"ၸၢႆးၸၢႆးၸၢမ်းတူၺ်းလူး တီႈႁိူၼ်းႁဝ်းပၼ်မႃး။ မၢၵ်ႇၵႅမ်ႈၶွင်ႇႁူၺ်ႇၼိူင်ႈ။ လႅပ်ႈဝၢၼ်တေႉယဝ်ႉ။
"ႁဝ်းၵေႃႈၶႂ်ႈၵိၼ်ယဝ်ႉ ၼွင်ႉၼွင်ႉမႅင်ႇပၼ်ႁဝ်းၽၢႆႇၼိူင်ႈလႄႈလႃႈ"။
"ႁိူမ်ႉ...!
ပဵၼ်သင်ႁဝ်းတေလႆႈမႅင်ႇပၼ်သူလႃႇမၢၵ်ႇၵႅမ်ႈၶွင်ႇဝၢၼ်ပေႃးတၢၼ်ႇၼႆႉ သင်ဝႃႈႁဝ်းပၼ်သူ ႁဝ်းတေလႆႈၵိၼ်ဢိတ်းၼိူင်ႈ ၵွၺ်းယဝ်ႉဢိူဝ်ႈ"။
"ၼွင်ႉၼွင်ႉ တၢင်းယၢမ်ႈသူၼႆႉ ပႅတ်ႈလၢႆတေႉယဝ်ႉ ပေႃးဝႃႈသူဢမ်ႇၶႂ်ႈလဵင်ႉႁဝ်းသူသမ်ႉတေမႃးၼႄႁဝ်းႁဵတ်းသင်။ ယၢမ်းလဵဝ်ႁဝ်းလႆႈႁၼ်ယဝ်ႉ ႁဝ်းၵေႃႈၶႂ်ႈၵိၼ်ဢိူဝ်ႈ"။
"တၢႆလႃႈ! ႁဝ်းဢမ်ႇလဵင်ႉ"။
ၸၢႆးၸၢႆးၼႆႉဢမ်ႇမိူၼ်တၢင်ႇၵေႃႉ။
ၽွင်းယၢမ်းၼၼ်ႉ ၸၢႆးၸၢႆးၵေႃႈ ဝူၼ်ႉဢၢၼ်းတေႁိမ်ၵိၼ်ဢဝ် မၢၵ်ႇၵႅမ်ႈၶွင်ႇတီႈၼွင်ႉၼွင်ႉယဝ်ႉ။
"သင်ဢမ်ႇလဵင်ႉ ႁဝ်းတေႁိမ်ဢဝ်ဢိူဝ်ႈ။ ႁိမ်ဢဝ်မၢၵ်ႇၵႅမ်ႈၶွင်ႇသေလႅၼ်ႈပၢႆႊယဝ်ႉ။ ၼွင်ႉၼွင်ႉၵေႃႈႁွင်ႉႁႆႈယဝ်ႉ"။
ယွၼ်ႉပိူဝ်ႈမၼ်းၶႂ်ႈသမ်ႇၶႂ်ႈမႅၼ်လႄႈမၼ်းၵေႃႈလႆႈၶၢမ်ႇၸိူင်ႉၼၼ်ယဝ်ႉ။
"ၼွင်ႉၼွင်ႉၵေႃႈ ၵႂႃႇလၢတ်ႈၼႄတီႈမေႃသွၼ်ၶဝ်ယူႇယဝ်ႉ"။
ၵွပ်ႈဝႃႈမေႃသွၼ်ၶဝ်ၵေႃႈလွင်ႈတၢင်းၸိူင်ႉႁိုဝ်ၼႆလႆႈႁုၸွမ်းမူတ်းယဝ်ႉလႄႈ။
ၸွင်ႇပၼ်တၢမ်ႇၸႂ်ႉၸၢႆးၸၢႆး ငွမ်လုၵ်ႉ(လုၵ်ႉၼင်ႈ) 50 ၵမ်းယဝ်ႉ။ ယဝ်ႉၵေႃႈ မေႃသွၼ်ၶဝ်ၸင်ႇၶိုၼ်းသိုပ်ႇသင်ႇသွၼ်လုၵ်ႈႁဵၼ်းမၼ်းၵႂႃႇဝႃႈ။
"ယၢမ်းၼႆႉမေႃသွၼ်ၵေႃႈ လႆႈငိၼ်း ၸၢႆးၸၢႆးလႄႈ ၼွင်ႉၼွင်ႉလၢတ်ႈၵၼ်တင်းမူတ်းယဝ်ႉ။
ၼွင်ႉၼွင်ႉၼႆႉမၼ်းတင်ႈၸႂ်ၼႄ ၵၢၵ်ႇၵႅမ်ႈၶွင်ႇႁႂ်ႈၸၢႆးၸၢႆးႁၼ်။
ယဝ်ႉၵေႃႈလၢတ်ႈၼႄလွင်ႈဝၢၼ်မၼ်းၼႄ ၸၢႆးၸၢႆးယဝ်ႉ ထိုင်တီႈဢမ်ႇယိူၼ်ႉလႆႈလႄႈထိုင်တီႈပေႃးလႆႈႁိမ်ဢဝ်ယူႇယဝ်ႉ။
တီႈတေႉမၼ်းၼွင်ႉၼွင်ႉၵေႃႈ ဢမ်ႇၵၢင်းတၢင်းၽိတ်းယဝ်ႉ။ ၼွင်ႉၼွင်ႉၵေႃႈလႆႈၶၢမ်ႇၶိုၼ်းလွင်ႈတၢင်းမိူၼ်ၼႆယဝ်ႉ။
လုၵ်ႈႁဵၼ်းၶဝ်ၵေႃႈထုၵ်ႇလီတွင်းဝႆႉဢိူဝ်ႈ။
"ၵၢပ်ႈပၢၼ်မိူဝ်ႈလဵဝ်ၼႆႉ ၽူႈယိင်းၵေႃႈ တႃႇႁႂ်ႈၽူႈၸၢႆးၶဝ်ႁၼ်ၼၼ်ႉ ၼုင်ႈသိူဝ်ႈပွႆႇဢူၵ်းၼုင်ႈသိၼ်ႈပွႆႇၶႃမႃးၼုင်ႈ ပိတ်း"ပွတ်း"ဢမ်ႇႁူမ်ႇလူမ်ႈမႃး။ မိူၼ်ၵၼ်တင်း မၵ်ႇၵႅမ်ႈၶွင်ႇမိူဝ်ႈၵႆႈၼၼ်ႉယဝ်ႉ။
"ဢမ်ႇၶႂ်ႈပၼ်ပိူၼ်ႈၵိၼ်လႄႈသမ်ႉၼႄႁႂ်ႈပိူၼ်ႈ ႁၼ်ၼၼ်ႉ မိူၼ်ၵၼ်တင်းႁဝ်းၽိတ်ႈမွၵ်ႇၽေးၶဵၼ်မႃးၸူးတူဝ်ႁဝ်းၶိုၼ်းၼၼ်ႉၵွၺ်းယဝ်ႉ။
ၵွပ်ႈပိူဝ်ႈၸိူင်ႉၼႆလႄႈ သင်ဝႃႈဢွၼ်ႇယိင်းၶဝ်ထိုင်ပၢၼ်ၵေႃႉယႂ်ႇမႃးၼႆ ႁႂ်ႈမေႃၼုင်ႈၶူဝ်းဢၼ် ႁူမ်ႇ"လူမ်ႈ"ဢိတ်းၼိူင်ႈ မေႃသွၼ်ၶႂ်ႈသင်ႇၸိူင်ႉၼႆ။
"ဢေႃႈၶႃႈ မေႃသွၼ်"။
ဢေႁဝ်းၶဝ်တေၼုင်ႈ ၶူဝ်းႁူမ်ႇ"လူမ်ႈ"ၵူၺ်းၶႃႈ။ ဝႃႈၼႆသေၼႆႉပဵၼ်တွၼ်ႈသွၼ်တီႈဝႃႈ ပေႃးဢမ်ႇၶႂ်ႈလဵင်ႉယႃႇပေၼႄၼႆဝႆႉယူႇယဝ်ႉ။
ပိၼ်ႇတႅမ်ႈ-ၼုမ်ႇ/ဝယ
0 Comments