ၵူႈႁၵ်ႉၵၼ် ၼႂ်း 10 ၶေႃႈ

 

========================

မႂ်ႇသုင် လိူၼ်လိုၼ်းသုတ်း 2020 ၼႆႉ 

ႁႂ်ႈၵူႈႁၵ်ႉသိုပ်ႇၶၢဝ်းတၢင်းလူၺ်ႈလွင်ႈဢုၼ်ႇၸႂ်ၵၼ်ၵႂႃႇသေၵမ်း

 Hello December!

1️⃣ ႁဝ်းတေဢမ်ႇၸႂ်လမ် ၽွမ်ႉမိူဝ်ႈလဵဝ်ၵၼ်တင်းသွင်ၵေႃႉ မိူၼ်ၼင်ႇၵႂၢမ်းၵူၼ်းထဝ်ႈမိူဝ်ႈၵွၼ်ႇလၢတ်ႈဝႃႈ သင်ၵေႃႉၼိုင်ႈပဵၼ်ၾႆး ၵေႃႉၼိုင်ႈၵေႃႈလူဝ်ႇလႆႈပဵၼ်ၼမ်ႉ ဢေႃႈ .... >>> ၼမ်ႉၵတ်းၼႃ ဢမ်ႇၸႂ်ႈၼမ်ႉမၼ်း <<<

2️⃣ ႁဝ်းတေဢမ်ႇလႆႈၶိုၼ်ႈသဵင်သႂ်ႇၵၼ် လိူဝ်သေဝႃႈမီးမိူဝ်ႈၾႆးမႆႈႁိူၼ်းယေးၵူၺ်း ႁႂ်ႈၶိုၼ်ႈသဵင်လႆႈ

3️⃣ တွင်းဝႆႉဝႃႈဢမ်ႇမီးၽႂ်လႆႈၸႂ်လွင်ႈသႄႉၼႄး သင်တေဢုပ်ႇလၢတ်ႈထိုင်လွင်ႈဢၼ်သူဢမ်ႇလႆႈၸႂ်ၼႂ်းလွင်ႈဢၼ်ၽႂ်သေၵေႃႉ"ႁဵတ်းယူႇ ႁႂ်ႈလၢတ်ႈလီ"ၽွင်ႈ ဢမ်ႇလူဝ်ႇဝၢၼ်ပဵင်းၵိူဝ်ဝၢၼ်ၵေႃႈလႆႈယူႇ

4️⃣ ႁဝ်းတေဢမ်ႇမႃးၶူၼ်ႉၶိုၼ်းႁွႆးၸဵပ်းၼႂ်းလွင်ႈဝၼ်းလင် သင်တေဢုပ်ႇထိုင်လွင်ႈၵဝ်ႇၵဝ်ႇ တႃႉဢုပ်ႇလွင်ႈဝၢၼ်" လွင်ႈႁၵ်ႉပႅင်းသွင်ႁဝ်းလႃႈ

5️⃣ ႁဵတ်းႁႂ်ႈၵူၼ်းဢၼ်ယူႇႁိမ်းၶၢင်ႈႁဝ်း ဢၼ်ႁဝ်းလႆႈႁူမ်ႈသိူဝ်းႁူမ်ႈတုၵ်ႉလူၺ်ႈၵၼ်မႃးၼၼ်ႉ ႁပ်ႉႁူႉဝႃႈ ၶဝ်ပဵၼ်ၵူၼ်းဢၼ်လွင်ႈယႂ်ႇတွၼ်ႈတႃႇႁဝ်းၵူႈၶၢဝ်းယၢမ်း

6️⃣ ပၼ်ၶေႃႈမၼ်ႈၵႅၼ်ႇၵၼ်ၼႃႈ ဝႃႈႁဝ်းတေဢမ်ႇၶႂ်ႈၸႃႉၵၼ်ၶၢမ်ႈၶိုၼ်းၶၢမ်ႈဝၼ်း ယွၼ်ႉတေပဵၼ်ႁဝ်းလႄႈသူၵူၺ်းဢၼ်ၼွၼ်းဢမ်ႇလပ်း ဢုပ်ႇၵၼ်ႁႂ်ႈပွင်ႇၸႂ် လီလိူဝ်ၵွင်လင်ပၼ်ၵၼ်ယူႇ

7️⃣ တူင်ႉတၵ်ႉဢုပ်ႇၵၼ်ႁႂ်ႈၼမ်ၽွင်ႈ မၼ်းတေႁဵတ်းႁႂ်ႈတၢင်းႁၵ်ႉၼႂ်းဝူင်ႈၵၢင်ႁဝ်းလႄႈသူပွင်ႇၸႂ်ၵၼ်ၼမ်ၶိုၼ်ႈ ဢမ်ႇဝႃႈပဵၼ်လွင်ႈသင်ၵေႃႈယဝ်ႉ ဢၼ်ႁဝ်းသွင်လႆႈႁူပ်ႉထူပ်းမႃး ၸဵမ်လွင်ႈၼႃႈၵၢၼ် လွင်ႈပပ်ႉလိၵ်ႈဢၼ်ႁဝ်းတိုၵ်ႉဢၢၼ်ႇသုတ်း ဢုပ်ႇလၢတ်ႈပၼ်ၵၼ်ထွမ်ႇ ယဝ်ႉႁဝ်းသွင်တေႁပ်ႉႁူႉထိုင်လႆႈဢိူဝ်ႈ ဝႃႈႁဝ်းသွင်ၸမ်ၸႂ်ၵၼ်ၼမ်မႃးလိူဝ်သေၵဝ်ႇ

8️⃣ သင်ႁူႉတူဝ်ဝႃႈႁဵတ်းၽိတ်းၵေႃႈႁႂ်ႈမေႃယွမ်းၼွမ်း ယွၼ်းတၢင်းၽိတ်းသေ ဢမ်ႇလူဝ်ႇၵူဝ်ဝႃႈတေသုမ်းၼႃႈတႃသင်လေႃႇ

9️⃣ ယႃႇပေၶဝ်ႈၸႂ်ၽိတ်းဝႃႈ လွင်ႈဢၼ်ယူႇၸွမ်းၵၼ်ၵူႈၶၢဝ်းယၢမ်းၼၼ်ႉ မၢႆထိုင်ပဵၼ်လွင်ႈဢဝ်ၸႂ်သႂ်ႇၵၼ်ယဝ်ႉ ယွၼ်ႉလွင်ႈဢဝ်ၸႂ်သႂ်ႇၵၼ်ၼၼ်ႉ ပဵၼ်လွင်ႈဢၼ်ႁဝ်းသူၼ်ၸႂ်ၸွမ်းၽွင်းမိူဝ်ႈလႆႈယူႇႁိမ်းၶၢင်ႈၵၼ်ဢိူဝ်ႈ ဢမ်ႇၸႂ်ႈၼင်ႈထွမ်ႇၵေႃႉလႂ်ၵေႃႉၼိုင်ႈလၢတ်ႈဢုပ်ႇသေ တႃသမ်ႉပၵ်းတူၺ်းၸိူင်းငဝ်းယူႇ

🔟 ယႃႇလိုမ်းသၢင်ႈႁဵတ်းၼႄႁႂ်ႈႁၼ်ဝႃႈ ႁဝ်းသွင်တိုၵ်ႉႁၵ်ႉၵၼ်ယူႇၵူႈၶၢဝ်းယၢမ်း တွၼ်ႈတႃႇၵူၼ်းသွင်ၵေႃႉတေလႆႈမိုတ်ႈၵိုဝ်းၸမ်ၸႂ်ၵၼ်ၼၼ်ႉ ဢမ်ႇၸႂ်ႈလွင်ႈငၢႆႈငၢႆႈ မိူဝ်ႈလႆႈလွင်ႈဝႆႉဝၢင်းယုမ်ႇၸႂ်ၵၼ်ယဝ်ႉၵေႃႈ ယႃႇပွႆႇႁႂ်ႈလွင်ႈတၢင်းဢၼ်ဢမ်ႇလႆႈလွင်ႈဢွၼ်ႇၵႅပ်ႉၵမ်းမႃးႁဵတ်းႁၢႆႉ လွင်ႈမိုတ်ႈၵိုဝ်းၸမ်ၸႂ်ဢၼ်ႁဝ်းမီးမႃး မၼ်းၵိုင်ႇတၢၼ်ႇၵၼ်ယဝ်ႉၼႄႇ မွၵ်ႈၶေႃႈၵႂၢမ်းဢၼ်ဝႃႈၶႂၢင်းပၼ်ၵၼ် ယဝ်ႉမူၼ်ႉမႄးတူဝ်ၸႂ်ၶဝ်ႈႁႃၵၼ်မႂ်ႇ လွင်ႈလီလီတေၵိူတ်ႇပဵၼ်ၶိုၼ်ႈမႃးထႅင်ႈတင်းၼမ် ၸွမ်းလူၺ်ႈဢၼ်ႁဝ်းဢမ်ႇယၢမ်ႈႁူႉတူဝ်ၵေႃႈပဵၼ်လႆႈလူး

#လွင်ႈၶွင်ႈၶမ်ပဵၼ်ၶိုၼ်ႈမႃး ယွၼ်ႉဢမ်ႇဢုပ်ႇၵုမ်ၵၼ်၊ ယွၼ်ႉဢမ်ႇႁႃတၢင်းၵႄႈၶႆ၊ ယွၼ်ႉၵွပ်ႈမီးၸႂ်မႃႇၼ၊ ယွၼ်ႉဝူၼ်ႉဝႃႈ ဢမ်ႇႁူႉတေႁဵတ်းၵႂႃႇၵွပ်ႈသင်၊ ယွၼ်ႉၵုမ်ႇဝူၼ်ႉထိုင်တူဝ်ၸဝ်ႈၵဝ်ႇ ဝူၼ်ႉဝႃႈႁဵတ်းၸိူင်ႉၼၼ်ႉၸိူင်ႉၼႆလီတီႈသုတ်းယဝ်ႉ ထႅင်ႈၽၢႆႇၼိုင်ႈသမ်ႉတေဝူၼ်ႉမိူၼ်ၵၼ်တင်းႁဝ်းယူႇႁႃႉ ? လိုၼ်းသုတ်းၵေႃႈလႆႈတိူဝ်ႉၸႂ် .....

ႁႂ်ႈမေႃယွမ်းႁပ်ႉၼႂ်းလွင်ႈဢၼ်ယူပ်ႈယွမ်းၶွင်ၵၼ် ယဝ်ႉလူလွမ်ႁၵ်ႉလွင်ႈလီ"ၵၼ်သိုပ်ႇၵႂႃႇလႄႈ သင်တေၵုမ်ႇႁဵတ်းႁၢႆႉၼမ်ႉၸႂ်ၵၼ် တင်းသွင်ၽၢႆႇၵေႃႈဢမ်ႇလႆႈပဵၼ်မႃးၸွမ်းၼင်ႇလွင်ႈဢၼ်ႁဝ်းလႆႈမုင်ႈမွင်းလႄႈယိူင်းဢၢၼ်းဝႆႉၼႆ ။

#ယိင်းသၢဝ်ၽူၺ်း - ပိၼ်ႇတႅမ်ႈ