅမ်တၢင်းႁူႉၶဝ်ယူႇၸိူဝ်းဢွၵ်ႇလဵပ်ႈႁဵၼ်းၼႆၵေႃႈ  ဢဝ်တူဝ်ထူပ်းၶိုၼ်းတႅမ်ႈပဵၼ်ပပ်ႉတႃႇသိုၼ်ပၼ်ပိူၼ်ႈလႆႈႁူႉႁၼ်ၸွမ်းၸိူဝ်းၼႆႉယူႇယဝ်ႉ။

တွၼ်ႈတႃႇ ပီႈၼွင်ႉတႆးႁဝ်းၶႃႈတႄႉ ႁႅင်းလူဢၢၼ်ႇလိၵ်ႈႁဝ်းၶဝ် ယင်းတိုၵ်ႉဢေႇလဵၵ်ႉၵေႇမၢင်ႊတေႉတေႉ။

    ၵၢၼ်လူဢၢၼ်ႇလိၵ်ႈၼႆႉ_ပဵၼ်ၶၢဝ်းတၢင်း   ဢၼ်ဢွၵ်ႇလႄႇငၢႆႈသေပိူၼ်ႈ။    

ၵၢၼ်လူဢၢၼ်ႇလိၵ်ႈၼႆႉ_ႁဵတ်းႁႂ်ႈပၢႆးဝူၼ်ႉႁဝ်းၶဝ်ၵႄႇထူၼ်ႈ။        လူဢၢၼ်ႇလိၵ်ႈလႄႈ

ပိၼ်ႇတႅမ်ႈ   ၸၢႆးၶိူဝ်းႁၢၼ်(ထုင်ႉလွၺ်ႁူဝ်သိူဝ်)