ဢူၵ်းႁၵ်း 7 ၸၼ်ႉ

 

တွၼ်ႈတႃႇၵေႃႉဢူၵ်းႁၵ်းလီႁူႉ ၸွမ်းၶၵ်ႉတွၼ်ႈဢၼ် သႅၼ်းသိၵ်ႉႁိၵ်ႉၶဝ်တေႇလႆႈထူပ်းၵၼ်ယူႇလႄႈလႆႈၵႂင်ၸႂ်ၸွမ်းလွင်ႈလႆႈဢူၵ်းႁၵ်းယူႇၼၼ်ႉၸဝ်ႈၵဝ်သမ်ႉထိုင်ဝႆႉယူႇတီႈၸၼ်ႉလႂ်ယဝ်ႉၼႆ ၼင်ႇၽူႈလူင်ႉလႅၼ်ႇၶဝ်ပိူၼ်ႈၶူၼ်ႉႁၼ်မႃးၼၼ်ႉ မီးယူႇၸဵတ်းၸၼ်ႉၼင်ႇၼႆ

ၸၼ်ႉၼိုင်ႈ ဢမ်ႇယွမ်းႁပ်ႉလႆႈ

  ၵုမ်ႇဝူၼ်ႉႁၼ်ဝႃႈၽၢႆႇပုၼ်ႉၶဝ်လၢတ်ႈယဝ်ႉယွၵ်ႇၸဝ်ႈၵဝ်ၵွၺ်း မၼ်းဢမ်ႇပဵၼ်ၵႂႃႇလႆႈၸိူင်ႉၼၼ်ၼႆသေ ဝူၼ်ႉႁၼ်ဝႃႈၶဝ်ႁၵ်ႉႁဝ်းတေႉဢိူဝ်ႈ ၸူဝ်ႈၵႃႈမၼ်းၸႂ်လမ်ႁဝ်းသေ မၼ်းလႆႈလၢတ်ႈၵႂႃႇၸိူင်ႉၼၼ်ၵူၺ်းၼႆယဝ်ႉ  ဢမ်ႇပႆႇယွမ်းႁပ်ႉလွင်ႈတေႉမၼ်းလႆႈ ယွၼ်ႉၵွပ်ႈလွင်ႈႁူဝ်ၸႂ်ဢၼ်လႆႈၸဵပ်းသႅပ်ႇယွၼ်ႉမၼ်းၼၼ်ႉ ဢမ်ႇႁၢၼ်ႉၸႂ်ပၼ်ၸွမ်းလွင်ႈပဵၼ်ၵႂႃႇၼၼ်ႉလႆႈလႄႈ ၵုမ်ႇဝူၼ်ႉၼႂ်းၸႂ်သေတေလၢတ်ႈဝႃႈ မၼ်းပဵၼ်ၵႂႃႇဢမ်ႇလႆႈၼႆယူႇ။

ၸၼ်ႉသွင် ၶူၼ်သွၵ်ႈႁႃၶေႃႈတွပ်ႇ

 ၵုမ်ႇဝူၼ်ႉႁၼ်ၸွမ်ႈ တီႈတူဝ်ၸဝ်ႈၵဝ်ႇဝႃႈ ၵဝ်ၼႆႉလႆႈႁဵတ်းၽိတ်းလွင်ႈသင်ၵႂႃႇ တီႈၼိူဝ်ၶဝ် လွင်ႈဢမ်ႇထုၵ်ႇၸႂ်ၼၼ်ႉၵဝ်လႆႈႁဵတ်းမႅၼ်ႈသင်ၵႂႃႇ ဝူၼ်ႉၵမ်းလႂ်ၵေႃႈ ဢမ်ႇပႆႇၸၢင်ႈလႆႈၶေႃႈတွပ်ႇ ၵမ်ႈလိုၼ်းၵုမ်ႇၵႂႃႇဝူၼ်ႉႁၼ်မႅၼ်ႈလွင်ႈတီႈယၢမ်ႈလႆႈႁၵ်ႉၵၼ်မႃးသေ ဝူၼ်ႉဝႃႈတူဝ်ၸဝ်ႈၵဝ်ႇၽိတ်း တေလႆႈႁၢင်ႈႁႅၼ်းမူၼ်ႉမေးသင်ၼႆသေ သွၵ်ႈႁႃၶေႃႈတွပ်ႇဢမ်ႇယဝ်ႉဢမ်ႇဝၢႆးယူႇယဝ်ႉ။

ၸၼ်ႉသၢမ် ယွမ်းၼွမ်းတေႃႇၶဝ်ၶိုၼ်း

ဝူၼ်ႉႁၼ်ၼိူဝ်လွင်ႈလႆႈၶၢတ်ႇၵၼ်မႃးသေ ၵုမ်ႇဝူၼ်ႉဝႃႈတူဝ်ၸဝ်ႈၵဝ်ႇပဵၼ်ၵေႃႉၽိတ်းၼိူဝ်ၶဝ်ၵႂႃႇ ယွၼ်ႉပုၼ်ႈၽွၼ်း ၸဝ်ႈၵဝ်ႇႁဵတ်းဢမ်ႇတဵမ်ထူၼ်ႈၼႆသေ ၶိုၼ်းတေႇယွမ်းၼွမ်းသေၵပ်းသိုပ်ႇ လၢတ်ႈၼေပႃးလွင်ႈဝႃႈ တေဢမ်ႇႁဵတ်းလွင်ႈဢမ်ႇထုၵ်ႇႁူမႅၼ်ႈၸႂ်ၶဝ်ၵူႈလွင်ႈထႅင်ႈယဝ်ႉၼႆ တဵၵ်းတုၵ်းယွၼ်းႁႂ်ႈၶဝ်ပွၵ်ႈမႃး မိူၼ်ၵဝ်ႇၶိုၼ်းၼႃ ၼႆသေတဵၵ်းပၼ်ၵႂၢမ်းမၼ်ႈလၢႆ"ၶေႃႈ လၢႆ"ၵမ်း ယွၼ်ႉႁၼ်ဝႆႉဝႃႈ သဵၼ်ႈတၢင်းဢွၵ်ႇၼႆႉမီးတီႈၶဝ်တီႈလဵဝ်ၼၼ်ႉၵွၺ်းယဝ်ႉၼႆ ယွမ်းၶတ်းၸႂ်ႁႂ်ႈၶဝ်ပွၵ်ႈမႃးၶိုၼ်းမိူၼ်ၵဝ်ႇၶိုၼ်း ယွမ်းပၼ်ၵႂၢမ်းမၼ်ႈတီႈဢၼ်ၸဝ်ႈၵဝ်ႇလႅပ်ႈဢၢပ်ႈတေႁဵတ်းလႆႈၸွမ်းၼၼ်ႉယူႇယဝ်ႉ(ယူႇတီႈဢူၺ်းၵေႃႉၶဝ်ၸွင်ႇယၢမ်ႈထူပ်းလွင်ႈၵပ်းသိုပ်ႇၶိုၼ်းယူႇႁိုဝ်)

ၸၼ်ႉသီႇ ႁူမ်ႈပဵၼ်ႁၵ်ႉၶိုၼ်း

ယွၼ်ႉပိူဝ်ႈၽၢၵ်ႇၼိုင်ႈၵမ်း"ယွမ်းၼွမ်းတေႃႇတိၵ်း"လႄႈ ၽၢၵ်ႇၼိုင်ႈတေႇယွမ်းႁပ်ႉလူၺ်ႈလွင်ႈၸူဝ်ႈၵႅပ်ႉ (ယွၼ်ႉၵဵင်ၸႂ်ၽၢႆႇယွမ်းၼွမ်းတေႃႇသေ ႁပ်ႉဝႆႉမိူၼ်ၼင်ႇၵူၼ်းမၢႆသွင်ၼၼ်ႉယဝ်ႉ) သင်ပဵၼ်မႃးၼႆၸုင် ဢူၺ်းၵေႃႉၶဝ်တေလႆႈၽၢင်ႉတီႈၼႆႈ (မိူဝ်ႈပဵၼ်ႁူမ်ႈႁၵ်ႉၶိုၼ်းၵၼ်ယဝ်ႉၼၼ်ႉ ၶဝ်တေပႂ်ႉတူၺ်းလွင်ႈ ဢၼ်သေတေႁဵတ်းၽိတ်းတီႈၶဝ်ၼၼ်ႉဝႆႉယူႇ) ပဵၵ်ႉသမ်ႉဝႃႈသူၶဝ်ၶတ်းၸႂ် ႁဵတ်းႁႂ်ႈမိူၼ်ၼင်ႇၵၢင်ၸႂ်ၶဝ်ယူႇၵေႃႈ တွၼ်ႈတႃႇတေႁႂ်ႈမိူၼ်ၵဝ်ႇၶိုၼ်းဢၼ်ဝႃႈၼၼ်ႉတႄႉ တိုၼ်းဢမ်ႇပဵၼ်လႆႈယဝ်ႉ ။ (မၢင်ၸိူဝ်းဢမ်ႇထိုင်လႆႈၸၼ်ႉၼႆႉ)

ယွၼ်ႉပိူဝ်ႈလႆႈတႅၵ်ႇၸတ်ႉၵၼ်ၵႂႃႇယဝ်ႉပွၵ်ႈၼိူင်ႈ ယွၼ်ႉလွင်ႈတၢင်းဢမ်ႇႁၵ်ႉလႆႈၼၼ်ႉယဝ်ႉ( 1 – 4 ၼႆႉ ၼင်ႇၶဝ်တုၵ်းယွၼ်းၼၼ်ႉၶတ်းၸႂ်ႁဵတ်းသၢင်ႈပၼ်မႃးယူႇၵေႃႈ တၢင်းမုင်ႈမွင်းၼၼ်ႉႁူဝ်ႈပၢင်ႇပဝ်ႇဝႆႉယူႇ)

ၸၼ်ႉႁႃႈ ဢွၵ်ႇပဵၼ်လွင်ႈၸႂ်လမ်

တေဝူၼ်ႉႁၼ်ဝႃႈ ပဵၵ်ႉသမ်ႉယွမ်းၼွမ်းတေႃႇသေႁၵ်ႉၶဝ်မႃးယူႇသေတႃႉၵေႃႈ ၶဝ်ဢမ်ႇႁၼ်ထိုင်ၵၢင်ၸႂ် ႁၼ်လီၼိူဝ်ၵၼ်ၶိုၼ်းသင်သေဢိတ်း ဢမ်ႇႁၵ်ႉၶိုၼ်းမိူၼ်ၵဝ်ႇ မေႃႁူႉၶိုၼ်းဝႃႈႁဝ်းပၼ်ၶဝ်လႆႈပဵၼ်မွၵ်ႈၼႆႉ တွပ်ႇတႅၼ်းၶိုၼ်းၸိူင်ႉၼင်ႇၼႆၵၺ်းႁႃႉ ဝူၼ်ႉႁၼ်မႅၼ်ႈၶိုၼ်း ၶၢဝ်းယၢမ်းဢၼ်လႆႈမူတ်းသဵင်ႈၵႂႃႇ လႄႈ ပၢႆးယူႇလီတီႈဢၼ်လႆႈယူပ်ႈယွမ်းလွင်ႈ တီႈၶိုၼ်းၼွၼ်းဢမ်ႇလပ်း မႃးလၢႆလၢႆၶိုၼ်းၸိူဝ်းၼၼ်ႉ ဝူၼ်ႉႁၼ်ဝႃႈမၼ်းလိူဝ်ႁႅင်းၼႃႇယဝ်ႉ ၵဝ်ၼႆႉၽိတ်းပိူင်ႈႁွႆႈလူင်တီႈၵဝ်ၶႂ်ႈပဵၼ်ယဝ်ႉ ဢိူဝ်ႈၼႆႉ ဝူၼ်ႉႁၼ်လွင်ႈတႃႇမႄးသၢင်ႈတူဝ်ၵဝ်ႇႁႂ်ႈလီၶိုၼ်းလူၺ်ႈဢမ်ႇသုမ်းၶၢဝ်းယၢမ်းပႅတ်ႈၸွမ်းလွင်ႈဢမ်ႇမီးၽွၼ်းလီသေ။

*သင်ထိုင်ၸၼ်ႉၼႆႉယဝ်ႉၸိုင် ပဵၼ်တီႈလီဢဝ်ၵုင်မုၼ်ၸွမ်းတူဝ်ၵဝ်ႇယူႇ ၵွပ်ႈပဵၼ်တၢင်းလိူၵ်ႈဢၼ်မီးၽွၼ်းလီတႃႇသိုပ်ႇယၢင်ႈၵႂႃႇၸူးတီႈ ၸၼ်ႉ 6     ၸၼ်ႉ 7 ဢၼ်တေမႃးၼၼ်ႉယဝ်ႉ။

ၸၼ်ႉႁူၵ်း တေႇယွမ်းႁပ်ႉ

မေႃႁူႉၶိုၼ်းတူဝ်ၸဝ်ႈၵဝ်ႇ လွင်ႈတႃႇတေၸုၵ်းမၼ်ႈလႆႈၼႆႉဢမ်ႇၸႂ်ႈပိူၼ်ႈၸႂ်ႈၽႂ် ပဵၼ်တူဝ်ၵဝ်ႇၵွၺ်း ဢၼ်တေလႆႈႁၵ်ႉၵေႃႈ ပဵၼ်တူဝ်ၸဝ်ႈၵဝ်ႇ လႄႈ ပေႃႈမႄႈပီႈၼွင်ႉ ဢူၺ်းၵေႃႉ  ၸိူဝ်းၼႆႉ ပဵၼ်ဢၼ်လွမ်ႇလွင်ႈမီးၵႃႈၶၼ်တိူဝ်းလိူဝ်ယူႇလူးၼႆသေ တေမေႃႁူႉႁၼ်မႃး ၵေႃႉဢၼ်ႁဝ်းႁၵ်ႉၼၼ်ႉၵေႃႈ တေႇဝွတ်ႈႁၢႆၵႂႃႇၼႂ်းႁူဝ်ၸႂ် ၼႂ်းသၢႆတႃ ၼႂ်းမၢႆတွင်းၵႂႃႇလွႆးလွႆးယဝ်ႉ လွင်ႈတေလႆႈႁၵ်ႉတူဝ်ၸဝ်ႈၵဝ်ႇၼႆၼၼ်ႉ တိူဝ်းၼမ်လိူဝ်ၶိုၼ်ႈမႃးသေ တေႇယွမ်းႁပ်ႉလွင်ႈတေႉမႃးယဝ်ႉ။

ၸၼ်ႉၸဵတ်း တၢင်းမုင်ႈမွင်းဢၼ်ထုၵ်ႇမႅၼ်ႈ

တေမေႃဝူၼ်ႉႁၼ်မႃးဝႃႈ တႃႇလွင်ႈၶိုၼ်ႈယႂ်ႇတူဝ်ၸဝ်ႈၵဝ်ႇၼႆႉပဵၼ်သင် ၸဝ်ႈၵဝ်ႇသမ်ႉလူဝ်ႇသင်ယူႇ လွင်ႈလီလီတီႈၸဝ်ႈၵဝ်ႇမီးၼႆႉလူးတေၸၢင်ႈႁဵတ်းသင်လႆႈၼႆသေ တေႇၶတ်းၸႂ်ႁဵတ်းသၢင်ႈၵၢၼ်ၵႂႃႇ ပိၵ်ႉသမ်ႉၸႂ်ထိုင်ၶဝ်သေတႃႉၵေႃႈ မေႃၸႅၵ်ႇႁူႉႁၼ်ဝႃႈ ဢၼ်လႂ်ၼႆႉတိူဝ်းမီးၼမ်ႉတွၼ်းလိူဝ်သေဢၼ်လႂ်ၼႆ ၼၼ်ႉယဝ်ႉ ပဵၼ်တၢင်းမုင်ႈမွင်းဢၼ်မႂ်ႇမႂ်ႇၵႂႃႇယဝ်ႉ။

ယူႇတီႈဢူၺ်းၵေႃႉႁဝ်းၶဝ်သမ်ႉႁွတ်ႈထိုင်ၸၼ်ႉလႂ်ၵၼ်ယဝ်ႉ လၢတ်ႈလူၺ်ႈလွင်ႈယုမ်ႇယမ်တူဝ်ၸဝ်ႈၵဝ်ႇ ၵူၼ်းၵမ်ႉပႃႈၼမ်ၼႆႉၶဝ်ၵွၺ်းႁွတ်ႈထိုင်လႆႈ ၸၼ်ႉထၢၼ်ႈ သၢမ် ၼၼ်ႉ တႃႇႁၵ်ႉၵၼ်ၶိုၼ်းထႅင်ႈၼၼ်ႉဢမ်ႇႁၼ်သဵၼ်ႈတၢင်းပွၵ်ႈၶိုၼ်းၵႂႃႇယဝ်ႉ။

ယူႇတီႈဢူၺ်းၵေႃႉၽူႈသူင်လူလိၵ်ႈႁဝ်းၶဝ်ယၢမ်ႈထူပ်းမႃးၼၼ်ႉၸွင်ႇငၢမ်ႈမႅၼ်ႈၼႆၵေႃႈၸွႆႈပိုၼ်ၽႄႈပၼ်ဢူၺ်းၵေႃႉၽွင်ႈလႄႈၼႆၶႂ်ႈယွၼ်းထိုင်ယူႇ😍

သိုပ်ႇၼၼ်ႉဢွၼ်ၵၼ်ပႂ်ႉပၼ်ႁႅင်းလူ တီႈႁူဝ်ၶေႃႈဢၼ်ဝႃႈ တၢင်းႁၵ်ႉၼႆႉပဵၼ်ဢီႈသင်?  What is love?  ၼႆၵႂႃႇသေၵမ်း

အောင်ထက်ခန့်  ၽူႈပိုၼ်ၽႄႈတၢင်းႁူႉၵဵဝ်ႇလူၺ်ႈလွင်ႈႁၵ်ႉ