ၶတ်းၸႂ်ႁႂ်ႈပိူင်ႇ လွင်ႈမေႃပွႆႇဝၢင်းၶႂၢင်းလႄႈ

 

တီႈတႄႉမၼ်း လွင်ႈဢမ်ႇၶိုၼ်ႈယႂ်ႇၼႆႉ ပဵၼ်တီႈဢမ်ႇပႆႇႁတ်းၸုၼ်ႉၼၼ်ႉယဝ်ႉ။ ၵုမ်ႇယိပ်းၵမ်ဝႆႉ တၢင်းမုင်ႈမွင်း မၢင်ဢၼ်ၼၼ်ႉတေႃႇပေႃး ၸၢတ်ႈပၢၼ်သုတ်းလူမ်းႁၢႆၸႂ်ၼၼ်ႉသေ။ 

ၵုမ်ႇမုင်ႈမွင်းပႂ်ႉ ၵူၼ်းၵေႃႉဢၼ် တေဢမ်ႇပွၵ်ႈမႃးႁႃႁဝ်းၶိုၼ်းၼၼ်ႉသေ ၵဵပ်းသိမ်းဝႆႉၼႂ်းဢူၵ်းႁူဝ်ၸႂ် ဢမ်ႇႁတ်းၸုၼ်ႉပွႆႇၽႃႈပႅတ်ႈမၼ်း။

ၽွၼ်းယွၼ်ႈတိူဝ်ႉၸူဝ်ႈပၢၼ်တႄႉတႄႉ ပဵၼ်လွင်ႈတႅပ်းတတ်းၸႂ်ၽိတ်းလူင်ဝႆႉ။ ၵွပ်ႈလွင်ႈတႅပ်းတတ်းၽိတ်းၼၼ်ႉ ယဝ်ႉဢမ်ႇၸၢင်ႈၶိုၼ်ႈယႂ်ႇ။ ၶတ်းၸႂ်ႁႂ်ႈမေႃပွႆႇဝၢင်းလႄႈ။

လွင်ႈၶူဝ်းၶွင်ဢၼ် တေဢမ်ႇၵဵဝ်ႇသင်တင်းႁဝ်းၼၼ်ႉ၊ ဢမ်ႇၼၼ် ၵူၼ်းၵေႃႉ႞ၼႆၸိုင် ႁႂ်ႈမေႃယွမ်းႁပ်ႉလွင်ႈမၢၼ်ႇမႅၼ်ႈၼၼ်ႉသေ၊ ဢဝ်ဢွၵ်ႇပႅတ်ႈၼႂ်း ၸၢတ်ႈပၢၼ်ႁဝ်းၵႂႃႇလႄႈ။ ၼႂ်းၸၢတ်ႈပၢၼ်သူ တေလႆႈလွင်ႈငမ်းယဵၼ်သေ တေတိူဝ်းမီးတိုဝ်ႉတၢင်းတႃႇၶိုၼ်ႈယႂ်ႇဢိူဝ်ႈ။

ၶတ်းၸႂ်ပႃး လွင်ႈမေႃပွႆႇဝၢင်းၶႂၢင်းပၼ်ၼၼ်ႉလႄႈ။ ဢၼ်ၸၢင်ႈပၼ်လွင်ႈတၢင်းသုၵ်ႉယုင်ႈၸႂ်ၼႆႉ ပဵၼ်လွင်ႈဢၼ်ၶႂ်ႈတွပ်ႇတႅၼ်းၶိုၼ်းၼၼ်ႉယဝ်ႉ။

 တီႈတႄႉမၼ်း လွင်ႈၸဵပ်းသႅပ်ႇၼႆႉ ပဵၼ်ယွၼ်ႉႁဝ်းဝႆႉလွင်ႈဢၼ်ၶႂ်ႈတွပ်ႇတႅၼ်းၶိုၼ်းၼၼ်ႉယဝ်ႉ၊ ၽူႈမီးလွင်ႈၶႂ်ႈတွပ်ႇတႅၼ်းၶဝ် တိုၼ်းလႆႈတင်းလိူတ်ႇမႆႈ။ ၶတ်းၸႂ်ႁႂ်ႈမီႈလွင်ႈမေႃပွႆႇဝၢင်းၶႂၢင်းပၼ်ၵၼ်လႄႈ။ 

ပဵၵ်ႉသမ်ႉဝႃႈ မၼ်းပဵၼ်လွင်ႈဢၼ် ယၢပ်ႇယဵၼ်းလူင်ၼႆသေတႃႉၵေႃႈ၊ ၵူၺ်းၵႃႈ ၼႂ်းၶူင်းၵူၼ်းလူင်ၼႆႉ လွင်ႈဢၼ်လီထိသုတ်းၼၼ်ႉ တိုၼ်းပဵၼ်လွင်ႈဢၼ်လႆႈယၢပ်ႇယဵၼ်းယဝ်ႉ။ ပိူဝ်ႈၼႆ ၶတ်းၸႂ် ပွႆႇဝၢင်းပၼ်လႄႈ။ 

ၸၢမ်းဝူၼ်ႉသွၼ်ႇတူၺ်းၶိုၼ်းလႄႈ ၸွင်ႇမၼ်းသမ်ႉၵိုင်ႇယူႇႁႃႉ ဢၼ်တေပၼ်လွင်ႈတၢင်းၸႂ်သုၵ်ႉယုင်ႈသူယူႇၼင်ႇၼၼ်ၼၼ်ႉ သင်ဝႃႈသူဢမ်ႇပွႆႇဝၢင်းပၼ်မၼ်းလႆႈၼႆၸိုင် လွင်ႈၶႂ်ႈတွပ်ႇတႅၼ်းၼၼ်ႉတိုၼ်းတေမတ်ႉၼွင်ႇၸၼ်ဝႆႉၸူဝ်ႈပၢၼ်သူၵႂႃႇၵွၺ်း။ 

ၼင်ႇႁိုဝ်လွင်ႈၵၢၼ်တႅပ်းတတ်းသူပေႃးတေၸၢင်ႈၽိတ်းၽူၼ်ၼၼ်ႉ လွင်ႈတွပ်ႇတႅၼ်းၼၼ်ႉတေၸွမ်းယႃႉၵဝ်းသူတႃႇသေႇဢိူဝ်ႈ။ ၸူဝ်ႈပၢၼ်သူၵေႃႈ မိူၼ်ဢမ်ႇပႆႇတၢႆသေတႃႉ မိူၼ်ၼင်ႇတူၵ်းငရၢႆးၼၼ်ႉယဝ်ႉ။

တီႈတႄႉမၼ်းတႄႉ ၼင်ႇႁိုဝ်ပေႃးတေဢမ်ႇလႆႈလိူတ်ႇမႆႈၼၼ်ႉ သူႁႄႉႁၢမ်ႈမၼ်းလႆႈယူႇၵွၺ်း။ ၼၼ်ႉၵေႃႈပဵၼ် လွင်ႈပွင်ႇဝၢင်းၶႂၢင်ႉပၼ်ၼၼ်ႉယဝ်ႉ။ 

မၢင်ပွၵ်ႈမၢင်လႂ် ယွၼ်ႉၶေႃႈၵႂၢမ်းဢွၼ်ႇၶေႃႈလဵဝ် တီႈပိူၼ်ႈလၢတ်ႈၼၼ်ႉ ႁဵတ်းႁႂ်ႈသူ ဢမ်ႇမီးလွင်ႈသႃႇသိူဝ်းၸႂ်ၵႂႃႇတင်းဝၼ်း ၸွင်ႇယၢမ်ႈပဵၼ်ႁိုဝ်၊ လမ်ႇလွင်ႈသုတ်းတႄႉ ပဵၼ်ယွၼ်ႉ ႁဝ်းၵမ်းၵမ်းဢဝ်ၶေႃႈၵႂၢမ်းၼၼ်ႉ မႃးဝူၼ်ႉသေ ဢွၵ်ႇၸႂ်တေႃးသၸွမ်းယူႇၼၼ်ႉယဝ်ႉ။ 

တေဢဝ်ၼႆႉၵႂႃႇ ၶတ်းၸႂ်ႁႂ်ႈမေႃပွႆႇဝၢင်းၶႂၢင်ႉပၼ်ၵႂႃႇလႄႈ တေၸၢင်ႈႁဵတ်းႁႂ်ႈၼႂ်းၸႂ်သူ တိူဝ်းမီးလွင်ႈသိူဝ်းသႃႇမႃးလိူဝ်သေမိူဝ်ႈဢွၼ်တၢင်းယူႇဢိူဝ်ႈ။

လွင်ႈၽူႈၶႂၢၵ်ႈမိူင်းမႃးတဵၵ်းတဵင်ပေႉၵိၼ်လူလၢႆဢဝ်တၢႆၶိူဝ်းႁဝ်းၼၼ်ႉတႄႉဢမ်ႇၼပ်ႉပႃး ၵဵဝ်ႇလွင်ႈၼၼ်ႉတႄႉ

ၶႂ်ႈႁႂ်ႈႁတ်းႁၢၼ်တေႃႇသူႈလူးၵွၼ်ႇယဝ်ႉ။ 

သိုပ်ႇလူလႆႈ>>> Shan Books ပိၼ်ႇပိုၼ်