"ယိူင်းမၢႆ" AMBITION

|ယွၼ်ႉမီးယိူင်းမႆၢလႄႈ ၸၢတ်ႈပၢၼ်ၵေႃႈ မီးၵႃႈၶၼ် မီးတၢင်းသိူဝ်းၸႂ်မႃးယူႇ။ ၵူႊဝၼ်း" လွင်ႈႁဵတ်းသၢင်ႈၸိူဝ်းၼႆႉၵေႃႈ ယွၼ်ႉၶႂ်ႈထိုင်တီႈဢၼ်မုင်ႈမွင်ႈ ယိူင်းဢၢၼ်းဝႆႉၼၼ်ႉယဝ်ႉ။ 

ၼင်ႇႁိုဝ်တေထိုင်တီႈယိူင်းမၢႆ ဢၼ်ႁဝ်းယိူင်းဢၢၼ်းဝႆႉၼၼ်ႉ မၼ်းၼႆၵေႃႈ မီးသဵၼ်ႈတၢင်းယူႇ။ 

1. တမ်းဝၢင်းယိူင်းမႆၢႁႂ်ႈ ၸႅင်ႈလႅင်း 

ၶႂ်ႈႁႂ်ႈၸၢတ်ႈပၢၼ်ပဵၼ်ၸိူင်ႉႁိုဝ် ၶႂ်ႈယူႇသဝ်းၸိူင်ႉႁိုဝ် ၸဝ်ႈၵဝ်ႇလူဝ်ႇႁူႉႁႂ်ႈၸႅင်ႈလႅင်းယဝ်ႉ လွင်ႈႁူႉဝႃႈၶႂ်ႈႁႂ်ႈၸၢတ်ႈပၢၼ် ၽဝၸဝ်ႈၵဝ်ႇ ပဵၼ်ၸိူင်ႉႁိုဝ်ၼႆႉ ပဵၼ်မိူၼ်ၼင်ႇ သဵၼ်ႈတၢင်း ဢၼ်တေယၢင်ႈပႆၵႂႃႇတၢင်းၼႃႈ ယဝ်ႉ။

2. တႅမ်ႈဝႆႉလႄႈ 

မိူဝ်ႈႁုႉဝႃႈယိူင်းမႆၢမီးဝႆႉၸိူင်ႉႁိုဝ် ၶႂ်ႈႁႂ်ႈၽဝၸၢတ်ႈပၢၼ်ပဵၼ်ၸိူင်ႉႁိုဝ်ယဝ်ႉၼၼ်ႉ တႅမ်ႈသႂ်ႇၼႂ်းပပ်ႉ မႆၢတွင်းႁိုဝ် ဢမ်ႇၼၼ်တႅမ်ႈသႂ်ႇၸေႈမၢင်ၼိုင်ႈလႄႈ ပႃႉတိတ်းၸပ်းဝႆႉတီႈဢၼ်တေႁၼ်လႆႈငၢႆႈသေ ၵႆႉ"လူပၼ် လႄႈ တေႁဵတ်းႁႂ်ႈႁဝ်းမီးတၢင်းၶတ်းၸႂ် မီးႁႅင်းၸႂ် ၶႂ်ႈႁဵတ်းသၢင်ႈ မိူဝ်ႈၽွင်းႁႅင်းၸႂ်တူၵ်း ၶႂ်ႈႁဵတ်းသၢင်ႈႁႂ်ႈထိုင်တီႈဢၼ်ယိူင်းဝႆႉၼၼ်ႉယူႇ။ 

3. လၢတ်ႈၼႄၵူၼ်းသေ ၵေႃႉ"လႄႈ 

လွင်ႈယိူင်းမႆၢဢၼ်ႁဝ်းတမ်းဝၢင်းဝႆႉၼၼ်ႉ သင်လၢတ်ႈၼႄ ဢူၺ်းၵေႃႉ ႁိုဝ် ၵူၼ်းၼႂ်းမုင်ႉႁေႃႁိူၼ်းႁဝ်းႁိုဝ်  မေႃသွၼ်ႁဝ်းၸိုင် ၶဝ်တေၸၢင်ႈပၼ်တၢင်းႁၼ်ထိုင် လၢတ်ႈပၼ်သဵင်ႈတၢင်းႁဝ်းယူႇ ယိူင်းမႆၢဢၼ်တမ်းဝၢင်းဝႆႉၼၼ်ႉၵေႃႈ တေမီးတိုဝ်ႉတၢင်းတႃႇႁဵတ်းသၢင်ႈ လႄႈ ပဵၼ်မႃးလွင်ႈတေႉယူႇယဝ်ႉ။ 

4. ႁဵတ်းသၢင်ႈလွင်ႈငႆၢႈ ဢွၼ်တၢင်းလႄႈ 

မိူဝ်ႈၽွင်ႈသိုပ်ႇၶၢဝ်းတၢင်းယိူင်းမႆၢၼၼ်ႉ တေလႆႈတမ်းဝၢင်းဝႆႉ ၶၢဝ်းပွတ်း လႄႈ ၶၢဝ်းယၢဝ်းယိူင်းမႆၢသေ တေလႆႈႁဵတ်းသၢင်ႈၵႂႃႇယူႇဝၼ်း"လႄႈ ယိူင်းမႆၢဢၼ်တမ်းဝၢင်းဝႆႉၼၼ်ႉ တေၸၢင်ႈပဵၼ်ၶၢဝ်းတၢင်းၵႆၼႆလႄႈ လူဝ်ႇလႆႈမီးတီႈတႃႇလိုဝ်ႈႁိုဝ်ႉသေ ဢဝ်ႁႅင်းၸႂ်သိုပ်ႇၵႂႃႇတၢင်းၼႃႈယူႇ သင်ယိူင်းမၢႆပဵၼ်ၶၢဝ်းတၢင်းၵႆၸိုင် တေႇႁဵတ်းလွင်ႈငႆၢႈ" လွင်ႈဢွၼ်ႇ" မၼ်းဢွၼ်တၢင်းလႄႈ ၵူၼ်းၵေႃႉႁဵတ်းသၢင်ႈလွင်ႈဢွင်ႇမၢၼ်လဵၵ်ႉ"ၼႆႉ ပဵၼ်ၵေႃႉဢၼ်ႁၢင်ႈႁႅၼ်းတႃႇလွင်ႈဢွင်ႇမၢၼ်လူင်"ၼၼ်ႉယဝ်ႉ ။

5. ႁူမ်ၸူမ်းၸွမ်း လွင်ႈႁဵတ်းသၢင်ႈၸဝ်ႈၵဝ်ႇလႄႈ 

လွင်ႈႁဵတ်းသၢင်ႈၵူႊဝၼ်း" လွင်ႈဢွင်ႇမၢင်ႇၵူႊဢၼ်" ၼၼ်ႉ သင်ႁူမ်ၸူမ်းၸွမ်း မၢၵ်းမၼ်ႈၸွမ်းၸိုင် တေပဵၼ်ႁႅင်းၸႂ်တေမီးႁႅင်းၸႂ် မီးလွင်ႈယုမ်ႇယမ်တူဝ်ၵဝ်ႇမႃးလႄႈ မီးတၢင်းၶႆႈၸႂ် သေၶတ်းၸႂ် ႁဵတ်းသၢင်ႈ တွၼ်ႈတႃႇၸၢတ်ႈပၢၼ်ဢၼ်ၶႂ်ႈပဵၼ် ဢၼ်မုင်ႈမွင်း ဢၼ်တမ်းဝႆႉယိူင်းမႆၢၼၼ်ႉယူႇ ။ 

ႁႂ်ႈႁွတ်းထိုင်ယိူင်းမႆၢၽႂ်မၼ်းသေၵမ်း ။ 

တႅမ်ႈ >>>  ငိုၼ်းသႅင်(မိူင်းၽူင်း)