ႁၢင်ႈလီၼႆႉယွၼ်ႉပိူဝ်ႈမႂ်းဢိူဝ်ႈ

မိူဝ်ႈမႂ်းဢမ်ႇၸၢင်ႈထႆႇႁၢင်ႈၵိုၵ်းၽႂ်ၼၼ်ႉ

ထႆႇႁၢင်ႈၵိုၵ်း ပပ်ႉလိၵ်ႈလႄႈ တေမီးတၢင်းႁၢင်ႈလီ

ၼႂ်းသၢႆတႃၵူၼ်းတင်းၼမ်ယဝ်ႉ။

မိူဝ်ႈမႂ်းဢမ်ႇၸၢင်ႈလၢတ်ႈတေႃႇၽႂ်ယူႇၼၼ်ႉ

ၶတ်းၸႂ်လူပပ်ႉလိၵ်ႈဢွၵ်ႇသဵင်သေ ၸၢမ်းတီႉသဵင်

တႃႇထွမ်ႇၶိုၼ်းမိူဝ်ႈမႂ်းဢမ်ႇမီးယၢမ်းလူ ဢုပ်ႇၽႂ်ၼၼ်ႉ

ၶိုၼ်းတူၺ်းလႄႈ တိုၼ်းႁၢင်ႈလီယဝ်ႉ။

မိူဝ်ႈမႂ်းဢမ်ႇၸၢင်ႈႁဵတ်းၵေႃႉၽႂ်ၼၼ်ႉ

ႁဵတ်းၵေႃႉပပ်ႉလိၵ်ႈ လဵပ်ႈႁဵၼ်းဢဝ်တၢင်းႁူႉတီႈမၼ်းလႄႈ 

မၼ်းတေယိုၼ်ႈထႅမ်ပၼ်တၢင်းႁူႉမႂ်ႇမႂ်းၶိုၼ်းထႅင်ႈသေ

တိုၼ်းႁၢင်ႈလီယဝ်ႉ။

မိူဝ်ႈမႂ်းဢမ်ႇၸၢင်ႈယုမ်ႉၼႄၽႂ်ၵေႃႉလႂ်ၼၼ်ႉ

ၶတ်းၸႂ်သွၵ်ႈတၢင်းယုမ်ႉၼႂ်းပပ်ႉ သေယုမ်ႉၼႄ

လုမ်ႈၾႃႉလႄႈ တၢင်းယုမ်ႉမႂ်းတေဝၢၼ်တဵမ်ထူၼ်ႈ

တိုၼ်းႁၢင်ႈလီယဝ်ႉ။

မိူဝ်ႈမႂ်းဢမ်ႇမီးပပ်ႉလိၵ်ႈသင်ၵႅမ်တူဝ်ၼၼ်ႉ

ပၼ်ၶၢဝ်းယၢမ်းၶဝ်ႈလၢၼ်ႉပပ်ႉလိၵ်ႈ ဢမ်ႇၼၼ်

ၶဝ်ႈႁူင်းတူၺ်းလိၵ်ႈ ယွၼ်းႁိမ်ပပ်ႉတႆးၵေႃႉၸိူဝ်းၼႆႉ ဢွင်ႈ ဢၼ်ႁဝ်းၸၢင်ႈသုိဝ်ႉၶၢတ်ႇႁိမ်ပပ်ႉၵႅမ်တူဝ်ဝႆႉၼႆ 

တိုၼ်းႁၢင်ႈလီယဝ်ႉ။

မိူဝ်ႈမႂ်းဝူၼ်ႉသင်ဢမ်ႇပဵၼ်သင်ယူႇၼၼ်ႉ

ပေပၼ်တၢင်းဝူၼ်ႉမႂ်းၵႂႃႇထင်လၢဝ်ႉၵႆ သွၵ်ႈႁႃဝူၼ်ႉၶိုၼ်း

တၢင်းႁူႉႁၼ် ၼႂ်းပပ်ႉလိၵ်ႈတီႈယၢမ်ႈလူမႃးသေသွၵ်ႈႁႃလွၼ်ႉမွၼ်းၽွၼ်းလီမၼ်းလူး တိုၼ်းႁၢင်ႈလီယဝ်ႉ။

မိူဝ်ႈမႂ်းဢွၵ်ႇၸႂ်ၶႂ်ႈလဵၼ်ႈၵဵမ်းၸိူင်းတိုၵ်းယူႇၼၼ်ႉ

ပိၼ်ႇလႅၵ်ႈသွၵ်ႈႁႃပပ်ႉလိၵ်ႈ ဢၼ်တေၸၢင်ႈလႅၵ်ႈလၢႆႈ

ၸၢတ်ႈပၢၼ်မႂ်းဝၼ်းမိူဝ်းၼႃႈထႅင်ႈ 5 ပီၼၼ်ႉလႄႈ

တိုၼ်းႁၢင်ႈလီယဝ်ႉ။

မိူဝ်ႈမႂ်းဢမ်ႇမီးတီႈပိုင်ဢိင်ၸႂ်ယႂ်ႇၽႂ်လႆႈၼၼ်ႉ

သွၵ်ႈဝူၼ်ႉႁႃတၢင်းႁူႉၼႂ်းပပ်ႉလိၵ်ႈ ဢၼ်တေၸၢင်ႈ 

ပဵၼ်ႁႅင်းဢီး ႁႂ်ႈပိုင်ဢိင်တူဝ်ၸဝ်ႈၵဝ်ႇၶိုၼ်းၼၼ်ႉလႄႈ

တိုၼ်းႁၢင်ႈလီယဝ်ႉ။

မိူဝ်ႈမႂ်းထုၵ်ႇၺႃးပိူၼ်ႈပွႆႇတမ်းဝၢင်းၽႃႈၵႂႃႇၼၼ်ႉ

ၶတ်းၸႂ်ႁၵ်ႉပပ်ႉလိၵ်ႈၵႅမ်ၶၢင်ႈမႂ်းဝႆႉလႄႈ မၼ်းတေယႃပၼ်ၵူႈလွင်ႈဢမ်ႇၵႃးတေၸီႉၼႄပႃးသဵၼ်ႈတၢင်းမႂ်း

တီႈမႂ်းၵိုင်ႇလီႁွတ်ႈၼႆ တိုၼ်းႁၢင်ႈလီယဝ်ႉ ။

မိူဝ်ႈမႂ်းဢမ်ႇမီးသင်တႃႇၽၢၵ်ႇတွၼ်ႈပၼ်ပိူၼ်ႈၼၼ်ႉ

သွၵ်ႈႁႃဢဝ်လွၼ်ႉမွၼ်းတၢင်းႁူႉၼႂ်းပပ်ႉလိၵ်ႈ ၵႂၢမ်းဝၢၼ်ၽၢၵ်ႇတွၼ်ႈပၼ်ၶဝ်လႄႈ တေလႆႈၽွၼ်းလီမၼ်း

ၼင်ႇၵၼ်သေ တိုၼ်းႁၢင်ႈလီယဝ်ႉ။

မိူဝ်ႈမႂ်းၶႂ်ႈမီးပိုၼ်ႉႁူႉပၢႆးႁၼ်လၢႆသမ်ႇလၢႆပိူင်ၼၼ်ႉ

ယႃႇပေၵုမ်ႇမိုင်ႉသွၵ်ႈႁႃၼႂ်းဢွင်ႈ Facebook ၵူၺ်း

ဝူၼ်ႉသွၵ်ႈႁႃဢွင်ႈတီႈမီးၶေႃႈမုၼ်းတဵမ်ထူၼ်ႈ မိူၼ်ၼင်ႇ ၼႂ်း Google ၼႆႉလႄႈ တိုၼ်းႁၢင်ႈလီယဝ်ႉ။

မိူဝ်ႈမႂ်းၶႂ်ႈပွင်ႉထႃႉလႃႇသေၵေႃႉၵေႃႉၼၼ်ႉ 

ၵဵပ်းသိမ်းတႅမ်ႈမၢႆဝႆႉၼႂ်းပပ်ႉလိၵ်ႈ ႁႃလၢႆးၵႄႈမၼ်းလႄႈ ယႃႇပေၵႂႃႇပိုတ်ႇလၢတ်ႈၼႄၼႂ်း Facebook ယူႇမၼ်း

ဢမ်ႇၸိုဝ်ႈတီႈ ပိုတ်ႇဢူၵ်းၸႂ် ႁႂ်ႈသူႁၢၼ်ႉၸႂ်ပဵင်းပေႃးလႄႈ

လႆႈၶေႃႈတွပ်ႇမၼ်း ပိူၼ်ႈၵေႃႈတေသုၵ်ႉယုင်ႈၸွမ်းၵူၺ်း  ၵၢၼ်ၸႂ်လမ်ၼႆႉ မိူၼ်လဵၵ်းတွၵ်ႇယဝ်ႉ ပေႃးၶိုၼ်းထွၼ်ၼႆ ယင်းၵိုတ်းႁွႆးမၼ်းယူႇၼႆ ယႃႇလိုမ်းၽၢင်ႈႁၢင်ႈၸိူင်ႉၼႆ 

တိုၼ်းဢမ်ႇႁၢင်ႈလီလႆႈ ယွၼ်ႉၼၼ်ယိူၼ်ႉသေတႅမ်ႈ

မၢႆတီႈၵိုင်လီတႅမ်ႈလႄႈဝူၼ်ႉတူၺ်းလွင်ႈထုၵ်ႇလီပဵၼ် လီႁဵတ်းၼႆ တိုၼ်းႁၢင်ႈလီယဝ်ႉ။

လိုၼ်းသုတ်းတႄႉ ၶႂ်ႈႁႂ်ႈၵေႃႉၶဝ်လႆႈၶဝ်ႈၸူးမိုတ်ႈသူင်

ပပ်ႉလိၵ်ႈ ႁဵတ်းၵေႃႉ ပပ်ႉလိၵ်ႈ ပိုင်ဢိင်တၢင်းႁူႉၼႂ်းလိၵ်ႈ

သွၵ်ႈႁႃ ပိုၼ်ႉႁူႉၼႂ်းပၢၼ် Social Media သေ လိူၵ်ႈႁႃ

လွင်ႈဢၼ်ထုၵ်ႇလီႁဵတ်း ႁဵတ်းလွင်ႈဢၼ်တေမေႃႁၼ်လီၼိူဝ်ပုၼ်ႈပိူၼ်ႈသူႁဝ်းႁၢင်ႈလီၼင်ႇၵၼ်ၵႂႃႇသေၵမ်းၼႆ။

ၸင်ႇၽၢၵ်ႇပၼ်ၵေႃႉလူလိၵ်ႈႁၢင်ႈလီၼင်ႇၼႆၵူၺ်း.........

ၶူၼ်ႉဝူၼ်ႉတႅမ်ႈ- #J1Hurng

https://www.facebook.com/1Hurng