လုၵ်ႈၶႂ်ႈပဵၼ် ၽူၼ်း ဢၼ်ပေႃႈတင်းမႄႈယိပ်း

 

မေႃသွၼ်ၵေႃႉၼိုင်ႈ ဝၢႆးသေ မၼ်းၼၢင်းၵိၼ်ၶဝ်ႈၶမ်ႈယဝ်ႉၼၼ်ႉ မၼ်းၸင်ႇမႃးၼင်ႈသေၸႅတ်ႈလိၵ်ႈလုၵ်ႈႁဵၼ်းဢၼ်မၼ်းပၼ်ၵၢၼ်ႁိူၼ်းဝႆႉၼၼ်ႉယူႇယဝ်ႉ။

 ၵေႃႉပဵၼ်ၸဝ်ႈၽူဝ်မၼ်းၼၢင်းတႄႉ မိူၼ်ၵူႈပွၵ်ႈၵူၺ်း လဵၼ်ႈၵဵမ်းယူႇႁိမ်းၶၢင်ႈမေးမၼ်းၼၼ်ႉၼႃႇ။

မိူဝ်ႈမၼ်းၼၢင်း  ၸႅတ်ႈလိၵ်ႈ ပပ်ႉလိုၼ်းသုတ်းယဝ်ႉတူဝ်ႈၵႂႃႇၼၼ်ႉ ၼမ်ႉတႃမၼ်းၼၢင်းၸိုမ်းလႆဢွၵ်ႇမႃးယူႇ။

 ၽူဝ်မၼ်းၼၢင်းႁၼ်မႅၼ်ႈသေၸင်ႇထၢမ်ဝႃႈ "ႁႆႈႁဵတ်းသင်၊သူပဵၼ်သင်"ၼႆယူႇ။

 မေးၼၢင်းမၼ်းတွပ်ႇဝႃႈ    "ဝၼ်းပူၼ်ႉမႃးၼႆႉ ႁဝ်းပၼ်လိၵ်ႈလုၵ်ႈႁဵၼ်း

ၶဝ်  လိၵ်ႈပွင်ႁူဝ်ၶေႃႈဝႃႈ "လွင်ႈၶႂ်ႈပဵၼ် ၸဝ်ႈၵဝ်ႇ" ၼႆၼၼ်ႉယူႇ။

ၽူဝ်မၼ်းၼၢင်းၸင်ႇၶိုၼ်းထၢမ် "သမ်ႉႁႆႈယွၼ်ႉသင်လႃႇ" ၼႆဢေႃႈ။

 မေးၼၢင်းမၼ်းၵေႃႈ  "ႁဝ်းၸႅတ်ႈလိၵ်ႈပပ်ႉလိုၼ်းသုတ်းယဝ်ႉ ႁဝ်းယိၼ်းထိုင်ၸႂ်ၼႃႇလႄႈႁႆႈဢေႃႈ" ၼႆယူႇ။

ၽူဝ်မၼ်းၸင်ႇထၢမ်    "သမ်ႉတႅမ်ႈသင်ဝႆႉလႃႇ?

မေးမၼ်းဝႃႈ "ပႂ်ႉထွမ်ႇၼႃႈတေလူၼႄ"ၼႆသေ

လွင်ႈဢၼ်ၶႃႈၶႂ်ႈပဵၼ်တႄႉၵေႃႈ ၶႂ်ႈပဵၼ်ၽူင်းလုၵ်ႈၼိုင်ႈဢေႃႈ ပေႃႈတင်းမႄႈၶႃႈ ၶဝ်ႁၵ်ႉၽူင်းၶဝ်တေႉဢေႃႈ။ၵုမ်ႇပၵ်းၸႂ်ၼိူဝ်ၽူင်းၶဝ်ၵမ်ႈၼမ်သေ မၢၵ်ပွၵ်ႈမၢင်လႂ် လိုမ်းၶဝ်ႈၸႂ်ၼိူဝ်ၶႃႈဢေႃႈ။ မိူဝ်ႈပေႃႈၶႃႈၵႂႃႇၵၢၼ် ပွၵ်ႈၶိုၼ်းမႃးၼၼ်ႉပၼ်ၶၢဝ်းယၢမ်းၽူင်းၶဝ်ၵူၺ်းယဝ်ႉ    တႃႇၶႃႈတႄႉ  ပေႃႈဢမ်ႇမီးၶၢဝ်းယၢမ်းပၼ်။    မိူဝ်ႈၶဝ်ႁဵတ်းၵၢၼ်ဢၼ်လွင်ႈယႂ်ႇယူႇၼၼ်ႉ    သင်ၽူင်းၶဝ်ႈမႃးၸိုင် ၼႅတ်ႈၵႂႃႇႁပ်ႉၽူင်း    ၵူၺ်းၵႃႈမိူဝ်ႈၶဝ်ႁဵတ်းၵၢၼ် လွင်ႈယႂ်ႇၼၼ်ႉ    သင်ၶႃႈႁွင်ႉႁႆႈၼႆၶဝ်ဢမ်ႇၶဝ်ႈၸႂ်ၼိူဝ်ၶႃႈ။

ၶဝ်လဵၼ်ႈၸွမ်းၽူင်းၵူၺ်း ဢမ်ႇတွၼ်ႉဝူၼ်ႉတႃႇတေလဵၼ်ႈၸွမ်းၶႃႈသေပွၵ်ႈ။    မိူဝ်ႈၶဝ်လၢတ်ႈတေႃႇပိူၼ်ႈယူႇၼၼ်ႉ  တႃႇၶႃႈတေလၢတ်ႈလွင်ႈဢၼ်ၶႃႈၶႂ်ႈလၢတ်ႈၼႆ ၶဝ်ဢမ်ႇဝႆႉပဵၼ်ဢၼ်လမ်ႇလွင်ႈ ယင်းပၢႆဢမ်ႇၶဝ်ႈၸႂ်ထႅင်ႈလူးၵွၼ်ႇ။    ယွၼ်ႉၼၼ်လႄႈၶႃႈၶႂ်ႈပဵၼ်ၽူင်းဢၼ်ပေႃႈတင်းမႄႈယိပ်းယူႇၼၼ်ႉဢေႃႈ

ၽိူဝ်ႇလႆႈငိၼ်းၼင်ႇၼၼ်ယဝ်ႉ ၽူဝ်မၼ်းၼၢင်းတင်းၸႂ်ဢမ်ႇလီသေ ထၢမ်ဝႃႈ  "ပဵၼ်ၽႂ်ၵေႃႉတႅမ်ႈ"ၼႆယူႇယဝ်ႉ။

 ၵေႃႉပဵၼ်မေးၼၢင်းမၼ်းၵေႃႈတွပ်ႇဝႃႈ "လုၵ်ႈၸၢႆးႁႃးဢေႃႈ"ၼႆယဝ်ႉ။

 ၶူဝ်းၶွင် ၶိုတ်းၵၢပ်ႈၼႆႉ ၶႅမ်ႉဢေႃႈ  ၵူၺ်းၵႃႈၼၼ်ႉပဵၼ်တႃႇၼႃႈႁိူၼ်းလဵဝ်ၵၼ် ၵပ်းသိုပ်ႇႁႃၵၼ်ငၢႆႈဝႃႈၼၼ်သေတႃႉ တႃႇပၢႆးၸႂ်တႄႉ  ၶၢတ်ႇလွင်ႈၵပ်းသိုပ်ႇၵၼ်ဝႆႉယူႇဢေႃႈ။

လုၵ်ႈဢွၼ်ႇဢၼ်ဝႃႈၼႆႉ  ယူႇတီႈႁိမ်းႁွမ်း၊တီႈၶဝ်ႁၼ်၊တီႈၶဝ်ထူပ်းၼၼ်ႉသေမေႃမဵတ်ႇမၢႆဝႆႉၼႂ်းမၢၵ်ႇႁူဝ်ၸႂ်ေဢႃႈ။

ႁႂ်ႈမေႃပၼ်လွင်ႈတူၺ်းထိုင်လီ၊သႂ်ႇၸႂ်လီေတႃႇလုၵ်ႈလၢင်းသူၸဝ်ႈၶဝ်ယႂ်ႇၼမ်သေၵမ်း။  

ပိၼ်ႇတႅမ်ႈ မူၺ်လၢဝ်ၶိူဝ်း (ၸၢမ်လီ)