ၶၢဝ်းတၢင်း ၼႂ်းၵႄႈလပ်းသိင်ႇ

တီႈလပ်းသိင်ႇၼၼ်ႉ ယွၼ်ႉဢမ်ႇမီးသႆၢႁိူင်ႈလႅင်းလေႈၸင်ႇလႆႈလပ်းသိင်ႇယဝ်ႉ။ ၼႂ်းတၢင်းၽွင်းႁဝ်းတိုၵ်ႉဝူၼ်ႉလွင်ႈဢမ်ႇလီ လႄႈလွင်ႈထၢင်ႇထိူမ်တူဝ်ၵဝ်ႇ ဢၼ်မီးယူႇၼႂ်းၸႂ် သူၼၼ်ႉၵေႃႈ တေဢမ်ႇပဵၼ်မႃးတၢင်းဝူၼ်ႉလီလီဢၼ်ႁိူဝ်ႈလႅင်းပိူင်းပၼ်ၼၼ်ႉလႆႈ။ 

ၵွပ်ႈၼႆ မိူဝ်ႈသူၼွၼ်းလုၵ်ႉမႃးယၢမ်းၵၢင်ၼႂ်ၸဝ်ႉၼၼ်ႉ ထုၵ်ႇလီဢဝ် ၶေႃႈၵႂၢမ်း 5 ၶေႃႈၼႆႉ လၢတ်ႈတေႃႇတူဝ်သူၶိုၼ်းၵူႈယၢမ်းယူႇ။ 

1. ႁဝ်းယိၼ်းၸူမ်းတီႈမီးတိူဝ်ႉတၢင်းလႆႈ သိုပ်ႇမီးသႆၢၸႂ်ယူႇၵႂႃႇလႆႈထႅင်ႈၼႂ်းဝၼ်းမိူဝ်ႈၼႆႉ။ 

2. ၵူႈလွင်ႈတီႈဢၼ်ႁဝ်းလႆႈႁဵတ်းသၢင်ႈမႃးၸိူဝ်းၼၼ်ႉ ပဵၼ်တွၼ်ႈတႃႇတေႁဵတ်းႁႂ်ႈၸၢတ်ႈပၢၼ်ႁဝ်းၶိုၼ်ႈယႂ်ႇယူႇ။ 

3. လွင်ႈသဵင်ႇတႃႉ ဢၼ်တေၶဝ်ႈမႃးၼႂ်ႈၸၢတ်ႈပၢၼ်ႁဝ်းၼၼ်ႉၵေႃႈ ႁဝ်းမီးၼမ်ႉၵတ်ႉတႃႇၶၢမ်ႈပူၼ်ႉမၼ်းလႆႈယူႇ။ 

4. တေႃႈလဵဝ်ႁဝ်းပႆႇထိုင်ယိူင်းမႆၢ ဢၼ်ႁဝ်းၶႂ်ႈလႆႈ ၶႂ်ႈပဵၼ်ၼၼ်ႉၼႆသေၵေႃႈ ႁဝ်းယင်းမီးလွင်ႈၶိုၼ်ႈယႂ်ႇ ၶိုပ်ႈၼႃႈမႃးၵူႈဝၼ်းယူႇ။ 

5. ႁဝ်းမီးလွင်ႈၵႅၼ်ႇၶႅင်မႃးၵူႈဝၼ်း လႄႈ သိုပ်ႇၼႆႉၵႂႃႇယုမ်ႇယမ်ဝႃႈ ဝၼ်းလီလီ တွၼ်ႈတႃႇႁဝ်းတေမီးမႃးထႅင်ႈတၢင်းၼမ်ယူႇ။ 

မိူဝ်ႈၽွင်းသူထူပ်းလွင်ႈဢမ်ႇလီ၊ လွင်ႈၸႂ်တူၵ်း၊ မီးလွင်ႈထၢင်ႇထိူမ်ၼိူဝ် တူဝ်ၵဝ်ႇၼၼ်ႉ ဢဝ်ၶ ၶေႃႈၵႂၢမ်းၸိူဝ်းၼႆႉသေ ၸုၵ်းယူႇၽၢႆႇၼႃႈတူၺ်းၼႂ်းမၢၼ်ႇၸမ်ႈသေ လၢတ်ႈတေႃႈပၼ်ႁႅင်းၸႂ်တူဝ်ၵဝ်ႇၶိုၼ်းတူၺ်းလႄႈ။ 

ပဵၵ်ႉသမ်ႉဝႃႈ သူပႆႇယုမ်ႇလႆႈ ႁူဝ်ပၢၵ်ႇ 💯%တဵမ်ၼႆသေတႃႉၵေႃႈ ၶေႃႈၵႂၢမ်းၸိူဝ်းၼႆႉ ၸၢင်ႈတေပဵၼ်ႁႅင်းဢီး ပၼ်ႁႅင်းၸႂ်သူတႃႇထိုင်တီႈယိူင်းဢၢၼ်းဢၼ်သူၶႂ်ႈပဵၼ်ၼၼ်ႉယူႇ ၽိုၵ်းႁဵတ်းတူၺ်းလႄႈ ဝၼ်းၼိုင်ႈမႃး သူတေမီးလွင်ႈယုမ်ႇၼိူဝ်တူဝ်ၵဝ်ႇမႃးယူႇ။ 

မၼ်းတေပဵၼ်ယႃလီလီဢွၼ်ႇ ၽွင်းမိူဝ်ႈႁဝ်းၸႂ်တူၵ်း၊ မိူဝ်ႈမီးလွင်ႈၶွင်ႉၶမ် လွင်ႈလူႉသုမ်း။ ၽွင်းမိူဝ်ႈႁဝ်းတိုၵ်ႉတူၵ်းမီးယူႇတီႈၼႂ်းၵႄႈလပ်းသိင်ႇၼၼ်ႉ မၼ်းတေပဵၼ်သႆၢႁိူဝ်ႈလႅင်းတွၼ်ႈတႃႇသူတေသိုပ်ႇၶၢဝ်းတၢင်းၼၼ်ႉၵႂႃႇယူႇဢိူဝ်ႈ။

ယုမ်ႇယမ်ဝႃႈဝၼ်းမိူဝ်ႈၽုၵ်ႈၵၢင်ၼႂ်ၼႆႉ ၽူႈၸိူဝ်းဢၼ်ၶႂ်ႈလႅၵ်ႈလၢႆႈၶၢႆႉၸူးတီႈလႅင်းၼၼ်ႉ သူၶဝ်တေတေႇထႅမ်သၢင်ႈၶေႃႈထၢမ်ၸိူဝ်းၼႆႉ တေႇသၢင်ႈထိုင်တီႈတူဝ်သူၶဝ်ယူႇၼႆယုမ်ႇယမ်ၼင်ႇၼႆသေ ၽၢၵ်ႇထိုင်ၽူႈၸိူဝ်းၶႂ်ႈလႅၵ်ႈလၢႆႈၶဝ်ယူႇဢေႃႈ။

#ငိုၼ်းသႅင်(မိူင်းၽူင်း)