လူလိၵ်ႈလႄႈ

ဢမ်ႇတၢပ်ႈလူဝ်ႇပၼ်ႇၵမ်ႇၽႃႇလေႃႇၼႃႈသင်ဝႃႈလူလိၵ်ႈၼႆႈႁူႉႁၼ်လႆႈၵူႈဢၼ်ယဝ်ႉ။မေႃပိင်ႇၺႃႇဝႆႉယူႇသေတႃႉသင်ဢမ်ႇလူလိၵ်ႈၸိုင်ပိင်ႇၺႃႇဢၼ်လႆႈသွၼ်ဝႆႉၼၼ်ႉၵေႃႈသုမ်းလၢႆၵူၺ်း။

ယွၼ်ႉလူလိၵ်ႈသေၸၢင်ႈႁဵတ်းႁႂ်ႈသူမေႃၸႅၵ်ႇၽႄလွင်ႈၽိတ်းလႄႈလွင်ႈထုၵ်ႇဢေႃႈ။ လွင်ႈလူလိၵ်ႈၼႆႉလႆႈပၢႆးႁူႉႁၼ်သေဢမ်ႇၵႃးၸၢင်ႈမေႃႁဵတ်းႁႂ်ႈၸႂ်ၸဝ်ႈၵဝ်ႇလႅၵ်ႈလၢႆႈၵႂႃႇဢေႃႈ။ ပပ်ႉလိၵ်ႈၼႆႉပဵၼ်ၵေႃႉလီတႃႇၸဝ်ႈၵဝ်ႇသေဢၼ်ပၼ်လႆႈတၢင်းႁူႉပိင်ႇၺႃႇလိူဝ်သေဢူၺ်းလီၼၼ်ႉပဵၼ်လိၵ်ႈလၢႆးယဝ်ႉ။ယွၼ်ႉၼၼ်လူပၼ်လိၵ်ႈၼမ်ၼမ်လႄႈလွင်ႈလူလိၵ်ႈၼႆႉၸၢင်ႈႁဵတ်းႁႂ်ႈၺၢၼ်ႇႁၼ်လႅင်းမႃးဢေႃႈ။ သင်ဢမ်ႇလႆႈၵိၼ်ၶဝ်ႈၸိုင်တေဢိုပ်းၼိုင်ႈဝၼ်းၵူၺ်းသင်ဢမ်ႇလူလိၵ်ႈၸိုင်ၸၢင်ႈႁဵတ်းႁႂ်ႈဢိုပ်းတႃႇတၢင်းၸူဝ်ႈဢေႃႈ။

ဢဵၼ်ႁႅင်းလူလိၵ်ႈၼႆႉၸၢင်ႈႁဵတ်းႁႂ်ႈၽဝၸဝ်ႈၵဝ်ႇၶိုၼ်ႈယႂ်ႇမုၼ်းလႅင်းမႃးဢေႃႈ။ၽဝၼႆႉသင်ဝႆႉမိူၼ်ၼင်ႇတူၼ်ႈမႆႉသေႁူတ်းၼမ်ႉပၼ်ၵူႈဝၼ်းၸိုင်ၸၢင်ႈမီးမႃးမွၵ်ႇမၢၵ်ႇႁၢင်ႈလီလီဢေႃႈ။ တွၼ်ႈတႃႇတေၵတ်းယဵၼ်ၶျၢမ်းသႃႇဝၼ်းၼႃႈၼၼ်ႉလဵပ်ႈႁဵၼ်းလိၵ်ႈလၢႆးၼမ်ၼမ်လႄႈ။ႁၼ်လိၵ်ႈသင်ၵေႃႈယဝ်ႉၵဵပ်းလူတူၺ်းလႄႈလွင်ႈလူၼႆႉၸၢင်ႈႁဵတ်းႁႂ်ႈၽဝသူလႅၵ်ႈလၢႆႈၼႆယုမ်ႇယမ်လႄႈယဝ်ႉၵေႃႈႁဵတ်းတူၺ်းတူဝ်ထူပ်းလႄႈ။တွၼ်ႈတႃႇတေလႅၵ်ႈလၢႆႈတူဝ်ၵဝ်ႇၼၼ်ႉလူလိၵ်ႈလႄႈ၊ မိူဝ်ႈပႆႇလၢတ်ႈၼၼ်ႉထွမ်ႇၵွၼ်ႇလႄႈ၊ မိူဝ်ႈပႆႇယွၼ်းသူးၼၼ်ႉယုမ်ႇယမ်ၵွၼ်ႇလႄႈ၊မိူဝ်ႈပႆႉၸႂ်ႉငိုၼ်းၼၼ်ႉႁႃငိုၼ်းၶဝ်ႈၵွၼ်ႇလႄႈ၊ မိူဝ်ႈပႆႈတႅမ်ႈသေဢၼ်ဢၼ်ၼၼ်ႉဝူၼ်ႉလီလီသေၵွၼ်ႇလႄႈ၊ မိူဝ်ႈပႆႇယွမ်းသုမ်းၼၼ်ႉၶတ်းၸႂ်သေၵွၼ်ႇလႄႈ၊ၸူဝ်ႈပႆႇတၢႆၼႆႉၸုၵ်းမၼ်ႈယူႇသၢင်ႈသဝ်းၵႂႃႇႁႂ်ႈမီးၽွၼ်းလီလႄႈ။

                                                    ပိၼ်ႇတႅမ်ႈ #ၵွၼ်