လိုမ်းမႂ်းယၢပ်ႇ

မၢႆတွင်းၵူႈလွင်ႈယူႇဝႆႉၼႂ်းႁူဝ်ၸႂ်ယဝ်ႉ

📌လိၵ်ႈဢၼ်​​ပေႃႈမၼ်းၸၢႆးထိုင်ၸႂ်ၼႃႇ​​သေတႅမ်ႈဢွၵ်ႇဝႆႉ

​​  ❝ ပေႃႈတင်းမႄႈၶတ်းၸႂ်ႁဵတ်းၵၢၼ်ပုၼ်ႈတႃႇၸၢတ်ႈပၢၼ် လုၵ်ႈၶိုၼ်ႈယႂ်ႇ လႆႈသႂ်ႇႁႅင်းၵႃႈႁိုဝ်​​ၵေႃႈ ဢမ်ႇႁွၼ်ႇႁၼ်ႁိူဝ်ႉ မိူဝ်ႈပႆႇလႆႈတိူဝ်ႉၸႂ်ၼၼ်ႉ​​ၼေႃႈ

​​ပေႃႈတင်းမႄႈ​​ၵေႃႈပၼ်ၾၢင်ႉယူႇ မိူဝ်ႈပႆႇပဵၼ်ၶဵၼ်ၼမ်ဢိူဝ်ႈၼႆ ဢမ်ႇထုၵ်ႇလီပႆတႃႈဢွၵ်ႇတၢင်း မိူဝ်ႈၶၢဝ်းယၢမ်းလဵဝ်

ဢမ်ႇမုင်ႈဢမ်ႇမွင်း တိင်းတွင်း သဵင်ၾူၼ်း​​မေႃးမႃး ၺႃးမႅၼ်ႈမိူဝ်ႈယၢမ်းၼႂ်(8:30)မူင်းၵိုင်ႇ တိုၼ်ႇၽႃႈ​​သေလုၵ်ႉႁၢပ်ႉ 

လႆႈငိၼ်ၵႂၢမ်းဢွၼ်ႇဢၼ်လၢတ်ႈမႃးဝႃႈ " ဝႆႉၸႂ်လီလီၶႃႈ ဢမ်ႇၸၢင်ႈႁဵတ်းႁိုဝ် ၸၢႆးၸၢမ်ႇလႃႉ လႆႈလူႉၵႂႃႇယဝ်ႉ "ၼႆဝႃႈ ပဵၼ်ၵႂႃႇတီႈၵႄႈၵူတ်ႉၶၢႆလႄႈ မူႇ​​ၸေႊ တီႈႁိမ်းဝၢၼ်ႈ​​မေႃႇတွင်း မိူဝ်ႈၽွင်း(5)မူင်းပၢႆ တၢမ်းၶမ်ႈၼႆယူႇ

ၽိူဝ်ႇလႆႈငိၼ်းယဝ်ႉ​​ၵေႃႈ ၵႅၼ်ႇၵပ်ႉဢူၵ်းထိုင်ၸႂ် ၸဵပ်းထိုင်လႂ်​​ၵေႃႈဢမ်ႇႁူႉယဝ်ႉ ​​ၵေႃႉပဵၼ်​​ပေႃႈ ​​ၵေႃႉပဵၼ်မႄႈတႄႉ ​​ပေႃးဝႃႈလႆႈငိၼ်း ၸၢႆးၸၢမ်ႇလႃႉ လႆႈသဵင်ႈလႆႈလူႉ ႁူႉၵႃႈဢမ်ႇထိင်းလႆႈ ႁွင်ႉႁႆႈ ​​ပေႃးတဵမ်ထိူၼ်ႇတဵမ်ပႃႇ  ၵွပ်ႈၵႂႃႇၼွၼ်းယူႇၼႂ်းသုမ်ႉတင်းႁႆႊ ဢမ်ႇၸၢင်ႈၶႆႈယဝ်ႉ........

လွင်ႈတိူဝ်ႉၸႂ် လွင်ႈမႆႈၸႂ်ၼၼ်ႉ​​ၼေႃး....

လဵင်ႉလူလုမ်းလႃးမႃးၸဵမ်လဵၵ်ႉၸဵမ်လႅင် ​​တေႃႇ​​ပေႃးၶႅင်မီးႁႅင်း တႃႇႁိူဝ်ႈလႅင်းတ်ႈပၢၼ် တႃႇႁဵတ်းၵၢၼ်ၸွႆႈၸိူဝ်ႉၸၢတ်ႈ တႃႇလၢတ်ႈၵႄႈၵူၼ်းတင်းၼမ် 

 ၼင်ႇၵႃႈပွင်ပဵမ်လႆႈၼၼ်ႉယဝ်ႉ

ၵမ်းၼႆႉ​​တေႉ ဢၢၼ်းသင်​​ၵေႃႈ ဢမ်ႇလႆႈ ၶႆႈသင်​​ၵေႃႈဢမ်ႇပဵၼ် ၶဵၼ်​​ၵေႃႈ တဵမ်ဝၢၼ်ႈတဵမ်မိူင်း သိုၵ်းလိူင်း​​ၵေႃႈၼမ်ၼႃႇ

ၵွပ်ႈၼႆလုၵ်ႈၸၢႆး ၸၢႆးၸၢမ်ႇလႃႉ​​ၵေႃႈ လႆႈလုႉတၢႆၼႂ်းၵႄႈၵၢင်သိုၵ်းလိူင်း မိူဝ်ႈၼႂ်းမိူင်းတိုၵ်ႉၶုၼ်ႇ ႁႃတီႈဢုၼ်ႇၸႂ်​​ပေႃႈမႄႈ​​ၵေႃႈႁိုဝ်မီးယဝ်ႉ ၵမ်းၼႆႉ ၵွပ်ႈဝႃႈမီးလုၵ်ႈၸၢႆး​​ၵေႃႉလဵဝ် ဝူၼ်ႉၶိုၼ်းပိုၼ်းလင်​​ၵေႃႈ ၵႅၼ်ႇလိုမ်းယၢပ်ႇ​​တေႉယဝ်ႉ 

​​ၵေႃႉပဵၼ်​​ပေႃႈမႄႈ ၸၢႆးၸၢမ်ႇလႃႉ...... ❞။

   📌 ၼွင်ႉယိင်းမၼ်းၸၢႆးဝႃႈ

❝ ၼွင်ႉၶဝ်မီးပီႈဢၢႆႈၵေႃႉလဵဝ်ၵူၺ်း

ဢမ်ႇတွၼ်ႉဝူၼ်ႉဝႃႈတေလႆႈမွၵ်ႇ လိၵ်ႈမွၵ်ႇပီႈဢၢႆႈၸိူင်ႉၼႆပၼ်ပီႈ

ထၢင်ႇတေလႆႈမွၵ်ႇလိၵ်ႈမွၵ်ႇပၢင်ၶႅၵ်ႇပီႈဢၢႆႈ မိူဝ်ႈလဵဝ်သမ်ႉပဵၼ် လိၵ်ႈမွၵ်ႇပၢင်သွမ်းယဝ်ႉလႃႇ

လႆႈႁၼ်တီႈႁိူၼ်းႁဵတ်းသုမ်ႉၵၢႆႇၼႃး ယၢမ်ႈဝူၼ်ႉဝႃႈ ပေႃးတီႈႁိူၼ်းႁဵတ်းသုမ်ႉၸိူင်ႉၼႆႉတေပဵၼ်သုမ်ႉပၢင်ၶႅၵ်ႇၵွၺ်း ၵွပ်ႈလႆႈႁူႉဝႃႈပီႈ ဢၢႆႈထူပ်းပၢၼ်ဢွၼ်မၼ်း တီႈၶဝ်လႆႈႁၵ်ႉၵၼ်လႄႈ တမ်းၸႂ်လႆႈယဝ်ႉၼႆ​​သေ မိူဝ်ႈလဵဝ်ၼႆႉၵူၼ်းမႃးႁဵတ်းသုမ်ႉၵေႃႈဢမ်ႇႁၼ်ၼႃႈယုမ်ႉ ၼႂ်းႁိူၼ်းၵေႃႈဢမ်ႇမီးၽႂ်ၶူဝ်

ပီႈၶႃႈၼွင်ႉတေလႆႈႁဵတ်းႁိုဝ်? ❞

​​

📌 ၵေႃႉႁၵ်ႉဢွၼ်ႇမၼ်းၸၢႆး 

သမ်ႉတႅမ်ႈဝႆႉလိၵ်ႈ မွင်ၸႂ်ၼိူဝ်လွင်ႈႁၵ်ႉဢွၼ်ႇမၼ်းၼၢင်းဢၼ်လႆႈမီးၼိူဝ်​​ၵေႃႉႁၵ်ႉ ဢၼ်လႆႈလူႉသဵင်ႈယၢၼ်ၽၢတ်ႇၵႂႃႇၼၼ်ႉဝႃႈ 

❝ ၸႂ်ထိုင်သူ​​တေႉယဝ်ႉ

ယွၼ်ႉၵွပ်ႈတၢင်းႁၵ်ႉ​​သေ ႁဵတ်းႁႂ်ႈၵူၼ်းလႆႈယွင်ႇ ႁဵတ်းႁႂ်ႈၵူၼ်းလႆႈလူႉတၢႆၼႆၼၼ်ႉ မိူဝ်ႈဢွၼ်တၢင်း ဢမ်ႇႁွၼ်ႇတွၼ်ႉယၢမ်ႈယုမ်ႇမႃး​​သေပွၵ်ႈ၊

ထိုင်ယၢမ်းၼႆႉ ႁွတ်ႈထိုင်တူဝ်ၸဝ်ႈၵဝ်ႇယဝ်ႉ ယွၼ်ႉၵွပ်ႈတၢင်းႁၵ်ႉ​​သေ ၸၢင်ႈယွင်ႇဢိူဝ်ႈ ယွၼ်ႉၵွပ်ႈတၢင်းႁၵ်ႉ​​သေ ၸၢင်ႈႁဵတ်းႁႂ်ႈတၢႆလႆႈဢိူဝ်ႈၼႆ ယုမ်ႇယဝ်ႉဢိူဝ်ႈ။

ၶႂ်ႈလႅၼ်ႈၵႂႃႇၵွတ်ႇ မိူၼ်မိူဝ်ႈဢွၼ်တၢင်းလႄႈ ဢိင်ဢူၵ်းလိုဝ်ႈႁိူဝ်ႉၼႂ်းၵႄႈဢူၵ်း လူၺ်ႈတၢင်းဢုၼ်ႇၸႂ်ဢွၼ်ႇသူၼၼ်ႉယူႇၵေႃႈ ဢမ်ႇမီးလႆႈထႅင်ႈယဝ်ႉ

ၸႂ်ထိုင်သူ​​တေႉယဝ်ႉ❞

 ❝ ဢူၺ်း​​ၵေႃႉမၼ်းၸၢႆး ၸိူဝ်းၼၼ်ႉ​​ၵေႃႈမုင်ႈမွင်းၵူႈလွင်ႈႁႂ်ႈမၼ်းမိူၼ်ၵဝ်ႇၶိုၼ်းမႃးၶိုၼ်းယူႇၼင်ႇၼၼ်​​သေတႃႉ ႁူႉဝႃႈၸိူဝ်းၼႆႉ ဢမ်ႇၸႂ်ႈလွင်ႈၼွၼ်းၾၼ်လႄႈ ဢမ်ႇၸၢင်ႈႁဵတ်းၸိူင်ႉႁိုဝ်  လိုၼ်းသုတ်း​​ၵေႃႈ ဢမ်ႇၶႂ်ႈယုမ်ႇလႆႈ လႄႈ ယွမ်းႁပ်ႉလႆႈၼႆ​​ၵေႃႈ လိူဝ်​​သေယွမ်းႁပ်ႉမၼ်းဝႃႈ မၼ်းလႆႈၽၢတ်ႇယၢၼ်ႁဝ်းၵူႈ​​ၵေႃႉၵႂႃႇယဝ်ႉ မၼ်း​​တေဢမ်ႇႁွၼ်ႇပွၵ်ႈၶိုၼ်းမႃးၸူးပၢင်မူၼ်ႈၵိၼ်​​ၵျေႃႇဢုပ်ႇမူၼ်ႈ ၵုမ်တုမ်ၵၼ်ၸိူင်ႉၼင်ႇဝၼ်းလင်ၼၼ်ႉလႆႈ​​သေပွၵ်ႈယဝ်ႉၼႆယူႇ ❞

ဝၼ်းထီႉ 4 လိူၼ်​​မေႇ 2022 ၼၼ်ႉထုၵ်ႇၺႃးၸုမ်းသိုၵ်းမၢၼ်ႈ တဵၵ်းၸႂ်ႉႁပ်ႉသူင်ႇပၼ်ၵူၼ်းသိုၵ်းလႄႈၽွင်းၵႂႃႇၸွမ်းတၢင်းၼၼ်ႉလႆႈထုၵ်ႇၺႃး ၸုမ်းသိုၵ်း(TNLA) ပိုတ်းယိုဝ်းၵႃးလႄႈလႆႈလူႉသဵင်ႈတၢႆၵႂႃႇတင်းဢူၺ်း​​ၵေႃႉမၼ်းၸၢႆးယူႇယဝ်ႉ။

လွင်ႈၸဵပ်းၸႂ်ၼႆႉ​​တေၼႄးၽႂ်ၽိတ်းၸိူင်ႉႁိုဝ် ​​ၶေႃႈတွပ်ႇမၼ်းမီးလႂ် ၽႂ်သမ်ႉ​​တေဢဝ်တွၼ်ႈသွၼ် ဝၼ်းမိူဝ်းၼႃႈမႃးလူး ၼိူဝ်ႉလိူတ်ႈလွင်ႈၸဵပ်းသၢင်ႈၸိူဝ်းၼႆႉ ၸွင်ႇႁဝ်း​​တေလႆႈႁၼ် လွင်ႈယုမ်ႉႁၢၼ်ႉၸႂ်ၸွမ်းလႆႈယူႇႁိုဝ်?  ၼႆ​​ၶေႃႈထၢမ်ဢၼ်မၼ်းၸၢႆးဢမ်ႇတၼ်းလႆႈထၢမ်သင်ထိုင်တီႈၽူႈလူလိၵ်ႈၼင်ႇၼႆ 😢😥😓

Photo  :  Art  LENGLAT               

#ShanBooks #ၸၢႆးၸၢမ်ႇလႃႉ #စိုင်းစံလှ #မအလ #TNLA #RIP #Love #CSSU #TYN #CEC #စကစ #ပေါ်တာဆွဲ #သျှမ်းလူငယ် #ၵူၼ်းၼုမ်ႇတႆး