ပေၸႂ်လဵၵ်ႉယဝ်ႉလူလိၵ်ႈလႄႈ

 

မိူဝ်ႈၽွင်းပႆႇပႄႉတူဝ်

        မိူဝ်ႈၽွင်းတိုၵ်ႉလႆႈယိုၼ်းမိုဝ်း ယွၼ်းပေႃႈမႄႈၼၼ်ႉၽိူဝ်ႇတေၵိူၼ်ႉပေႃႈမႄႈ တုၵ်းပေႃႈမႄႈယူႇ ၼၼ်ႉ တႃႉလူလိၵ်ႈထႃႈလေႃႇ တေမီး ၽွၼ်းတႃႇၽဝၸဝ်ႈၵဝ်ႇမိူဝ်းၼႃႈဢိူဝ်ႈ။

        ၸဝ်ႈၵဝ်ႇလူလိၵ်ႈၼၼ်ႉ ယႃႇပေလူႁႂ်ႈမၼ်းၸဵဝ်းယဝ်ႉလွင်ႈလဵဝ်၊လူႁႂ်ႈပွင်ႇၸႂ်လီꧦလႄႈ၊ လူယဝ်ႉဝူၼ်ႉၸွမ်းလႄႈ၊ လူယဝ်ႉထတ်းသၢင်ႈတူၺ်း တႄႇတီႈတူဝ်ၸဝ်ႈၵဝ်ႇ ၵႂႃႇလႄႈ၊ 

ၵွပ်ႈလူဝႆးသေ ယဝ်ႉၵႂႃႇၼိုင်ႈဝၼ်းၼိုင်ႈပပ်ႉယူႇ၊ ၵူၺ်းၵႃႈသမ်ႉဢမ်ႇလႆႈ တၢင်းႁူႉ တၢင်းဝူၼ်ႉ တၢင်းၶႆႈၸႂ်ၸွမ်းမၼ်း သေ ၵႃႈႁိုဝ်ၼၼ်ႉ မၼ်းဢမ်ႇလႆႈပွင်ႇဝႃႈ ၸဝ်ႈၵဝ်ႇ မေႃလူလိၵ်ႈတေႉꧦ။

ၸူဝ်ႈပၢၼ်လဵၵ်ႉၵေႃႈယႃႇပေႁႂ်ႈတၢင်းဝူၼ်ႉလႄႈ တၢင်းႁူႉလဵၵ်ႉလႄႈတၢင်းဝူၼ်ႉလုၵ်ႈဢွၼ်ႇၵူၺ်း ၼႆၼၼ်ႉ ယႃႇပေႁႂ်ႈပိူၼ်ႈလႆႈဝႃႈ၊  သင်ဝႃႈလူလိၵ်ႈလႄႈတၢင်းဝူၼ်ႉတၢင်းၶႆႈၸႂ် ၸွင်ႇတေယႂ်ႇ/တိူဝ်းမႃး ႁႃႉ?ၼႆယႃႇပေထၢမ် လူလိၵ်ႈလႄႈ ၸဝ်ႈၵဝ်ႇတေလႆႈၶေႃႈတွပ်ႇႁင်းၵူၺ်းယူႇ။

        ၵေႃႉဢၼ်ၵႆႉလူလိၵ်ႈၼၼ်ႉၸၢင်ႈပဵၼ် ၵူၼ်းၶိုၼ်ႈယႂ်ႇဢိူဝ်ႈ၊ၵေႃႉဢၼ်ၶိုၼ်ႈယႂ်ႇ ၼၼ်ႉ ယွၼ်ႉၶဝ် လူလိၵ်ႈယဝ်ႉ၊ သင်ၸဝ်ႈ ၵဝ်ႇ ၶႂ်ႈပဵၼ်ၵေႃႉၶိုၼ်ႈယႂ်ႇၵေႃႈလူလိၵ်ႈလႄႈ သင်ဝႃႈလူ လိၵ်ႈၼႆ ၸွင်ႇတေပဵၼ် ၵေႃႉဢၼ်ၶိုၼ်ႈယႂ်ႇ မိူၼ်ၶဝ်ယူႇႁႃႉ?ၼႆ ယႃႇပေထၢမ် လူလိၵ်ႈၵွၼ်ႇလႄႈ ၸဝ်ႈၵဝ်ႇတေလႆႈ ၶေႃႈတွပ်ႇ ႁင်းၵူၺ်းယူႇ။

    ဢၢၼ်းပဵၼ်ၸွမ်သိုၵ်းဢိူဝ်ႈ/ၸွမ်ၸိုင်ႈ ဢိူဝ်ႈ/ပူႇႁဵင်ဢိူဝ်ႈ/ပူႇၵၢင်ႉဢိူဝ်ႈၼႆသေတႃႉ ပေႃးဢမ်ႇလူ လိၵ်ႈၼႆ ပဵၼ်မႃးၵေႃႈ ႁိုဝ်တေမီးၼမ်ႉၵတ်ႉတႃႇႁဵတ်းသၢင်ႈၼႃႈၵၢၼ်ယဝ်ႉလႃႇ၊ သင်ဝႃႈလူလိၵ်ႈလႄႈ ၼမ်ႉၵတ်ႉ ၸဝ်ႈၵဝ်ႇတေတိူဝ်းလိူဝ်မႃးယူႇႁႃႉ?ၼႆ ယႃႇပေထၢမ် လူလိၵ်ႈၵွၼ်ႇလႄႈ ၸဝ်ႈၵဝ်ႇတေလႆႈ ၶေႃႈတွပ်ႇႁင်းၵူၺ်းယူႇ။

        သင်ၶႂ်ႈပဵၼ်ၵေႃႉဢၼ်ပိူၼ်ႈႁၵ်ႉႁွမ်ၼမ်လႄႈ ၵေႃႉမီးၼႃႈတႃၼႂ်းၵႄႈၵၢင်ပိူၼ်ႈၼႆလူလိၵ်ႈလႄႈ၊ ပေႃးလူလိၵ်ႈၼႆ တေၸၢင်ႈပဵၼ်ၵေႃႉဢၼ်ပိူၼ်ႈႁၵ်ႉလႄႈ ၵေႃႉမီးၼႃႈတႃၼႂ်းၵႄႈၵၢင်ပိူၼ်ႈၼၼ်ႉတေႉယူႇႁိုဝ်?ၼႆ ယႃႇပေထၢမ် လူလိၵ်ႈၵွၼ်ႇလႄႈ ၸဝ်ႈၵဝ်ႇ တေလႆႈ ၶေႃႈတွပ်ႇႁင်းၵူၺ်းယူႇ။

        ၸဝ်ႈၵဝ်ႇဢမ်ႇႁၢင်ႈလီလႄႈလီဢၢႆပိူၼ်ႈၼႆႁႃႉ? ယႃႇပေၶီၸႂ် တႃႇႁၢင်ႈၶိူင်ႈပၼ်တူဝ်ၸဝ်ႈၵဝ်ႇၼၼ်ႉ မီးလၢႆးမၼ်းယူႇ ၼၼ်ႉၵေႃႈ လူလိၵ်ႈလႄႈၼႆၵူၺ်း၊သင်ဝႃႈလူလိၵ်ႈလႄႈ ၸဝ်ႈၵဝ်ႇတေႁၢင်ႈ လီမႃး တေႉယူႇႁႃႉ?ၼႆ ယႃႇပေထၢမ် လူလိၵ်ႈၵွၼ်ႇလႄႈ ၸဝ်ႈၵဝ်ႇတေလႆႈ ၶေႃႈတွပ်ႇႁင်းၵူၺ်းယူႇ။

        သင်ၶႂ်ႈႁူႉဝႃႈ ၶဝ်ၼၼ်ႉႁဵတ်းႁိုဝ်သေဢွင်ႇမၢၼ်မႃးၼႆၸိုင် လူလိၵ်ႈလႄႈ၊ သင်ဝႃႈ လူလိၵ်ႈၼႆ ၸွင်ႇတေပဵၼ်ၽူႈဢွင်ႇမၢၼ်မိူၼ်ၶဝ်လႆႈယူႇႁႃႉ?ၼႆ ယႃႇပေထၢမ်လူလိၵ်ႈၵွၼ်ႇလႄႈ ၸဝ်ႈၵဝ်ႇတေလႆႈ ၶေႃႈတွပ်ႇႁင်းၵူၺ်းယူႇ။

        ၸဝ်ႈၵဝ်ႇထူပ်းၺႃးဢူၺ်းၵေႃႉႁၵ်းလင်ၼႆႁႃႉ? ယႃႇပေၶီၸႂ်၊ ဢူၺ်းၵေႃႉလီၸဝ်ႈၵဝ်ႇၵိုတ်းထႅင်ႈယူႇ၊ ၼၼ်ႉၵေႃႈလူလိၵ်ႈလႄႈၼႆၵူၺ်း၊ သင်ဝႃႈလူလိၵ်ႈလႄႈ မီးဢူၺ်းၵေႃႉၸမ်ၸႂ်မႃးတေႉယူႇႁႃႉ? ၼႆ ယႃႇပေထၢမ် လူလိၵ်ႈၵွၼ်ႇလႄႈ ၸဝ်ႈၵဝ်ႇတေလႆႈ ၶေႃႈတွပ်ႇႁင်းၵူၺ်းယူႇ။

   ဢူၺ်းၵေႃႉလီၼၼ်ႉပေႃးမၼ်းၶႂ်ႈႁၵ်းလင်ႁဝ်းၼႆ ၵမ်ႉၼိုင်ႈၵူၺ်းဢိူဝ်ႈ၊ ပပ်ႉလိၵ်ႈ ၼၼ်ႉ မၼ်းဢမ်ႇမေႃႁၵ်းလင်ဢူၺ်းၵေႃႉ မၼ်းၶိုၼ်ႈ၊ တေပဵၼ်ၽူႈၸွႆႈထႅမ်ပၢႆးဝူၼ်ႉလႄႈ တၢင်းၶႆႈၸႂ်ႁဝ်းထႅင်ႈၵွၼ်ႇ ဢိူဝ်ႈ

        သင်ၶႂ်ႈပဵၼ်ၽူႈဢၼ်ပိူၼ်ႈလႆႈပိုင်ႈဢိင်ၼႆႁႃႉ? ပေႃးၼၼ်လူလိၵ်ႈလႄႈ၊ သင်ဝႃႈ လူလိၵ်ႈၼႆ ၸွင်ႇပိူၼ်ႈတေ လႆႈ   မႃးပိုင်ႈဢိင် ႁဝ်းႁိုဝ်?ၼႆ ယႃႇပေထၢမ် လူလိၵ်ႈၵွၼ်ႇလႄႈ ၸဝ်ႈၵဝ်ႇတေလႆႈ ၶေႃႈတွပ်ႇႁင်းၵူၺ်းယူႇ။

        ၶႂ်ႈပဵၼ်ၶူးသွၼ်/ၶႂ်ႈပဵၼ်ၽူႈတႅမ်ႈလိၵ်ႈ/ၽူႈႁေႃတြႃး/ၽူႈတၢၼ်ႈၶႆႈဢၼ်ၵတ်ႉၶႅၼ်ႇၼႆသေသမ်ႉၶၢၼ်ႉလူလိၵ်ႈၼႆ တေႁဵတ်းႁိုဝ်ပဵၼ်လႆႈ၊ ပဵၼ်လႆႈ ၵေႃႈႁိုဝ်ၶႅၼ်ႇလႆႈ၊သင်ဝႃႈလူလိၵ်ႈလႄႈ တေပဵၼ်ၽူႈၵတ်ႉ ၶႅၼ်ႇ မိူၼ်ၶဝ်ၸိူဝ်းၼၼ်ႉယူႇႁႃႉ?ၼႆ ယႃႇပေထၢမ် လူလိၵ်ႈၵွၼ်ႇလႄႈ ၸဝ်ႈၵဝ်ႇတေလႆႈ ၶေႃႈတွပ်ႇႁင်းၵူၺ်းယူႇ။

        မေႃပိင်ႇၺႃႇယဝ်ႉသေ သင်ဢမ်ႇလူလိၵ်ႈၼႆ တၢင်းမေႃႁဝ်းၼၼ်ႉ တေတိူၵ်ႈၵႃႈ ၼၼ်ႉၵူၺ်း၊ တေဢမ်ႇတိူဝ်းလိူဝ်သင်မႃးထႅင်ႈ လွင်ႈလူလိၵ်ႈၼၼ်ႉ မၼ်းတေပဵၼ်ႁႅင်းၵမ်ႉယၼ် တႃႇႁႂ်ႈပိင်ႇၺႃႇႁဝ်း တိူဝ်းလိူဝ်မႃးထႅင်ႈဢိူဝ်ႈ။

        လွင်ႈတၢင်းႁူႉ တၢင်းဝူၼ်ႉ တၢင်းၶႆႈၸႂ် လွင်ႈႁုၼ်ႉၶူဝ် ဢၼ်ႁဝ်းလႆႈလူမႃးၼၼ်ႉ ၽွၼ်းလီလႄႈ တွၼ်ႈသွၼ်မၼ်း တေဢမ်ႇပၼ်လႆႈတီႈလဵဝ်ၵၼ်သေတႃႉ မၼ်းတေပၼ်ၵႂႃႇတီႈလႂ်တီႈၼၼ်ႈယူႇ။

    ၵွပ်ႈၼႆလူလိၵ်ႈၼမ်ꧦလႄႈ လွင်လူလိၵ်ႈၼၼ်ႉ တေႁဵတ်းႁႂ်ႈဢွၵ်းဢေႃႁဝ်းၸႅင်ႈလႅင်းမႃးသေ တၢင်းႁူႉ တၢင်းဝူၼ်ႉတၢင်းၶႆႈၸႂ်ႁဝ်းတေတိူဝ်းလီမႃးလိူဝ်ၵဝ်ႇဢိူဝ်ႈ။

ၵဵပ်းႁွမ်တႅမ်ႈ- #ဢႃးတိတ်ႉ